ᒫᑎᐅᓯᐅᑉ ᐊᒡᓚᖏᑦ 5:18 - Aglait Ijjurnaittut

¹⁸ Sulijumik uqautivassi, qilak nunarjuarlu nungulauqqaaqtinnagik, piqujait naaningit aaqqigiarutingillu aturunniiqtuqajjaanngilat, tamarmitsiaq nalautsilauqqaaqtinnagit.

ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 5:18 ပူးပေါင်းရင်းမြစ်များ

ᓘᑲᓯᐅᑉ ᐊᒡᓚᖏᑦ 16:17

Pijariakinniqsauvuq qilaglu nunarjuarlu nunguppatik, piqujani naanikuluulluunniit atausiup atuqtitaugajannginninganit.

ᒫᑯᓯᐅᑉ ᐊᒡᓚᖏᑦ 13:30

sulijumik uqautivassi, maanna inuujut nungulauqqaaqtinnagit tamakkua tamarmik nalliutijumaaqput.

ᔪᐊᓇᓯᐅᑉ ᐊᒡᓚᖏᑦ 5:19

Jiisusiup uqautivait, “Sulijumik uqautivassi, Irniq iminiinnaq pinasuarunnanngilaq, pinasuaqpurli Ataataup pinasuaqtanginnik takujaminik, Ataataup pinasuaqtanga Irningatattauq pinasuarivaa.

ᒫᑎᐅᓯᐅᑉ ᐊᒡᓚᖏᑦ 17:20

Jiisusiup kiuvait, “Ukpirnikiluarassi, sulijumik uqautivassi, ukpirniqarussi piruqsiaksaup kanngaqsuutiksaqtangatut mikijukuluktitut mastarttut, uumunga qaqqamut uqarunnaqpusi, ‘Uvanngat nuugit avunga,’ tavvanngallu nuunniaqpuq; sunalimaanik ajuqtaqarnianngilasi.” [

ᒫᑎᐅᓯᐅᑉ ᐊᒡᓚᖏᑦ 16:28

Sulijumik uqautivassi! Uvaniittuqaqpuq Inuup Irningata angajuqqaarjuangurniriniaqtanganik takulauqqaaratik tuqunianngittunik.”

ᒫᑎᐅᓯᐅᑉ ᐊᒡᓚᖏᑦ 13:17

Sulijumik uqautivassi, nalauttaijut amisut, Guutiullu inuqutingit amisut, takujumalauqput takujassinnik, takulaunngilallu, tusarumammarilauqput tusaajassinnik, tusalauratiglu.”

ᒫᑎᐅᓯᐅᑉ ᐊᒡᓚᖏᑦ 10:23

Nunalingnit akiraqtuqtaugussi, tavvanngat qimaagissi nunaup asianut, qularnanngittumik uqautivassi Isarialiup iglugasagjuangit ingirrajariirviginiannginnassiuk, Inuup Irninga tikilauqaaqtinnagu.

ᒫᑎᐅᓯᐅᑉ ᐊᒡᓚᖏᑦ 6:2

“Taimaimmat tunirrusirussi, tunisinisi qaujijaunasuarlusi tittulautimik nilliqtitsijariaqanngilasi, takkurmuuqtutitut taakkua Juutit ukpirnirmut katimavinginni aqqutinilu, taimailiuqpangmata inungnut niqtuqtaujumallutik. Sulijumik uqautivassi, akiliqtaujariiqput.

ᒫᑎᐅᓯᐅᑉ ᐊᒡᓚᖏᑦ 5:26

Sulitsiarlunga, uqautivagit, tavvaniilirajaravit, akiliriaqaqtalimaarnik akiliilaunginnirni.”

ᔪᐊᓇᓯᐅᑉ ᐊᒡᓚᖏᑦ 21:18

Sulijumik uqautivagit, inuusuktuutillutit, ilingnik tattirusirlutit aivalauqputit aivigijumajarnut; ittuuliruvilli taliikkik isagumaaqpaakkik, asivillu tattirusirumaaqpaatit aitillutit aivigijumanngitarnut.”

ᔪᐊᓇᓯᐅᑉ ᐊᒡᓚᖏᑦ 16:23

“Ulluq nalliutikpat uvannik apiqsuurunniirumaaqpusi. Sulijumik uqautivassi, Ataata tuksiarvigigussiuk sunatuinnarmik, taassuma tunisiviginiaqpaasi Atinni.

ᔪᐊᓇᓯᐅᑉ ᐊᒡᓚᖏᑦ 16:20

Sulijumik uqautivassi, qialusilu uggualaaqpusi, silarjuarmiulli quviasulaaqput; ilissili qiksaagumaaqpusi, qiksaangnisili quviasuninguqtitaulaarivuq.

ᔪᐊᓇᓯᐅᑉ ᐊᒡᓚᖏᑦ 14:12

Sulijumik uqautivassi, uvannut ukpiqtuup piniarniit piniarnirijakka piniarutiginiarivait; anginiqsaniglu taakkunangat pinasuarumaaqpuq, Ataatamut ainiarama.

ᔪᐊᓇᓯᐅᑉ ᐊᒡᓚᖏᑦ 13:38

Jiisusiup kiuvaa, “Tuqutaunirmut atuinnauliqpit pijjutigilunga? Sulijumik uqautivagit, angutiviaq nilliqqaaqtinnagu, pingasuiqturlutit uvannik qaujimannginnirarniaqputit.”

ᔪᐊᓇᓯᐅᑉ ᐊᒡᓚᖏᑦ 13:16

Sulijumik uqautivassi, piji anginiqsaunngilaq angajuqqaaminit; tilijausimajurlu anginiqsaunnginnivuq tilijiminit.

ᔪᐊᓇᓯᐅᑉ ᐊᒡᓚᖏᑦ 12:24

Sulijumik uqautivassik: niaquujaksaup kanngaqsuutiksaqtanga taannatuugajaqpuq nunamuaqtauluni tuqunngikkuni, tuqugunili, niaquujaksanik amisunik piruqtitsigajaqpuq.

ᔪᐊᓇᓯᐅᑉ ᐊᒡᓚᖏᑦ 10:7

Tavva Jiisusiup uqarvigikkanniliqpait, “Sulijumik uqautivassi, uvanga siipiit itiqtarvigivaanga.

ᔪᐊᓇᓯᐅᑉ ᐊᒡᓚᖏᑦ 10:1

“Sulijumik uqautivassi, nalliat itiqtarvikkut itinngittuq siipikkuvingmut asiagulli isiqtarviunngittukkut avalu majurlugu isiqtuq tigliktiulluni tiguuraijiuvuq piginngitaminik.

ᔪᐊᓇᓯᐅᑉ ᐊᒡᓚᖏᑦ 8:58

Jiisusiup kiuvait, “Sulijumik uqautivassi, Aiprahaam inuulauqtinnagu, tavvaulauqpunga.”

ᔪᐊᓇᓯᐅᑉ ᐊᒡᓚᖏᑦ 8:51

Sulijumik uqautivassi, nalliat uqausinnik maliktuq, taanna tuqunianngilaq.”

ᔪᐊᓇᓯᐅᑉ ᐊᒡᓚᖏᑦ 8:34

Jiisusiup kiuvait, “Sulijumik uqautivassi, nalliat ajuqtulijuq ajuliqtitausimavuq ajurnirmut.

ᔪᐊᓇᓯᐅᑉ ᐊᒡᓚᖏᑦ 6:53

Tavva Jiisusiup uqautivait, “Sulijumik uqautivassi, Inuup Irningata timinganik nirinngikkussi aunganiglu iminngikkussi, inuusiqarunnanngilasi ilussinniittumik.

ᔪᐊᓇᓯᐅᑉ ᐊᒡᓚᖏᑦ 6:47

Sulijumik, sulijumik uqautivassi; uvannut ukpiqtuq inuusiqaqpuq nungusuittumik.

ᔪᐊᓇᓯᐅᑉ ᐊᒡᓚᖏᑦ 6:32

Tavva Jiisusiup uqautivait, “Sulijumik uqautivassi, Muusisiup niaquujamik qilangmit pijumik tunisivigilaunngilaasi; Ataatamali niaquujamik niqiksallaringmik tunisivigivaasi qilangmit pijumik.

ᔪᐊᓇᓯᐅᑉ ᐊᒡᓚᖏᑦ 6:26

Jiisusiup kiuvait, “Sulijumik uqautivassi; qiniqpassinnga nalunaikkutait takulauqtasi pijjutiginagit, nirilaurassili niaquujanik aqiatturlusi pijjutiqaqpusi.

ᔪᐊᓇᓯᐅᑉ ᐊᒡᓚᖏᑦ 3:11

Sulitsiaqtumik uqautivagit, qaujimajattinnik uqasuunguvugut, takulauqtattinniglu unikkaarluta; uqausirijattinnigli ukpinngilasi.

ᔪᐊᓇᓯᐅᑉ ᐊᒡᓚᖏᑦ 3:5

Jiisusiup kiuvaa, “Sulitsiaqtumik uqautivagit, nutaamik irniangunngittuq imarmut Anirnirmullu Ijjurnaittumut, Guutiup ataniuvinganut itirunnanngilaq.

ᔪᐊᓇᓯᐅᑉ ᐊᒡᓚᖏᑦ 3:3

Jiisusiup kiuvaa, “Sulitsiaqtumik uqautivagit, nutaamik irniangunngittuup, Guutiup ataniuvinga takujunnanngilaa.”

ᔪᐊᓇᓯᐅᑉ ᐊᒡᓚᖏᑦ 1:51

Uqautillugillu, “Sulitsiaqtumik uqautivassi, qilak angmaqtuq takujumaaqpasi, Guutiullu aingilingit majuraqtut aqqaqtiqtullu Inuup Irninganut.”

ᓘᑲᓯᐅᑉ ᐊᒡᓚᖏᑦ 23:43

Jiisusiup uqautivaa, “Sulijumik uqautivagit, ullumi aippariniaqparma quvianaqtuvingmi.”

ᓘᑲᓯᐅᑉ ᐊᒡᓚᖏᑦ 18:29

Jiisusiup uqautivait, “Sulijumik uqautivassi, nalliat angirraminik qimaijuq nuliaminik, qatanngutiminiglu angajuqqaaminiglu qiturngaminigluunniit, Guutiup Ataniuvinga pijjutigilugu,

ᓘᑲᓯᐅᑉ ᐊᒡᓚᖏᑦ 18:17

Sulijumik uqautivassi, Guutiup Ataniuvinganik nutarakuluktitut ilaliuqsinngittuq taanna tavvunga itirnianngilaq.”

ᓘᑲᓯᐅᑉ ᐊᒡᓚᖏᑦ 13:35

Takugit, iglusi qimaktaujumaaliqpuq. Uqautivassi, takuniarunniiqpassinga uqalauqqaaqtinnasi, ‘Guutiup saimmarliuk Ataniup atingani tikittuq!’”

ᓘᑲᓯᐅᑉ ᐊᒡᓚᖏᑦ 12:37

Saimaqtitausimajumik inuusiqaqpuq pijit angajuqqaamingnut tikitaujut iqqumatsiaqtillugit upalungaiqsimalutiglu; sulijumik uqautivassi, angajuqqaanga saalisarmik atisiniaqpuq, taakkua ingiqulugit nirivingmi, niriniaqtanginnik pijitsirarniaqpait.

ᓘᑲᓯᐅᑉ ᐊᒡᓚᖏᑦ 11:51

Aipiliup tuqutauninganit Sakaraiaup tuqutauninga tikillugu, taanna tuqutaulaurmat tuksiarvigjuarmi tunirrusirviup ijjurnaittuviullu akunningani. Ilaak uqautivassi, maanna ukua inuujut sugiaqtaujumaaqput taikkua tamarmitsiaq sugiaqtaujjutigilugit!

ᒫᑯᓯᐅᑉ ᐊᒡᓚᖏᑦ 14:30

Jiisusiup uqautivaa, “Sulijumik uqautivagit, ullumi, aglaat unnumi tamatumani, angutiviaq marruiqsurluni nillilauqtinnagu, pingasuiqturlutit uvannik qaujimannginniraqattarniaqputit.”

ᒫᑯᓯᐅᑉ ᐊᒡᓚᖏᑦ 14:25

Sulijumik uqautivassi, paurngait ittinganik imirniarunniiqpunga ulluq tainna nalliutiqqaaqtinnagu nutaamik imirumaarviksara Guutiup Ataniuvingani.”

ᒫᑯᓯᐅᑉ ᐊᒡᓚᖏᑦ 14:18

Tavvani nirivingmi niriqatigiiktillugit, Jiisusiup uqautivait, “Sulijumik uqautivassi, ilassinnut pijautitauniaqpunga, tavvani niriqatigijannut.”

ᒫᑯᓯᐅᑉ ᐊᒡᓚᖏᑦ 14:9

Sulijumik uqautivassi, nanilimaaq uqausit tusaruminaqtut uqausiuliraangata silarjualimaami, taassuma arnaup piniarnirijanga uqausiuvangniaqpuq taanna iqqaumajauluni.”

ᒫᑯᓯᐅᑉ ᐊᒡᓚᖏᑦ 12:43

Ilinniaqtini qaiqullugit uqautivait, “Sulijumik uqautivassi, taanna uiggarniq ajuqsaqtuq tunisivuq anginiqpaamik asilimaaminit.

ᒫᑯᓯᐅᑉ ᐊᒡᓚᖏᑦ 11:23

Sulijumik uqautivassi, nalliat qaqqamut uumunga uqaqpat, tavvanngat qangattarit tariurmullu kataglutik, uummatimigut qulangilluni, ukpirlunilu uqausirijami taimainniarninganik, tavva taimailirniaqpuq.

ᒫᑯᓯᐅᑉ ᐊᒡᓚᖏᑦ 10:29

Jiisusi uqaqpuq, “Sulijumik uqautivssi, nalliat igluminik qimaijuq, uvvalu qatanngutiminik, uvvalu najaminik, anaanaminik ataataminigluunniit, qiturngaminigluunniit, nunaminigluunniit, uvanga pillunga uqausillu tusaruminaqtut pijjutigilugit,

ᒫᑯᓯᐅᑉ ᐊᒡᓚᖏᑦ 10:15

Sulijumik uqautivassi, nalliat Guutiup Ataniuvinganik nutarakuluktitut ilaliuqsinngittuq tavvunga itirnianngilaq.”

ᒫᑯᓯᐅᑉ ᐊᒡᓚᖏᑦ 9:41

Sulijumik uqautivassi, nalliannut imiqtitaugussi Christuusiup atinganik pigujjinissinnut, taanna imiqtitsijuq asiujinianngimmarikpuq akiliqtauniksaminik.”

ᒫᑯᓯᐅᑉ ᐊᒡᓚᖏᑦ 9:1

Jiisusiup uqautivait, “Sulijumik uqautivassi, tavvaniittut ilangit tuqunianngilat Guutiup Ataniuvinganik pijunnarniqarluni tikilaunginningani.”

ᒫᑯᓯᐅᑉ ᐊᒡᓚᖏᑦ 8:12

Jiisusili angijumik aniqsaumilluni uqautivait, “Sungmat ullumiuliqtuq inuit kamanaqtuliqujivaat? Sulijumik uqautivassi, nalunaikkutarmik ullumiujuq inuit tunisiviunianngilat.”

ᒫᑯᓯᐅᑉ ᐊᒡᓚᖏᑦ 6:11

Nunalingnut tikigussi inunginnit tunngasuktitaunngikkussi, ilissinniglu naalagumanngippata, qimalirussigik itigasi saniijaqtaksarivasi tamanna nalunaikkutauniarmat naammagijaunnginninginnik.”

ᒫᑯᓯᐅᑉ ᐊᒡᓚᖏᑦ 3:28

“Sulijumik uqautivassi, inuit ajuqtulinirnit Guutimigluunniit uqarnirluksimagaluaqpata isumagijunnairviujumaaqput;

ᒫᑎᐅᓯᐅᑉ ᐊᒡᓚᖏᑦ 25:45

Tavva kiujumaaqpait, ‘Sulijumik uqautivassi, mikinniqpaujut pinasuarviginnginnassiuk, tavva uvannik pinasuarviqalaunngilasi.’

ᒫᑎᐅᓯᐅᑉ ᐊᒡᓚᖏᑦ 25:40

Tavva angajuqqaarjuap kiujumaaqpait, ‘Sulijumik uqautivassi, qatanngutima mikinniqpaarijanginnut pinasuarviqaraangassi, tamatuminga pinasuarvigilauqpassinnga!’

ᒫᑎᐅᓯᐅᑉ ᐊᒡᓚᖏᑦ 25:12

Uiksaulli kiuvait, ‘Sulijumik uqautivassi, kinakkuungmangaassi ilitarinngilassi!’

ᒫᑎᐅᓯᐅᑉ ᐊᒡᓚᖏᑦ 24:47

Sulijumik uqautivassi, taanna angajuqqaangata angajuqqaannguqtinniaqpaa piqutilimaaminut.

ᒫᑎᐅᓯᐅᑉ ᐊᒡᓚᖏᑦ 24:2

Jiisusiup uqautivait, “Tamakkualimaat takuminarningit takugaluaqtasi, sulijumik uqautivassi, tavvaniittut ujarait inimini qaliriiktuqarunniirumaaqput; iluunnalimaanga siqumitaujumaarmat.”

ᒫᑎᐅᓯᐅᑉ ᐊᒡᓚᖏᑦ 23:36

Sulijumik uqautivassi, sugiaqtauniq tamanna tikittumaaqpuq ullumi inuujunut.”

ᒫᑎᐅᓯᐅᑉ ᐊᒡᓚᖏᑦ 21:31

Nalliak taima ataatami pinasuaqtauqujanganik pinasualauqpaa?” Taakkua kiuvaa, “Taanna angajuktliq.” Tavva Jiisusiup uqautivait, “Sulijumik uqautivassi, Ruumamiut kiinaujaiqtitsijiqutingit angunniaqtillu atugaullutik sivulliulutik ilissinnit Guutiup Ataniuvinganuaqqaarumaaqput.

ᒫᑎᐅᓯᐅᑉ ᐊᒡᓚᖏᑦ 21:21

Jiisusiup kiuvait, “Sulijumik uqautivassi, ukpirussi qulangitsiarlusi, taimaaktauq pijunnaqpusi piniarnirirataaqtattut napaaqtumut, taimaittutuinnarmuunngitturli, aglaat qaqqamut uumunga uqarussi, ‘Tavvanngat qangattarlutit imaanut katalirit,’ tavva taimainniaqpuq.

ᒫᑎᐅᓯᐅᑉ ᐊᒡᓚᖏᑦ 19:28

Jiisusiup uqautivait, “Sulijumik uqautivassi: Inuup Irninga iksivautarjuarminut piviarnaqtumut ingilluni nutaamik pigiakkanniliqpat, tavva ilissi maliktiujusi uvannut, iksivaqataujumaaqpusi iksivautarjuani 12-ni, Isarialimiut kinguvaariit 12 angajuqqauvigilugit.

ᒫᑎᐅᓯᐅᑉ ᐊᒡᓚᖏᑦ 19:23

Jiisusi ilinniaqtiminut uqaqpuq, “Sulijumik uqautivassi: inungnut ajuqsanngittunut Guutiup Ataniuvinganut itiriaksaq ajurnakasangniaqpuq.

ᒫᑎᐅᓯᐅᑉ ᐊᒡᓚᖏᑦ 18:18

“Sulijumik uqautivassi, nunarjuarmi qilaksuqtasi taakkua qilangmi qilaksuqsimajumaarivut, qilarujjaaqtasilu nunarjuarmi taakkuattauq qilarujjaaqsimajumaarivut qilangmi.

ᒫᑎᐅᓯᐅᑉ ᐊᒡᓚᖏᑦ 18:3

uqaqpuq, “Sulijumik uqautivassi, piusissinnik asijjirlusi kisianiuvuq surusikuluktut taimailirlusi, asijjinngikkussi Guutiup Ataniuvinganut itirunnarnianngimmarikpusi.

ᒫᑎᐅᓯᐅᑉ ᐊᒡᓚᖏᑦ 11:11

Sulijumik uqautivassi, Juanasi Paaptitsiriji inulimaanit inuusimajunit pillariuniqpauvuq; Guutiulli Ataniuvingani mikiglitiqtuq, taanna Juanasimit pillariuniqsauvuq.

ᒫᑎᐅᓯᐅᑉ ᐊᒡᓚᖏᑦ 10:42

Nalliat imirmik niglinaqtumik imiqtitsijuq maliktinnit mikinniqpaujumik, imiqtitaujuup uvannut maliktiuninga pijjutigilugu, taanna sulimmariglunga uqautivassi akiliqtautsiarumaaqpuq.”

ᒫᑎᐅᓯᐅᑉ ᐊᒡᓚᖏᑦ 10:15

Qularnanngittumik uqautivassi, Iqqaqtuivik Nalliutikpat Guutiup nikaginiqsarilaaqpait Sutuumamiut Gumuuramiullu inungit taakkunangat nunalingnit tunngasuktissinngittunit.”

ᒫᑎᐅᓯᐅᑉ ᐊᒡᓚᖏᑦ 8:10

Jiisusiup tamanna tusaramiuk kamaniarivaa, maliktini uqautivait, “Sulijumik uqautivassi, taimaak ukpirniqaqtigijumik, qaujilaunngilanga Isarialimi.

ᒫᑎᐅᓯᐅᑉ ᐊᒡᓚᖏᑦ 6:16

“Nirittailijaraangassi, takkurmuuqtutitut taimaittuksaunngilasi kiinarmingnik takuminarunniiqtitsijutitut, tauttumigut takuksaunasuaqpangmata nirittailinirmingnik qaujijaujumallutik. Sulijumik uqautivassi, akiliqtaujariiqput.

ᓘᑲᓯᐅᑉ ᐊᒡᓚᖏᑦ 4:24

Imaaglu uqarivuq, “Sulijumik uqautivassi, nalauttaijumik ilaliuqtaujuqalauqsimanngilaq piruqsavivinirmini.