ᒫᑎᐅᓯᐅᑉ ᐊᒡᓚᖏᑦ 6:2 - Aglait Ijjurnaittut

² “Taimaimmat tunirrusirussi, tunisinisi qaujijaunasuarlusi tittulautimik nilliqtitsijariaqanngilasi, takkurmuuqtutitut taakkua Juutit ukpirnirmut katimavinginni aqqutinilu, taimailiuqpangmata inungnut niqtuqtaujumallutik. Sulijumik uqautivassi, akiliqtaujariiqput.

ᐊᒡᓔᑦ ᐃᑦᔪᕐᖕᓁᑦᑐᑦ

² “ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:2 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 6:5

“Tuksialiraangassi takkurmuuqtutitut taimaittuksaunngilasi; taikkua inungnut takunnaqtaujumatuinnaqtlutik tuksiasuungungmata nangirlutik, Juutit ukpirnirmut katimavinginni aqqutinilu. Sulijumik uqautivassi, taakkua akiliqtaujariiqput.

ᒫᑎᐅᓯᐅᑉ ᐊᒡᓚᖏᑦ 6:16

“Nirittailijaraangassi, takkurmuuqtutitut taimaittuksaunngilasi kiinarmingnik takuminarunniiqtitsijutitut, tauttumigut takuksaunasuaqpangmata nirittailinirmingnik qaujijaujumallutik. Sulijumik uqautivassi, akiliqtaujariiqput.

ᔪᐊᓇᓯᐅᑉ ᐊᒡᓚᖏᑦ 5:41

“Inungnut niqtuqtaunasuanngilanga.

ᓘᑲᓯᐅᑉ ᐊᒡᓚᖏᑦ 20:46

“Ilimasugissi piqujanik ilisaijinik, taakkua pisukkatagumavangmata takijunik annuraaqsimalutik, nilliujjautsiarumavaglutik niuvirvingni Juutillu ukpirnirmut katimavinginni piuniqpaani iksivajumavaglutik; nirivigjuariaqtuqtunit upigijaujut ininginni iniqarumavaglutik.

ᔪᐊᓇᓯᐅᑉ ᐊᒡᓚᖏᑦ 7:18

Nalliat pijunnarnituinnarmigut uqallaktuq imminik niqtuqtaujjutiksaminik pinasuaqpuq; nallialli tilijiminik niqtuqtautitsinasuaqtuq sulitsiaqpuq, taassumanilu sagluniqtaqarnani.

ᔪᐊᓇᓯᐅᑉ ᐊᒡᓚᖏᑦ 13:29

Juutasi kamajigijaungmat kiinaujaqautingannik ikpiarjungmik; ilinniaqtiit ilangit isumavut Jiisusi niuviriaqujinasugillugu aturiaqaqtanginnik nalliunniqsiulirutik; uvvaluunniit tunisijaqtuqujaunasugivaat ajuqsaqtunut.

ᔪᐊᓇᓯᐅᑉ ᐊᒡᓚᖏᑦ 5:44

Qanuq ukpirunnaqpisi? Inuuqatissinnut niqtuqtaujumanirmik pinasuaqattarlusi Guutimullu niqtuqtauniksatuaq qinirnagu.

ᓘᑲᓯᐅᑉ ᐊᒡᓚᖏᑦ 6:42

Sungmallu inuuqatingnut uqarunnaqpit ‘Inuuqatiik, ijjisimautit ijingniittuq piilaurlagu,’ uvva nangminiq ijingniittuq ijjisimautiit qijualuk kamaginagu? Takkurmuuqtutit, ijjisimautiit nangminiq ijingnit piiqqaaruk, taututsiarlutit inuuqativit ijjisimautinganik mikijumik piiqsijunnarniaravit.”

ᒫᑯᓯᐅᑉ ᐊᒡᓚᖏᑦ 12:39

Juutit ukpirnirmut katimavinganni piuniqpaani iksivautaqarumavut, upinnarniqpaanilu iniqarumavaglutik nirivigjuaqtuqaqtillugu.

ᓘᑲᓯᐅᑉ ᐊᒡᓚᖏᑦ 13:15

Ataniup kiuvaa uqarluni, “Ilissi takkurmuuqtusi! Uumajuqutissinnik siutiqquqtujuqutiminigluunniit ininganit pituijjaaqsivakpusi imiqtigiaqturlugu Sapatiutillugu?

ᓘᑲᓯᐅᑉ ᐊᒡᓚᖏᑦ 12:56

Takkurmuuqtusi! Nunarjuap silaullu qanuinniarninga qaujimavakpasi takuksauningagut; sungmat maannauliqtuq qanuittuqalirmangaat qaujimajunnanngilasi?”

ᓘᑲᓯᐅᑉ ᐊᒡᓚᖏᑦ 12:33

Piqutisi niurrutigisiuk, kiinaujait tunilugit ajuqsaqtunut; puuksaqtaarissi pituqanngurnianngittunik, piksaqtaarlusilu qilangmi nungunnianngittunik, tigliktinut pijaujunnanngittunik, qupirrunullu qallunaaqtanik nirisuunut sukkutaunianngittunik.

ᓘᑲᓯᐅᑉ ᐊᒡᓚᖏᑦ 11:43

“Ilissinnut kappiannamik ilissi Paarisit! Juutit ukpirnirmut katimavinginni iksivautani piuniqpaani iksivajumavaktusi, inungnullu nilliujjautsiarumavaktusi niuvirvingni.

ᓘᑲᓯᐅᑉ ᐊᒡᓚᖏᑦ 11:41

Tiituutiup nirrisiillu iluaniittut tunisigik aktlujunut; takugit, tavva salummatsialirniaqpusi iluunnangagut.

ᓘᑲᓯᐅᑉ ᐊᒡᓚᖏᑦ 6:24

Kappianaqtumiippusili maanna ajuqsanngittusi, pijariakittumik inuusiqariirassi.

ᒫᑯᓯᐅᑉ ᐊᒡᓚᖏᑦ 7:6

Jiisusiup kiuvait, “Aisaiasi nalauttailluni uqausiqalauqpuq takkurmuuqtunik ilissinnik, titiraqsimangmat, ‘Ukua inuit qanirmingnut niqtuqpaanga, Uummatingitali ungasigivaanga;

ᒫᑎᐅᓯᐅᑉ ᐊᒡᓚᖏᑦ 24:51

Tavva angajuqqaangata sugiarlugu igikkajaqpaa, takkurmuuqtut sugiaqtauvigijanganut; tavvani qianiqarajaqput aglirulaarlutik.

ᒫᑎᐅᓯᐅᑉ ᐊᒡᓚᖏᑦ 23:6

Nirivigjuaqtuqaqtillugu upigijaujut ininginni iniqarumavut, Juutillu ukpirnirmut katimavinginni initsiavauniqpaani kisiani iniqaqpaglutik;

ᒫᑎᐅᓯᐅᑉ ᐊᒡᓚᖏᑦ 22:18

Jiisusi ikpigusukkami piunngittumik isumaqatigiiksimaninginnik, uqautivait, “Sungmat uuktuqpisinnga? Takkurmuuqtusi!

ᒫᑎᐅᓯᐅᑉ ᐊᒡᓚᖏᑦ 16:3

Ullaammarikkullu uqaqpakkivusi, ‘Ullumi silalungniaqpuq, nuvujait aupaqtuullutik Qirniqtaungmata.’ Silamik nalauttaijunnaqtusi takunnaarlusi qilangmik, tukisijunnanngilasili nalunaikkutarnik nalliutiliqtunik maannaujumik!

ᒫᑎᐅᓯᐅᑉ ᐊᒡᓚᖏᑦ 15:7

Takurmuuqtusi! Aisaiasi sulitsiarluni uqalauqpuq ilissi pijjutigillusi! Uqarluni:

ᒫᑎᐅᓯᐅᑉ ᐊᒡᓚᖏᑦ 7:5

Takkurmuuqtutit! Ijingniittuq napaaqtuvinialuk piiqqaalauruk, tavva takutsiarunnaqsiniaqputit inuuqativit ijjisimautinganik piiqsinasualiruvit mikijukulungmik.

ᒫᑎᐅᓯᐅᑉ ᐊᒡᓚᖏᑦ 5:18

Sulijumik uqautivassi, qilak nunarjuarlu nungulauqqaaqtinnagik, piqujait naaningit aaqqigiarutingillu aturunniiqtuqajjaanngilat, tamarmitsiaq nalautsilauqqaaqtinnagit.

ᒫᑎᐅᓯᐅᑉ ᐊᒡᓚᖏᑦ 6:3

Tunirrusiruvilli, saumiit qaujititaksarinngilat taliqpikpit tunirrutinginnik.

ᒫᑎᐅᓯᐅᑉ ᐊᒡᓚᖏᑦ 23:5

Sunatuinnarnik pinasuaqattaqput inungnut takujaujumatuinnarlutik; Guutiup uqausinginnik titirarvigisimajut qaurutingit talirmiutangillu, takulauqsiuk angijuutialuit! Uligjuangitalu nigjangit takijuutialuit!