ᔪᐊᓇᓯᐅᑉ ᐊᒡᓚᖏᑦ 17:3 - Aglait Ijjurnaittut

³ Inuusiq nungusuittuq imailingavuq, ilingnik qaujiluni nalaagut sulijumik Guutituangunirnik, tililauqtarniglu Jiisusi Christuusimik.

ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᔪᐊᓇᓯᐅᑉ ᐊᒡᓚᖏᑦ 17:3 ပူးပေါင်းရင်းမြစ်များ

ᒫᑯᓯᐅᑉ ᐊᒡᓚᖏᑦ 9:37

“Nalliat taimaittumik surusikulungmik tunngasuktitsijuq atinni taanna uvannik tunngasuktitsivuq; uvanniglu tunngasuktitsijuq, uvannituaq tunngasuktitsinngilaq tilijinnigli tunngasuktitsigivuq.”

ᓘᑲᓯᐅᑉ ᐊᒡᓚᖏᑦ 9:48

taakkua uqautivait, “Nalliat uuminga surusikulungmik ilaliuqsijuq pijjutigilunga uvannik ilaliuqsivuq, uvanniglu ilaliuqsijuup uvannik tilisijuq ilaliurivaa; ilissinnit mikinniqpaangujuq taanna pilariuniqpaanguvuq.”

ᔪᐊᓇᓯᐅᑉ ᐊᒡᓚᖏᑦ 10:36

Guutiup ijjurnaitilauqtanganut tililauqtanganullu nunarjuarmut uqarunnaqpisi ‘Guutimik uqarnirluutiqaqputit,’ uqalaurnira pillugu, ‘Guutiup Irnirivaanga’?

ᔪᐊᓇᓯᐅᑉ ᐊᒡᓚᖏᑦ 11:42

Qaujimavungali tusatsainnaravinga, taimaagli uqaqpunga ukua uvaniittut pijjutigillugit, ukpiliqullugit tililauravinga.”

ᔪᐊᓇᓯᐅᑉ ᐊᒡᓚᖏᑦ 14:26

Ikajuqtiksarli, Anirniq Ijjurnaittuq, Ataataup tililaaqtangata atinni, taassuma ajuriqturumaaqpaasi sunalimaanik, iqqaitillusilu uqausirilauqtalimaannik ilissinnut.

ᔪᐊᓇᓯᐅᑉ ᐊᒡᓚᖏᑦ 17:18

Silarjuarmut tililauravinga, taimaaktauq silarjuarmut tilivakka.

ᔪᐊᓇᓯᐅᑉ ᐊᒡᓚᖏᑦ 17:21

Tuksiaqpunga taakkualimaat atausiuqullugit; ivvittauq Ataatak, ilunniinnavit, uvangalu ilungniinnama, taakkuattauq iluttinniiqullugit, silarjuarmiut ukpiliqullugit tililauravinga.

ᔪᐊᓇᓯᐅᑉ ᐊᒡᓚᖏᑦ 17:23

taakkunaniillunga ivvillu uvanniillutit, atausillariuliqullugit, silarjuarmiut qaujiliqullugit tililauravinga nagligigavigillu uvannik nagligusungniqtut.

ᔪᐊᓇᓯᐅᑉ ᐊᒡᓚᖏᑦ 17:25

Naalaaguuqtutit Ataatak, silarjuarmiut qaujimanngimmata ilingnik, uvangali qaujimavagit; taakkualu qaujivut tililauravinga.

ᔪᐊᓇᓯᐅᑉ ᐊᒡᓚᖏᑦ 17:8

uqausiit tunilauqtatit uvannut taakkununga uqausirilauqpakka, taakkualu ilaliulauqpait sulijumik qaujillutik ilingnit pisimaninnik; ukpilirlutiglu tililauravinga.

ᔪᐊᓇᓯᐅᑉ ᐊᒡᓚᖏᑦ 3:17

Guutiup Irnini tililaunngimmagu silarjuarmut, silarjuarmiunik igitaksannguqtitsiqulugu, silarjuarmiulli piulijauqullugit taassumuuna.

ᔪᐊᓇᓯᐅᑉ ᐊᒡᓚᖏᑦ 3:34

Guutiup tilisimajanga Guutiup uqausinginnik uqausiqaqpuq, Guutiup Anirnirminik tunisivigingmagu amiganngittumik;

ᔪᐊᓇᓯᐅᑉ ᐊᒡᓚᖏᑦ 5:44

Qanuq ukpirunnaqpisi? Inuuqatissinnut niqtuqtaujumanirmik pinasuaqattarlusi Guutimullu niqtuqtauniksatuaq qinirnagu.

ᔪᐊᓇᓯᐅᑉ ᐊᒡᓚᖏᑦ 6:57

Ataataup uumajup tilisimangmanga, uvangalu inuuvunga Ataataga pillugu, taimaaktauq uvannik nirijuq inuuniaqpuq uvanga pillunga.

ᔪᐊᓇᓯᐅᑉ ᐊᒡᓚᖏᑦ 7:29

Uvangali qaujimavara, taassumanngat pilaurama, taassumalu tililaurmanga.”

ᔪᐊᓇᓯᐅᑉ ᐊᒡᓚᖏᑦ 8:19

Taimaimmat tavva apirivaat, “Nauktaima Ataatait?” Jiisusiup kiuvait, “Uvannik Ataatamigluunniit qaujimanngilasi; uvannik qaujimagussi, Ataataga qaujimagajarivasi.”