ᔪᐊᓇᓯᐅᑉ ᐊᒡᓚᖏᑦ 18:20 - Aglait Ijjurnaittut

²⁰ Jiisusiup kiuvaa, “Taimanngat ijiqsimananga inulimaanut uqallaqattalauqpunga; ajuriqtuiqattalauqpungalu Juutit ukpirnirmut katimavinginni Tuksiarvigjuamilu, Juutilimaat kativigivaktanginni; ijiraqturlunga uqallalauqsimananga.

ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔩᓱᓯᐅᑉ ᑭᐅᕚ, “ᑍᒪᓐᖓᑦ ᐃᔨᕐᓯᒪᓇᖓ ᐃᓄᓕᒫᓄᑦ ᐅᖃᓪᓚᖃᑦᑕᓚᐅᕐᐳᖓ; ᐊᔪᕆᕐᑐᐃᖃᑦᑕᓚᐅᕐᐳᖓᓗ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᑐᒃᓯᐊᕐᕕᒡᔪᐊᒥᓗ, ᔫᑎᓕᒫᑦ ᑲᑎᕕᒋᕙᒃᑕᖏᓐᓂ; ᐃᔨᕋᕐᑐᕐᓗᖓ ᐅᖃᓪᓚᓚᐅᕐᓯᒪᓇᖓ.

ᔪᐊᓇᓯᐅᑉ ᐊᒡᓚᖏᑦ 18:20 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 24:26

“Uvvalu, uqaujjaugussi, ‘Takugit, inuqanngittumiippuq,’ tauvunngaqtailigissi; uqaqpata, ‘Takugit, uvani iglurusirmi ijiqsimavuq,’ ukpiriniarasigik.

ᒫᑎᐅᓯᐅᑉ ᐊᒡᓚᖏᑦ 26:55

Tavva Jiisusi uqaqpuq inugasagjuanut, “Savigjualijarlusi anautalijarlusilu uvannut qaijariaqaqpisi tigujauqullunga, pirajaksimajutitut? Qautamaat tuksiarvigjuarmi iksivaarlunga ajuriqtuiqaqtalauqpunga, tiguqattalaunngilassinnga.

ᒫᑎᐅᓯᐅᑉ ᐊᒡᓚᖏᑦ 26:65

Tavva tunirrusiqtitsijit angajuqqaammaringa tamatuminga tusarami annuraani alikpait uqarluni, “Guutimik uqarnirluutiqaqpuq! Qaujisimajumik tusakkanniriaqarunniiqpugut, tavva tusaaqpasi Guutimik uqarnirluutiqaqtillugu.

ᒫᑎᐅᓯᐅᑉ ᐊᒡᓚᖏᑦ 4:23

Jiisusi Galilialimaami namutuinnaq aiqattaqpuq, ajuriqtuivagluni Juutit ukpirnirmut katimavinginni, uqausiqarluni uqausirnik tusaruminaqtunik Guutiup Ataniuvinganik, ajjigiinngittunik aannialit qanimajullu inuit aaqqikpait.

ᒫᑎᐅᓯᐅᑉ ᐊᒡᓚᖏᑦ 9:35

Jiisusi nunaliktigut iglugasaktigullu ingirravuq, Juutit ukpirnirmut katimavinginni ajuriqtuivagluni, uqallaglunilu Uqausirnik Tusaruminaqtunik Guutiup Ataniuvinganik, inuillu qanutuinnaq aannialit, qanimajullu aaqqikpait.

ᒫᑯᓯᐅᑉ ᐊᒡᓚᖏᑦ 8:32

Tamatuminga anngigutinagit uqautivait. Piitturuusiup sanirvaqatigillugu iniqtimmariliqpaa.

ᓘᑲᓯᐅᑉ ᐊᒡᓚᖏᑦ 21:37

Qautamaat Jiisusi ajuriqtuiqattaqpuq tuksiarvigjuarmi, unnugaangalli anivagluni unnualimaaq qaqqamiippagluni napaaqtulingmi paurngaqaqpaktunik uqsuksaujunnaqtunik.

ᓘᑲᓯᐅᑉ ᐊᒡᓚᖏᑦ 4:15

Ajuriqtuilluni Juutit ukpirnirmut katimavinginni, quviagijaummarikpuq inulimaanut.

ᔪᐊᓇᓯᐅᑉ ᐊᒡᓚᖏᑦ 18:21

Sunamik tukisivigijumavinga? Inuit apiqsulaukkit uvannik tusaaqaqtalauqtut uqausiriqattalauqtannik; qaujimangmata qanuq uqausiqaqattalaurmangaarma.”

ᔪᐊᓇᓯᐅᑉ ᐊᒡᓚᖏᑦ 6:59

Jiisusi tamakkuninga uqausiqalauqpuq Juutit ukpirnirmut katimavinganni, Kapiirniamiittumi ajuriqtuilluni.

ᔪᐊᓇᓯᐅᑉ ᐊᒡᓚᖏᑦ 7:14

Nalliunniqsiurniq aniguliqtillugu Jiisusi Tuksiarvigjuamuaqpuq tavvani ajuriqtuilirluni.

ᔪᐊᓇᓯᐅᑉ ᐊᒡᓚᖏᑦ 7:26

Takuliritsi, inugasagjuanut uqallakpuq, iniqtiqtaunngilarluunniit! Angajuqqaat qaujillariliqpaat Christuusiuninganik?

ᔪᐊᓇᓯᐅᑉ ᐊᒡᓚᖏᑦ 7:28

Jiisusi Tuksiarvigjuarmi ajuriqtuilluni, nipiqquqtulluni uqaqpuq, “Qaujimallarikpisinnga? Qaujimallarikkaluaqpisi nakit pisimangmangaarma? Uvannik tikitisimannginnama; uvannik tilisijuq sulitsiaqtuuvuq, taanna qaujimanngitasi.

ᔪᐊᓇᓯᐅᑉ ᐊᒡᓚᖏᑦ 7:4

Pinasuaqtamingnik ijiraqtuqtuqarunnanngilaq inungnut qaujijautsiarumajaraangamik. Tamakkuninga pinasuaqattaravit, silarjualimaami ilingnik qaujijautilaurit.”

ᔪᐊᓇᓯᐅᑉ ᐊᒡᓚᖏᑦ 8:2

Ullaamarikkulli Tuksiarvigjuarmuarivuq; inuillu Jiisusiup avataanut kativut, ingilluni ajuriqtuliqpait.

ᔪᐊᓇᓯᐅᑉ ᐊᒡᓚᖏᑦ 8:26

Amisunik uqausiksaqaqpunga ilissinnut iqqaqtuijjutiksaqarlungalu; tilijigali sulijuuvuq, silarjuarmiullu uqautivakka taassumanngat tusalauqtannik.”