ᔪᐊᓇᓯᐅᑉ ᐊᒡᓚᖏᑦ 13:1 - Aglait Ijjurnaittut

¹ Qaangiqtauvingmik nalliunniqsiurviksaup sivuningani, Jiisusi qaujimagami Ataataminut aullarviksanga silarjuarmit nalliutilirmat, nangminiq inuqutini nagligigamigit silarjuarmiittut, isulittivigijani tikillugu nalligiinnalauqpait.

ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 13:1 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 26:45

Tavva kinguningagut ilinniaqtiminut utirami uqautivait, “Suli sinikpisi taqaiqsirlusilu? Takugit, ikarraq nalliutivuq; Inuup Irningata pijaukkaqtauvinga inungnut ajuqtulijunut tigujauluni.

ᒫᑎᐅᓯᐅᑉ ᐊᒡᓚᖏᑦ 28:20

ajuriqturlugillu maliqullugit ilissinnut piqujinirilauqtannik tamainnik; takugit taimanngalimaaq ilaginiaqpassi, silarjuap naggataa tikillugu.”

ᓘᑲᓯᐅᑉ ᐊᒡᓚᖏᑦ 22:53

Qautamaat ilagiqattalauqpassi tuksiarvigjuarmi, tigulaunngilassinnga. Maannali ikarrasi nalliutivuq, taaqtuullu pijunnarninga aulatsiliqpuq.”

ᓘᑲᓯᐅᑉ ᐊᒡᓚᖏᑦ 9:51

Jiisusiup qilangmuaqtitauviksanga qaglivallialirmat, kajusijumaliqpuq Jiruusalimmut aijumalirluni.

ᔪᐊᓇᓯᐅᑉ ᐊᒡᓚᖏᑦ 11:55

Juutit nalliunniqsiurvingat Qaangiqtauvingmik qaglilirmat, inugasagjuat nanituinnaq nunaliit Jiruusalimmuaqpallialiqput Qaangiqtauviup sivuningani, salummaqsaqtaunirmik aturumallutik.

ᔪᐊᓇᓯᐅᑉ ᐊᒡᓚᖏᑦ 12:23

Jiisusiup kiuvaak, “Inuup Irningata niqturnaqtitauvia nalliutisimavuq.

ᔪᐊᓇᓯᐅᑉ ᐊᒡᓚᖏᑦ 13:29

Juutasi kamajigijaungmat kiinaujaqautingannik ikpiarjungmik; ilinniaqtiit ilangit isumavut Jiisusi niuviriaqujinasugillugu aturiaqaqtanginnik nalliunniqsiulirutik; uvvaluunniit tunisijaqtuqujaunasugivaat ajuqsaqtunut.

ᔪᐊᓇᓯᐅᑉ ᐊᒡᓚᖏᑦ 13:3

Jiisusi, qaujimagami Ataataup sunalimaanik tunisivigingmagu, Guutimillu pilaurami Guutimullu ainiarami.

ᔪᐊᓇᓯᐅᑉ ᐊᒡᓚᖏᑦ 13:34

Piqujamik nutaamik tunisivigivassi, nagliktigiiqullusi; suurlu nagligilaurassi, taimaaktauq ilissinnut nagliktigiiktuksaugivusi.

ᔪᐊᓇᓯᐅᑉ ᐊᒡᓚᖏᑦ 14:28

Tusaqpusi uqautigassi, ‘Aullarniarama, utirumaarivungali ilissinnut.’ Nagligigussinnga, tavva quviasukkajaqpusi, Ataatamut ainiarnira pillugu; Ataata anginiqsaungmat uvannit.

ᔪᐊᓇᓯᐅᑉ ᐊᒡᓚᖏᑦ 14:31

silarjuarmiut tukisiliqullugit Ataata nagligigakku; taimaimmat pinasuaqpunga Ataatama pinasuaqtauqulauqtanginnik. “Makillusi, tamaanngat nuuliqta.”

ᔪᐊᓇᓯᐅᑉ ᐊᒡᓚᖏᑦ 16:28

Ataatamit pisimavunga silarjuarmuarlungalu; maannali silarjuaq qimangniaqpara Ataatamut ailunga.”

ᔪᐊᓇᓯᐅᑉ ᐊᒡᓚᖏᑦ 17:1

Jiisusi tamakkuninga uqariirami, qilangmut takusarluni uqaqpuq, “Ataatak, ikarraq nalliutivuq; Irniit niqturnaqsitiliruk, niqturnaqtitauqullutittauq Irnirnut.

ᔪᐊᓇᓯᐅᑉ ᐊᒡᓚᖏᑦ 17:16

Silarjuarmiut taakkua piginngimmagit, uvangattauq silarjuarmiut piginngimmanga.

ᔪᐊᓇᓯᐅᑉ ᐊᒡᓚᖏᑦ 17:26

Taakkununga qaujijautippagit, suli qaujitippalliajumavakka, naglingniq naglingnirijait uvannut ilunginniiqullugu, uvangalu ilunginniillunga.”

ᔪᐊᓇᓯᐅᑉ ᐊᒡᓚᖏᑦ 17:5

maanna, Ataatak niqturnaqtilaunnga nangminiq najuutinirnut pigilauqtannut ilingni najuutitillunga silarjuaq sanajaulauqaaqtinnagu.

ᔪᐊᓇᓯᐅᑉ ᐊᒡᓚᖏᑦ 18:4

Jiisusili, tamainnik qaujimagami piniarviuniarnirminik, parriarlugit uqautivait, “Kinamik qiniqpisi?”

ᔪᐊᓇᓯᐅᑉ ᐊᒡᓚᖏᑦ 19:28

Jiisusi qaujimalirami sunalimaat pijariirmata, aglait nalautsiqullugit, uqaqpuq, “Qiiliqpunga.”

ᔪᐊᓇᓯᐅᑉ ᐊᒡᓚᖏᑦ 2:13

Juutit Qaangiqtauvingmik nalliunniqsiurvingat qaglilirmat, Jiisusi Jiruusalimmuaqpuq.

ᔪᐊᓇᓯᐅᑉ ᐊᒡᓚᖏᑦ 6:4

Juutilli Qaangiqtauvingmik Nalliunniqsiurvingat qagliliqpuq.

ᔪᐊᓇᓯᐅᑉ ᐊᒡᓚᖏᑦ 7:30

Tavva tigunasuaraluaqpaat; aktuqtaunngilarluunniit, suli pijauviksanga nalliutisimanngimmat.

ᔪᐊᓇᓯᐅᑉ ᐊᒡᓚᖏᑦ 7:6

Jiisusiup uqautivait, “Suli piviksara naammaksinngimmat, ilissili pinasuarviksasi qangalimaaq nalliutisimavuq.

ᔪᐊᓇᓯᐅᑉ ᐊᒡᓚᖏᑦ 8:20

Uqausiit Jiisusiup uqausirivait Tuksiarvigjuarmi, tunirrutinik puuqqaiviup sanianiilluni; tigusijuqanngilarli taassuminga, pijauviksanga suli nalliutisimanngimmat.