ᔪᐊᓇᓯᐅᑉ ᐊᒡᓚᖏᑦ 17:24 - Aglait Ijjurnaittut

²⁴ “Ataatak, pijumavunga taakkua uvannut tunilauqtatit, uvanniiqullugit najuqtanni, niqturnarnirmiglu uvannut tunilauqtarnik takuqullugit; uvannik nagligusungnirnut silarjuaq pinnguqtitaulauqqaaqtinnagu.

ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 17:24 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 25:21

Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit; qailutit angajuqqaat quviasuqatigiliruk.’

ᒫᑎᐅᓯᐅᑉ ᐊᒡᓚᖏᑦ 25:23

Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit. Qailutit angajuqqaat quviasuqatigiliruk.’

ᒫᑎᐅᓯᐅᑉ ᐊᒡᓚᖏᑦ 25:34

Tavva angajuqqaarjuaq taliqpingminiittunut uqarumaaqpuq, ‘Qaigissi, Ataatama nagliktangit, Ataniuvik kingurngutiliqsiuk upalungaijaqtausimajuq ilissinnut nunarjuap pinnguqtitaulirninganit;

ᒫᑎᐅᓯᐅᑉ ᐊᒡᓚᖏᑦ 26:29

Uqauppassi uainimik imikkannirniarunniiqpunga ulluq nalliutiqqaaqtinnagu nutaamik imiqatigiigviksavut Ataatama Ataniuvingani.”

ᓘᑲᓯᐅᑉ ᐊᒡᓚᖏᑦ 12:37

Saimaqtitausimajumik inuusiqaqpuq pijit angajuqqaamingnut tikitaujut iqqumatsiaqtillugit upalungaiqsimalutiglu; sulijumik uqautivassi, angajuqqaanga saalisarmik atisiniaqpuq, taakkua ingiqulugit nirivingmi, niriniaqtanginnik pijitsirarniaqpait.

ᓘᑲᓯᐅᑉ ᐊᒡᓚᖏᑦ 23:43

Jiisusiup uqautivaa, “Sulijumik uqautivagit, ullumi aippariniaqparma quvianaqtuvingmi.”

ᔪᐊᓇᓯᐅᑉ ᐊᒡᓚᖏᑦ 1:14

Uqausiq timitaalauqpuq inuuqatigililauqpavullu, niqturnarnirjuanga takulauqpavut, niqturnarnirjuaq Ataatamit pisimajanga Irnituangunirminut; pitsiarningata pijunnaqtitsininganik sulitsiarnirmiglu tatattuq.

ᔪᐊᓇᓯᐅᑉ ᐊᒡᓚᖏᑦ 12:26

Nalliat uvannik pijitsiqtuq, uvannik maliktuksauvuq; najugannilu, najuutijuksauvuq; uvannik pijitsirniaqtuq, Ataatama niqturnaqtittumaaqpaa.”

ᔪᐊᓇᓯᐅᑉ ᐊᒡᓚᖏᑦ 14:3

Ainiarumali iniksaliuriaqturlusi, utirumaarivunga ailusi uvanniiqullusi, najuganni.

ᔪᐊᓇᓯᐅᑉ ᐊᒡᓚᖏᑦ 15:9

Ataataup uvannik nagligusungningatut, taimaak nagligivassi; naglingninniitsainnarissi.

ᔪᐊᓇᓯᐅᑉ ᐊᒡᓚᖏᑦ 17:2

Irniit tunisivigisimagaviuk pijunnarnirmik inulimaanut, inuusirmik nungusuittumik tunisiqullugu tunisimajalimaarnut taassumunga.

ᔪᐊᓇᓯᐅᑉ ᐊᒡᓚᖏᑦ 17:22

Niqturnarniq uvannut tunilauqtait tunilauqpara taakkununga, taakkua atausiuqullugit uvattitut,

ᔪᐊᓇᓯᐅᑉ ᐊᒡᓚᖏᑦ 17:5

maanna, Ataatak niqturnaqtilaunnga nangminiq najuutinirnut pigilauqtannut ilingni najuutitillunga silarjuaq sanajaulauqaaqtinnagu.

ᔪᐊᓇᓯᐅᑉ ᐊᒡᓚᖏᑦ 6:37

Ataatama tunijjutigijalimaangit uvannuarniaqput, uvannuaqtuniglu qujanaaqsinianngilanga.

ᔪᐊᓇᓯᐅᑉ ᐊᒡᓚᖏᑦ 6:39

Taassuma tilijima pijumajanga tamajja, uvannut tunisimajanginnik asiujiqunanga, uummaqtitsiqullungali ulluit kingulliqpaanganni.

ᔪᐊᓇᓯᐅᑉ ᐊᒡᓚᖏᑦ 8:58

Jiisusiup kiuvait, “Sulijumik uqautivassi, Aiprahaam inuulauqtinnagu, tavvaulauqpunga.”