ᔨᐸᓁᐊᐅᑉ ᐊᒡᓚᖏᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᔨᐸᓁᐊᐅᑉ ᐊᒡᓚᖏᑦ 3:19 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 30:16

ᐃᓕᑦᓯᓐᓂᒃ ᓄᖑᑎᑦᓯᔪᓕᒫᑦ ᓄᖑᑕᔪᒫᕐᐳᑦ; ᐊᑭᕋᕐᑐᕐᑎᓕᒫᓯ ᐊᐅᓪᓚᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒃ ᐱᖁᑍᕈᑦᔨᔪᑦ ᐱᖁᑍᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒡᓗ ᓱᓇᐅᔪᓐᓃᕐᑎᑦᓯᔪᑦ ᓱᓇᐅᔪᓐᓃᕐᑎᑦᓱᒫᕐᐸᒃᑲ.

ᔨᐸᓁᐊᐅᑉ ᐊᒡᓚᖏᑦ 3:15

ᐊᑕᓂᐅᑉ ᐃᖅᑲᕐᑐᐃᓂᓂ ᐲᕐᑎᒻᒪᒍ, ᐊᑭᕋᓯᓗ ᐃᒋᓯᒪᖕᒪᒋᑦ. ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ, ᐊᑕᓂᖅ, ᐊᑯᓐᓇᑦᓯᓐᓃᑉᐳᖅ; ᑲᑉᐱᐊᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑎᑦ.

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᐄᑉᕈᐃᓄᑦ 12:13

ᐊᖅᑯᑦ ᑐᑭᓕᐊᕐᑐᖅ ᐊᑐᓕᕐᓯᐅᒃ ᐃᑎᒐᓯ ᑐᓯᐊᑦᑐᑦ ᐊᔪᓕᖁᓇᒋᑦ ᐋᖅᑭᒃᑕᐅᖁᓪᓗᒋᓪᓕ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 39:26

ᑲᓐᖑᓇᕐᑐᒦᓚᐅᕐᓂᑎᒃ ᐳᐃᒍᕈᒫᕐᐹᑦ, ᐅᒃᐱᕆᔭᒃᓴᐅᖏᑦᑐᓂᒡᓗ ᐱᓂᐊᕐᓂᖃᖃᑦᑕᓚᐅᕐᓂᑎᒃ ᐅᕙᓐᓄᑦ, ᓄᓇᒥᖕᓂ ᐃᓂᓪᓚᖓᑦᓯᐊᓕᕈᑎᒃ ᑲᑉᐱᐊᓱᒃᑎᑕᐅᖃᑦᑕᕈᓐᓁᕈᑎᒡᓗ ᓇᐅᑐᐃᓐᓇᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9

ᓄᓇᕐᔪᐊᕐᒧᓪᓗ ᓇᒧᑐᐃᓐᓈᕈᒫᕐᐳᑦ ᐅᓇᑕᕆᐊᕐᓗᑎᒃ ᐊᕙᑕᖏᕐᓯᔪᒫᕐᐳᑦ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒡᓗ ᓇᒡᓕᖕᓇᕐᑐᓂᒃ; ᕿᓚᖕᒥᓪᓕ ᐃᑯᒪᒥᒃ ᑲᑕᒃᕕᐅᔪᒫᕐᐳᑦ ᓄᖑᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 46:28

ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”

ᐂᓮᐊᓯᐅᑉ ᐊᒡᓚᖏᑦ 62:7

ᓂᓪᓕᐊᕕᒋᔪᓐᓃᕐᑍᓕᓯᐅᒃ ᔨᕉᓴᓕᒥ ᐃᓂᑖᓪᓚᕆᓚᐅᖏᓐᓂᖓᓂ, ᓄᓇᕐᔪᐊᕐᒥᐅᓄᓪᓗ ᔨᕉᓴᓕᒻ ᐅᐱᒋᔭᐅᓕᓚᐅᖏᓐᓂᖓᓂ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 31:8

ᑕᑯᒋᑦ, ᑎᑭᑎᒍᒫᕐᐸᒃᑲ ᐅᓐᓄᐊᓪᓗᐊᑉ ᓇᓛᓂᑦ, ᑲᑎᕐᓱᕈᒫᕐᐸᒃᑲᓗ ᓯᓚᕐᔪᐊᑉ ᑭᒡᓕᖏᓐᓂᑦ, ᑕᐅᑐᖏᑦᑐᑦ ᑐᓯᐊᑦᑐᓪᓗ, ᓄᑕᕋᒃᓴᓖᑦ ᐃᕐᓂᓱᒃᑐᓪᓗ ᑖᒃᑯᓄᖓ ᐃᓚᒋᔭᐅᔪᒫᕐᐳᑦ, ᐃᓄᒋᐊᒃᑐᕐᔪᐊᖑᓗᑎᒃ ᑕᒪᐅᖓ ᐅᑎᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 16:27

“ᑕᑯᒋᑦ ᑍᒤᒻᒪᑦ, ᑕᓕᕋ ᐅᕐᓕᓕᕐᐳᖅ ᐃᓕᑦᓯᓐᓄᑦ, ᐱᑖᕆᔭᒃᓴᓯ ᒥᑭᒡᓕᒋᐊᕐᐸᒃᑲ, ᐱᓕᔅᑍᓂᒥᐅᓄᑦ ᑐᓂᕙᑦᓯ ᐱᑖᕈᒪᔪᓄᑦ ᐆᒥᒋᔨᑦᓯᓐᓄᑦ, ᐃᓕᖅᑯᓯᑦᓯᓐᓂᒃ ᓈᒻᒪᖏᑦᑐᓂᒃ ᑲᓐᖑᓲᑎᖃᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:57

ᐱᐅᖏᑦᑐᓕᓂᓯ ᓴᖅᑭᑎᑕᐅᓚᐅᖅᑳᕐᑎᓐᓇᒋᑦ, ᑖᓐᓇ ᐊᑦᔨᒋᓕᕐᐸᓯ ᒥᑕᐅᑎᒋᔭᒃᓴᑐᐃᓐᓇᐅᓕᕐᐳᓯ ᐄᑐᒥᐅᑉ ᐸᓂᖏᓐᓄᑦ ᐃᓅᖃᑎᓕᒫᖏᓐᓄᓪᓗ, ᐱᓕᔅᑍᓂᒥᐅᓪᓗ ᐸᓂᖏᓐᓄᑦ ᖃᓂᒋᔭᖏᓐᓃᑦᑐᓄᓪᓗ ᐃᓕᑦᓯᓐᓂᒃ ᓇᕐᕈᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 39:13

ᑕᒫᓂ ᓄᓇᖃᕐᑐᓕᒫᑦ ᐃᓗᕕᕐᓯᖃᑕᐅᔪᒫᕐᐳᑦ ᑖᒃᑯᓂᖓ; ᑕᒪᓐᓇᓗ ᐅᐱᒋᔭᐅᑦᔪᑎᒋᔪᒫᕐᐹᑦ ᓂᕐᑐᕐᓇᕐᓂᓐᓂᒃ ᓴᖅᑭᑎᑦᓯᓂᕐᒪ ᐅᓪᓗᖓᓂ, ᐊᑕᓂᖅ ᒎᑎ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 8:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”

ᒨᓯᓯ ᑕᓪᓕᒪᖏᑦ 26:19

ᐱᓐᖑᕐᑎᓯᒪᔭᓕᒫᒥᓂᓪᓗ ᐃᓅᖃᑎᒌᒡᔪᐊᓕᒫᓂᑦ ᐊᔪᖏᓐᓂᕐᓴᐅᑎᓐᓂᐊᕐᐹᓯ, ᑖᓐᓇᓗ ᓂᕐᑐᕐᓇᕐᓯᑎᓐᓂᐊᕐᐸᓯ ᐊᑎᖓᓗ ᐅᐱᓐᓇᕐᓯᑎᓪᓗᒍ. ᑖᑦᓱᒪᓗ ᓇᖕᒥᓂᕆᓗᓂᓯ ᐃᓄᖁᑎᒋᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ.”

ᐃᓗᐊᕐᓮᔩᑦ ᐊᒡᓚᖏᑦ 1:7

ᐊᑐᓁ-ᐱᔨᒃᓗ ᐅᖃᕐᐳᖅ, “ᐊᖓᔪᖅᑳᕐᔪᐊᑦ 70 ᑯᓪᓗᖏᑦ ᐳᑐᒍᖏᓪᓗ ᓇᑲᓯᒪᔪᑦ ᐳᑯᖃᑦᑕᓚᐅᕐᐳᑦ ᑲᑕᒐᕐᓂᕐᓗᑯᓂᒃ ᓂᕆᕕᖕᒪ ᐊᑖᓂᑦ ᓂᕆᓂᕐᓗᑯᓂᒃ. ᑍᒤᒻᒪᑦ ᒎᑎᐅᑉ ᐱᓂᐊᕐᓂᕕᓂᓐᓄᑦ ᑍᒃᑯᓄᖓ ᐊᑭᓂᐊᕐᕕᒋᕚᖓ.” ᑕᕝᕙ ᔨᕉᓴᓕᒧᐊᕈᑎᕚᑦ, ᑕᕝᕙᓂᓗ ᑐᖁᕗᖅ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 30:19

ᑖᒃᑯᓇᓐᖓᑦ ᓂᕐᑐᐃᔪᓂᒃ ᐃᓐᖏᕐᑐᖃᕈᒫᕐᐳᖅ; ᖁᕕᐊᓱᒡᕙᓗᒃᑐᓪᓗ ᓂᐱᖃᓕᕈᒫᕆᕗᑦ, ᐅᓄᕐᓯᕙᓪᓕᐊᔪᒫᕐᐳᑦ ᓄᖑᑉᐸᓪᓕᐊᖏᓪᓗᑎᒃ ᐅᐱᒋᔭᐅᑎᑦᓱᒫᕐᐸᒃᑲ ᐊᖏᔪᕈᕐᑎᓪᓗᒋᓪᓗ.