ᔪᐊᓇᓯᐅᑉ ᐊᒡᓚᖏᑦ 19:9 - Aglait Ijjurnaittut

⁹ Iglurjuarmullu itirmigami Jiisusi apirivaa, “Nakinngaaqsimavit?” Jiisusili kiunngilaq.

ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᒡᓗᕐᔪᐊᕐᒧᓪᓗ ᐃᑎᕐᒥᒐᒥ ᔩᓱᓯ ᐊᐱᕆᕚ, “ᓇᑭᓐᖔᕐᓯᒪᕖᑦ?” ᔩᓱᓯᓕ ᑭᐅᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 19:9 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 26:63

Jiisusili nillinngilaq. Tavva tunirrusiqtitsijit angajuqqaammaringatta uqarvigikkanniqpaa, “Guutiup tuqusuittuup atingani uqaqullariliqpagit, uqautilauqtigut Christuusiungmangaaqpit, Guutiup Irninga.”

ᒫᑎᐅᓯᐅᑉ ᐊᒡᓚᖏᑦ 27:27

Tavva Pailaatuusiup unataqtuksaqutingita Jiisusi angajuqqaap iqqaqtuivinganuarutivaat, unataqtuksaillu unuqtuq tavvunngaqtitaugivut.

ᓘᑲᓯᐅᑉ ᐊᒡᓚᖏᑦ 23:9

Iruutasiup amisunik apiqsuqpaa; Jiisusili kiulaunngilaq.

ᔪᐊᓇᓯᐅᑉ ᐊᒡᓚᖏᑦ 18:28

Tavva Jiisusi Kaiapaasiup iglunganit aataulirivuq Ruumamiut aulatsijingatta iglurjuanganut. Ullaammariuliqtillugu. Juutilli angajuqqaangit tavvunga itiqataunngilat, ukpirrusirijatik malilugit salumailitirumannginnamik, Qaangiqtauviksiurutiup nalliunnisiuqtauninganik nirijunnaqataujumagamik.

ᔪᐊᓇᓯᐅᑉ ᐊᒡᓚᖏᑦ 18:33

Pailaatuusili iglurjuarmut itirmigami Jiisusi qaiquvaa, uqautillugulu, “Juutit angajuqqaarjuarivaatit?”

ᔪᐊᓇᓯᐅᑉ ᐊᒡᓚᖏᑦ 18:34

Jiisusiup kiuvaa, “Imminik taimaak tamatuminga uqaqpit uvvalu asingnit tamatuminga uqaujjaunniqpit qanuittuungmangaarma?”

ᔪᐊᓇᓯᐅᑉ ᐊᒡᓚᖏᑦ 18:37

Tavva Pailaatuusiup apirivaa, “Tavvaa angajuqqaarjuanguvit?” Jiisusiup kiuvaa, “Ivvit angajuqqaarjuanguniraqparma. Tamanna pijjutigillugu inuulauqpunga, silarjuarmullu tikillunga, sulijumik nalunaiqsijaqturlunga. Sulijumiittulimaat tusaqpaanga.”

ᔪᐊᓇᓯᐅᑉ ᐊᒡᓚᖏᑦ 19:10

Tavva Pailaatuusiup uqautivaa, “Uvannut kiuttailimavit? Qaujimanngilatit pijunnarniqarama anitittunnarlutit, kikiaktuqtautillutilluunniit?”

ᔪᐊᓇᓯᐅᑉ ᐊᒡᓚᖏᑦ 19:8

Pailaatuusiulli uqausiit tamakkua tusaramigit, sivuuraniqsauliqpuq.

ᔪᐊᓇᓯᐅᑉ ᐊᒡᓚᖏᑦ 8:14

Jiisusiup kiuvait, “Uvannik nalunairaluaruma, nalunaijarnira sulivuq, qaujimagama nakit pisimangmangaarma namullu ainiarmangaarma, ilissili qaujimanngilasi nakit pingmangaarma namullu ainiarmangaarma.