ᒫᑎᐅᓯᐅᑉ ᐊᒡᓚᖏᑦ 22:16 - Aglait Ijjurnaittut

¹⁶ Tavva tilisivut ilinniaqtimingnik, Iruutasiullu ikajuqtingita ilanginnik, uqaqullugit, “Ajuriqtuiji, qaujimavugut sulitsiaqtumik uqaujjiqattaravit, ajuriqtuiqattaravillu Guutiup inungnut piniaqtauqujanganik sulitsiaqtumik, inuit qanuq isumaqarmangaata isumaginagit, qanuittuuninginnik kamanginnavit.

ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᒫᑎᐅᓯᐅᑉ ᐊᒡᓚᖏᑦ 22:16 ပူးပေါင်းရင်းမြစ်များ

ᒫᑯᓯᐅᑉ ᐊᒡᓚᖏᑦ 3:6

Tavva Paarisit Juutit ukpirnirmut katimavingannit anigamik Iruutasiup ikajuqtinginnik ilaqarlutik kativut, qanuq tuqutsijunangaarmi Jiisusimik.

ᓘᑲᓯᐅᑉ ᐊᒡᓚᖏᑦ 20:21

Taakkua qaujisaqtitaujut Jiisusimut apirivut, “Ajuriqtuiji, qaujimavugut uqaujjitsiaqpakkavit ajuriqtuitsiaqpaglutillu akaujunik, inungnik ajjigiiktitsigavit, sulitsiaqtumiglu Guutiup atuqtauqujanganik ajuriqtuiqattaravit.

ᒫᑯᓯᐅᑉ ᐊᒡᓚᖏᑦ 12:14

Taakkua Jiisusimuaramik uqaqput, “Ajuriqtuiji qaujimagatta sulijumik uqaqattaravit, inuit isumangit sivuuraginagit sulitsiaqtumik uqaqpakkavit; inuit qanuittuuninginnik kamaginnginnavigit, ajuriqtuqattaravigit sulijumik Guutiup piniaqtauqujanginnik. Uqautilauqtigut, piqujattinnut akiraqtuqpaat, taaksiijarutinik tunisiqattarutta Siisarimut uvvalu tunisiqattariaqanngilagut?”

ᒫᑯᓯᐅᑉ ᐊᒡᓚᖏᑦ 8:15

Qaujimanasuaqullugit uqautivait, “Kamatsiarissi, ujjiqsurlusi Paarisit Iruutasiullu puvallaqqutinginnik.”

ᔪᐊᓇᓯᐅᑉ ᐊᒡᓚᖏᑦ 18:37

Tavva Pailaatuusiup apirivaa, “Tavvaa angajuqqaarjuanguvit?” Jiisusiup kiuvaa, “Ivvit angajuqqaarjuanguniraqparma. Tamanna pijjutigillugu inuulauqpunga, silarjuarmullu tikillunga, sulijumik nalunaiqsijaqturlunga. Sulijumiittulimaat tusaqpaanga.”

ᔪᐊᓇᓯᐅᑉ ᐊᒡᓚᖏᑦ 14:6

Jiisusiup uqautivaa, “Aqqutauvunga, sulijuullunga, inuusiuvunga; kinamigluunniit Ataatamuaqtuqarunnanngilaq, uvakkuurluni kisiani.

ᔪᐊᓇᓯᐅᑉ ᐊᒡᓚᖏᑦ 7:18

Nalliat pijunnarnituinnarmigut uqallaktuq imminik niqtuqtaujjutiksaminik pinasuaqpuq; nallialli tilijiminik niqtuqtautitsinasuaqtuq sulitsiaqpuq, taassumanilu sagluniqtaqarnani.

ᓘᑲᓯᐅᑉ ᐊᒡᓚᖏᑦ 7:40

Jiisusiup nilliutivaa uqautillugu, “Saimuunii, ilingnut uqausiksaqarama.” Taassuma kiuvaa, “Qanuq ajuriqtuiji.”

ᒫᑯᓯᐅᑉ ᐊᒡᓚᖏᑦ 10:17

Aullaliqtillugu, angummit ullaktumit upaktauvuq saanganut paammaktirluni, Jiisusi apirivaa, “Ajuriqtuiji piujutit, qanuq pinasuaqtuksauvunga, inuusirmik nungusuittumik kingurngujjiqullunga?”

ᒫᑎᐅᓯᐅᑉ ᐊᒡᓚᖏᑦ 26:49

Juutasi Jiisusimut upagutilluni uqautivaa, “Raappai, saimmaqtitaugit!” Iqillugulu kunikpaa.

ᒫᑎᐅᓯᐅᑉ ᐊᒡᓚᖏᑦ 26:18

Jiisusiup uqautivait, “Iglugasangnut ailirissi, angummut tavvaniittumut uqarlusi: ‘Ajuriqtuiji uqarmat, piviksara nalliutingmat; iglungni Qaangiqtauvingmik niriqatigiingniaqpugut ilinniaqtikka ilagilugit.’”

ᒫᑎᐅᓯᐅᑉ ᐊᒡᓚᖏᑦ 22:26

Amma tungalinga taimaatsainnaaulaurivuq, amma pingajungat, kingulliqpaanganut tikillugit.

ᒫᑎᐅᓯᐅᑉ ᐊᒡᓚᖏᑦ 22:24

uqarlutik, “Ajuriqtuiji, Muusisi uqalauqpuq, ‘Angut qiturngaqtaalaurani tuqukpat, nukangata arnaq uiggaqsimajuq nuliaqtaarijaksarivaa, qiturngaqtaarunnaqullugik angajunganut qiturngarijauniraqtauqullugit.’

ᒫᑯᓯᐅᑉ ᐊᒡᓚᖏᑦ 12:13

Paarisit ilangit Iruutasiullu maliktingita ilangit Jiisusimuaqujauvut, apiqsurlugu naluliqtinnasuarumallugu.