ᔪᐊᓇᓯᐅᑉ ᐊᒡᓚᖏᑦ 9:16 - Aglait Ijjurnaittut

¹⁶ Tavva Paarisit ilangit uqaliqput, “Taanna angut taimailiuqtuq Guutimit pinngilaq, Sapatimi piqujait malinngimmagit.” Ilangilli uqaqput, “Qanurli inuk ajuqtulijuq taimaak nalunaikkutarmik saqqititsijunnaqpaa?” Tavvaniittullu isumaqatigiigunniiqpuq aviksimalirlutik.

ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙ ᐹᕆᓯᑦ ᐃᓚᖏᑦ ᐅᖃᓕᕐᐳᑦ, “ᑖᓐᓇ ᐊᖑᑦ ᑍᒤᓕᐅᕐᑐᖅ ᒎᑎᒥᑦ ᐱᓐᖏᓚᖅ, ᓴᐸᑎᒥ ᐱᖁᔧᑦ ᒪᓕᖏᒻᒪᒋᑦ.” ᐃᓚᖏᓪᓕ ᐅᖃᕐᐳᑦ, “ᖃᓄᕐᓕ ᐃᓄᒃ ᐊᔪᕐᑐᓕᔪᖅ ᑍᒫᒃ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᓐᓇᕐᐹ?” ᑕᕝᕙᓃᑦᑐᓪᓗ ᐃᓱᒪᖃᑎᒌᒍᓐᓃᕐᐳᖅ ᐊᕕᒃᓯᒪᓕᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 9:16 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 12:10

Takugit, tavvani angutitaqaqpuq nukiqanngittunik aggalingmik. Inuit ilangit tavvaniipput Jiisusimik akiraqturutiksamingnik pijjutiksasiurumallutik, taimaimmat Jiisusi apirivaat, “Piqujattinnik akiraqtuqpaa Sapatiutillugu inungmik aaqqiksijuqaqpat?”

ᒫᑎᐅᓯᐅᑉ ᐊᒡᓚᖏᑦ 12:2

Paarisillu tamatuminga takugamik, Jiisusimut uqaqput, “Takugit, ilinniaqtitit taimailiuqtillugit Sapatimi atuqujaunngittumik atuqput!”

ᓘᑲᓯᐅᑉ ᐊᒡᓚᖏᑦ 13:14

Juutit ukpirnirmut katimavingatta aulatsijingat Jiisusimut ninngakpuq Sapatimi aaqqiksingmat, inuit uqautivait, “Ullunik pingasuujuqtunik pinasuarviksaqtaqaqpuq; ulluni taakkunani qaigissi aaqqiktaujaqturlusi, Sapatimiunngittuq.”

ᔪᐊᓇᓯᐅᑉ ᐊᒡᓚᖏᑦ 10:19

Tavva Juutit angiqatigiigunniirivut uqausiit tamakkua pillugit.

ᔪᐊᓇᓯᐅᑉ ᐊᒡᓚᖏᑦ 14:11

Ukpirisinnga Ataatanniinnama, Ataatalu uvanniimmat; ajurussili, piniarnirijakka pillugit ukpirisinnga.

ᔪᐊᓇᓯᐅᑉ ᐊᒡᓚᖏᑦ 15:24

Piniarniqalaunngikkuma piniarnirijaulauqsimanngittumik taakkununga, ajurniqarajanngilat; maannali takusimavut Ataatagalu tamannuk uumigivaatikkuk.

ᔪᐊᓇᓯᐅᑉ ᐊᒡᓚᖏᑦ 2:11

Tamajja Jiisusiup nalunaikkutangita sivulliqpaangat, piniarnirilauqtanga Kainami Galiliamiittumi, tavvani niqturnarnirjuani saqqitilauqpaa; ilinniaqtingitalu ukpirivaat.

ᔪᐊᓇᓯᐅᑉ ᐊᒡᓚᖏᑦ 3:2

Taanna unnuakkut Jiisusimuaqpuq uqautillugu, “Ajuriqtuiji, qaujimavugut Guutimit pisimallutit ajuriqtuijiugavit; iliktut tatannaqtunik pijuqarunnanngimmat, Guutiup najunngippagu.”

ᔪᐊᓇᓯᐅᑉ ᐊᒡᓚᖏᑦ 5:10

Tavva Juutit angajuqqaangita angut aaqqiktaurataaqtuq uqautivaat, “Ullumi Sapatiuvuq, piqujattinnik naalanngilatit nalaviit agjaraviuk.”

ᔪᐊᓇᓯᐅᑉ ᐊᒡᓚᖏᑦ 5:36

Uvangali nalunaiqsiniqaqpunga Juanasiup nalunaiqsininganit anginiqsamik; piniarniit piniarnirijakka, Ataatama qailauqpait uvannut pinasuaqtauqullugit, tamakkua pinasuarniit uvannik nalunaiqsivut saqqititsillutiglu Ataatamut tilijausimaninnik.

ᔪᐊᓇᓯᐅᑉ ᐊᒡᓚᖏᑦ 6:52

Tavva Juutit immingnut akiraqtuutiliqput, uqarlutik, “Qanuq uuma timiminik niritittumavaatigut?”

ᔪᐊᓇᓯᐅᑉ ᐊᒡᓚᖏᑦ 7:12

Inugasait tavvaniittut uqamajautiqarliqput Jiisusimik, ilangit uqaqput, “Inutsiavaalunginna,” ilangit uqaqput, “Aakkai, inungninginna tamaqtitsiliqtuq.”

ᔪᐊᓇᓯᐅᑉ ᐊᒡᓚᖏᑦ 7:23

Nukappiarli kipijaukpat Sapatimi, Muusisiup Piqujanginnik siqumitsittailimanirmut, sungmalli taima uumigivisinnga inuup timilimaanganik aaqqiksilaurama Sapatiutillugu?

ᔪᐊᓇᓯᐅᑉ ᐊᒡᓚᖏᑦ 7:43

Taimaimmat inugasagjuat aviksimalilauqput Jiisusi pijjutigillugu.

ᔪᐊᓇᓯᐅᑉ ᐊᒡᓚᖏᑦ 9:24

Tavva kingullirmi tautulaunngittuq qaiqulirivaat, uqautillugulu, “Guuti niqtulauruk; qaujimavugut angut taanna ajuqtulijuungmat.”