46 Ataatamik takulauqsimajuqanngilaq; Guutimilli pijuup kisimi Ataata takusimavaa.
46 ᐊᑖᑕᒥᒃ ᑕᑯᓚᐅᕐᓯᒪᔪᖃᓐᖏᓚᖅ; ᒎᑎᒥᓪᓕ ᐱᔫᑉ ᑭᓯᒥ ᐊᑖᑕ ᑕᑯᓯᒪᕚ.
“Ataatama tamainnik tunisivigilaurmanga; Irniq qaujimajaunngilaq Ataataup kisimi qaujimavaa, Ataatattauq qaujimajaunnginnivuq Irniup kisimi qaujimavaa, taakkunungalu Irniup qaujitittumajangita kisimi qaujimavaat.
“Ataatama sunalimaanik tunisivigivaanga, nalliattalu Irniq kinaungmangaat qaujimanngilaa, Ataata kisimi qaujimavuq, Ataatalu kinaungmangat qaujimajuqannginnivut, Irniq kisimi qaujimavuq, Irniullu niruarlugit qaujitittumajangita kisimi qaujimavaat.”
Guutimik takusimajuqanngilaq; Irnitualli Ataataup sarliaqtangata, taassuma Guuti qaujijautippaa.
Qaujimagussinnga, Ataataga qaujimagajarivasi; maannali qaujimaliqpasi takusimavasilu.”
Piniarniqalaunngikkuma piniarnirijaulauqsimanngittumik taakkununga, ajurniqarajanngilat; maannali takusimavut Ataatagalu tamannuk uumigivaatikkuk.
Ataatalu tilijiga uvannik nalunaiqsivuq. Taassuma nipinga tusalauqsimanngitasi, qanuittuuningalu takulauqsimanagu;
Uvangali qaujimavara, taassumanngat pilaurama, taassumalu tililaurmanga.”
Taimaimmat tavva apirivaat, “Nauktaima Ataatait?” Jiisusiup kiuvait, “Uvannik Ataatamigluunniit qaujimanngilasi; uvannik qaujimagussi, Ataataga qaujimagajarivasi.”
Taannali qaujimannginnassiuk; uvangali qaujimavara. Qaujimannginnirarajarukku, ilissituttauq sagluqitsinajaqpunga; qaujimavarali uqausingillu malikpakka.