ᓘᑲᓯᐅᑉ ᐊᒡᓚᖏᑦ 4:35 - Aglait Ijjurnaittut

³⁵ Jiisusiup anirnirluk iniqtiqpaa, uqautillugu, “Nipangirlutit, inungmit uumanngat anigit!” Anirnirluup inuk urrutippaa inuit saanginni, qanuilinagu taassumangat anivuq.

ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᐹ, ᐅᖃᐅᑎᓪᓗᒍ, “ᓂᐸᖏᕐᓗᑎᑦ, ᐃᓄᖕᒥᑦ ᐆᒪᓐᖓᑦ ᐊᓂᒋᑦ!” ᐊᓂᕐᓂᕐᓘᑉ ᐃᓄᒃ ᐅᕐᕈᑎᑉᐹ ᐃᓄᐃᑦ ᓵᖏᓐᓂ, ᖃᓄᐃᓕᓇᒍ ᑖᑦᓱᒪᖓᑦ ᐊᓂᕗᖅ.

ᓘᑲᓯᐅᑉ ᐊᒡᓚᖏᑦ 4:35 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 17:18

Jiisusiup anirnirluk iniqtirlugu tavvanngat aniquvaa, anirnirluk nukappiamit anivuq, tavvatsainnaq nukappiaq aaqqikpuq.

ᒫᑎᐅᓯᐅᑉ ᐊᒡᓚᖏᑦ 8:26

Jiisusiup kiuvait, “Sungmat kappiasuktualuuvisi? Ukpirnikiluarassi!” Makittluni anuri imarlu iniqtiqpaak, anuraarunniiqpuq ikullatsiarluni.

ᒫᑯᓯᐅᑉ ᐊᒡᓚᖏᑦ 1:26

Anirnirluup, inuk aulatimmariliqpaa nilliajualuulluni, taassumangat anivuq.

ᒫᑯᓯᐅᑉ ᐊᒡᓚᖏᑦ 4:39

Tupagami anuri iniqtiqpaa, imarmut uqaqpuq, “Ikullarlutit nuqqarit!” Anuri ikullaqpuq, imaq ikulliammarilirluni.

ᒫᑯᓯᐅᑉ ᐊᒡᓚᖏᑦ 9:26

Anirnirluk nillialiqpuq, nukappiaq qiiqsuqtilaurlugu, tavvanngat anivuq, nukappiaq tuqungajuujaaliqpuq; tamarmiglu uqaliqput, “Tuquvuq.”

ᓘᑲᓯᐅᑉ ᐊᒡᓚᖏᑦ 11:22

Sannginiqsamulli upaktuqtauguni saalagijaugunilu, sugiutinginnik aqsaaqtauniaqpuq tatigijanginnik, piqutingit aggurlugit pitaarijaugajaqput.

ᓘᑲᓯᐅᑉ ᐊᒡᓚᖏᑦ 4:23

Jiisusiup uqautivait, “Nalunanngilaq imaak uqausituqarmik uqautijumaniarassinnga, ‘Aanniasiuqti ilingnik aaqqilaurit; tusaqsimajattinnik Kapiirniami piniarnirilauqtarnik, uvani Naasariitimi pinasualaurittauq.’”

ᓘᑲᓯᐅᑉ ᐊᒡᓚᖏᑦ 4:39

Jiisusiup upakkamiuk iglingata saniani nangirluni, aannianga uutirnaqtuq aniquvaa, tavvanngat anivuq; arnaq tavvainnaq makinnami tavvaniittut pijitsiraliqpait.

ᓘᑲᓯᐅᑉ ᐊᒡᓚᖏᑦ 4:41

Anirnirluillu inungnit unuqtunit anivut, nilliallutik imaak, “Guutiup Irnirivaatit!” Iniqtiqpait, uqallaqunagit, qaujimangmata Christuusiuninganik.

ᓘᑲᓯᐅᑉ ᐊᒡᓚᖏᑦ 8:24

Ilinniaqtingita upaglugu tupaaqpaat uqautillugu, “Ajuriqtuiji, ajuriqtuiji, tuquniaqquuliratta!” Jiisusi makinnami anuri malialuillu iniqtiqpait; anuraarunniirluni uqsualiqpuq.

ᓘᑲᓯᐅᑉ ᐊᒡᓚᖏᑦ 9:39

anirnirluup tikiqattarmagu, tikitsaraingmagu tavvainnaq nillialiqattaqpuq; aulatitaalugilluniuk sukangajualuutiqattarmagu, qaninga qapualiqtualuulluni; taimaaglu aanniatiqattaqpaa qimagunnaillivaglugu.

ᓘᑲᓯᐅᑉ ᐊᒡᓚᖏᑦ 9:42

Surusiq qailiqtillugu, anirnirluup nunamut urrutippaa sukatitaalugillugu. Jiisusiup anirnirluk iniqtirlugu aniquvaa, surusiq aaqqikpaa, ataatanganut utiqtillugu.