ᓘᑲᓯᐅᑉ ᐊᒡᓚᖏᑦ 6:19 - Aglait Ijjurnaittut

¹⁹ Inugiaktut Jiisusimik aktuinasuaqput, pijunnarniq taassumangat aningmat aanniajulimaat aaqqikpait.

ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᒋᐊᒃᑐᑦ ᔩᓱᓯᒥᒃ ᐊᒃᑐᐃᓇᓱᐊᕐᐳᑦ, ᐱᔪᓐᓇᕐᓂᖅ ᑖᑦᓱᒪᖓᑦ ᐊᓂᖕᒪᑦ ᐋᓐᓂᐊᔪᓕᒫᑦ ᐋᖅᑭᒃᐰᑦ.

ᓘᑲᓯᐅᑉ ᐊᒡᓚᖏᑦ 6:19 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 14:36

Inuit ilangit qinuvut Jiisusiup annuraangita sinaagutuinnarngunnit qanimajut aktuqsijunnaqullugit; Jiisusiup annuraangita sinaanik aktuqsijulimaat aaqqiktauvut.

ᒫᑯᓯᐅᑉ ᐊᒡᓚᖏᑦ 3:10

Inungnik amisunik qanimajunik aaqqiksilaurmat, taimaimmat qanimajut inungnik pingujaillutik Jiisusimuarasuaqput akturumallunijjuk.

ᒫᑯᓯᐅᑉ ᐊᒡᓚᖏᑦ 5:30

Jiisusi qaujivuq pijunnarniq imminit aningmat, tavvainnaq utimut qiviaqpuq inugasagjuanut, uqarluni, “Kia annuraakka akturmagit?”

ᒫᑯᓯᐅᑉ ᐊᒡᓚᖏᑦ 6:56

Namutuinnaq tikittaraangat; nunalingnut, iglugasangnullu, piruqsiiviqaqtunullu, inuit qanimajuqutimingnik aqqutit aqqusaagallariuninginnut aititsiqattaqput, qanimajuqutingit Jiisusiup annuraangita sininganigluunniit aktuqsijunnaqullugit; aktuqsijulimaat Jiisusiup annuraanganik aaqqiktauvut.

ᒫᑯᓯᐅᑉ ᐊᒡᓚᖏᑦ 8:22

Pitsaitamut tikipput, inuit ilangit tavvunngaujjivut tautunngittumik, qinuvigivaat taassuminga aktuqsiqullugu.

ᓘᑲᓯᐅᑉ ᐊᒡᓚᖏᑦ 5:17

Ulluit taakkua ilanganni, Jiisusi ajuriqtuitillugu, Paarisit piqujaniglu ilisaijit tavvaniiqataulaurivut, tavvunngaqsimallutik nunalingnit Galiliamiittulimaanit, Juutiamillu, Jiruusalimmillu; Ataniup pijunnarninga najuutingmat taassumani, qanimajut aaqqiktaulauqput.

ᓘᑲᓯᐅᑉ ᐊᒡᓚᖏᑦ 6:18

Anirnirlungnut ilummiqtausimajut tavvunngalaurivut aaqqiktaullutik.