ᓴᑲᕅᐊᐅᑉ ᐊᒡᓚᖏᑦ 8:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᓄᐃᑦ ᐅᓄᕐᑐᑦ ᐃᓅᖃᑎᒌᒡᔪᐊᓪᓗ ᓴᓐᖏᔪᑦ ᕾᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᕿᓂᕈᒪᓪᓗᒍ ᔨᕉᓴᓕᒥ, ᑐᒃᓯᐊᕐᓗᑎᒡᓗ ᐊᑕᓂᐅᑉ ᓵᖓᓂ.

ᓴᑲᕅᐊᐅᑉ ᐊᒡᓚᖏᑦ 8:22 ပူးပေါင်းရင်းမြစ်များ

ᓴᑲᕅᐊᐅᑉ ᐊᒡᓚᖏᑦ 8:21

ᓄᓇᓖᑦ ᐃᒡᓗᒐᓴᒡᔪᐊᕐᒥ ᐊᑕᐅᓯᕐᒥ, ᓄᓇᓖᑦ ᐊᓯᖏᓐᓄᑦ ᐅᐸᒍᑎᔪᒫᕐᐳᑦ, ᐅᖃᕐᓗᑎᒡᓗ, ᑐᐊᕕᕐᓗᑕ ᐊᑕᓂᐅᑉ ᓵᖓᓄᑦ ᑐᒃᓯᐊᕆᐊᕐᑐᓕᕐᑕ, ᕿᓚᖕᒥᐅᖔᓴᒡᔪᐃᑦ ᐊᑕᓂᖓᑦ ᕿᓂᕐᓗᒍ: ᐊᑕᓂᖅ ᐅᖃᕆᕗᖅ ᐅᕙᖓᑦᑕᐅ ᕾᔪᒪᒋᕗᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:24

ᐃᓄᒐᓴᒡᔪᐊᑦ ᑖᑦᓱᒪ ᖃᐅᒪᑎᑦᓯᓂᖓᒍᑦ ᐃᓅᔪᒫᕐᐳᑦ; ᓄᓇᕐᔪᐊᕐᒥᐅᓪᓗ ᐊᖓᔪᖅᑳᕐᔪᐊᖏᑕ ᐱᓐᓇᕐᓇᕐᑐᖁᑎᑎᒃ ᑕᕝᕗᓐᖓᐅᑎᔪᒫᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᐂᓮᐊᓯᐅᑉ ᐊᒡᓚᖏᑦ 25:7

ᑕᕝᕙ ᖁᕕᐊᓇᖏᑦᑐᖅ ᓄᕗᔭᑎᑐᑦ ᑕᕐᕋᓕᓂᕐᒦᑎᑦᓯᓚᐅᕐᑐᖅ ᐃᓅᖃᑎᒌᒡᔪᐊᓂᒃ ᐲᕐᑎᑦᓱᒫᕐᐹ.

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᕼᐊᒊᑉ ᐊᒡᓚᖏᑦ 2:7

ᐃᓅᖃᑎᒌᒡᔪᐊᓕᒫᓪᓗ ᓴᔪᒃᑎᑦᓱᒫᕐᐸᒃᑲ, ᐊᑭᑐᔪᖁᑎᓕᒫᒥᖕᓂᒃ ᑕᕝᕗᓐᖓᐅᔨᖁᓪᓗᒋᑦ, ᑖᓐᓇᓗ ᐃᒡᓗ ᐱᓐᓇᕐᓇᕐᓂᕐᒥᒃ ᑕᑕᑎᑦᓱᒫᕐᐸᕋ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 4:3

ᐃᖅᑲᕐᑐᐃᔨᐅᔪᒫᕐᐳᖅ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ, ᐃᓂᕐᑎᕈᒫᕐᐰᓪᓗ ᓲᖑᔪᐃᑦ ᐃᓅᖃᑎᒌᒡᔪᐊᑦ ᐅᖓᓯᒃᑐᒦᑦᑐᑦ; ᓴᕕᒡᔪᐊᒥᖕᓂᒡᓗ ᓄᓇᒥᒃ ᒪᒃᐱᕐᑎᕆᑦᔪᑎᓕᐅᕈᒫᕐᐳᑦ, ᖃᓗᒋᐊᒥᖕᓂᒡᓗ ᓇᐹᕐᑑᑉ ᐊᕙᓚᖓᔪᖏᓐᓄᑦ ᓇᑲᑎᕆᑦᔪᑎᓕᐅᕐᓗᑎᒃ, ᐃᓅᖃᑎᒌᒡᔪᐊᓪᓗ ᓴᕕᒡᔪᐊᒧᑦ ᐅᓇᑕᐅᑎᔪᓐᓁᕈᒫᕐᐳᑦ, ᐅᓇᑕᕐᓂᕐᒧᓪᓗ ᐃᓕᓐᓂᐊᕈᓐᓁᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 66:23

ᑕᖅᑮᓚᓪᓗᐊᒥᑦ ᑕᖅᑮᓚᓪᓗᐊᒧᑦ ᓇᓪᓕᐅᓐᓂᕐᓯᐅᕐᓂᖃᕐᐸᖕᒪᑦ, ᓴᐸᑎᒥᑦ ᓴᐸᑎᒧᑦ ᑎᑭᓪᓗᒍ, ᑍᒫᒃᑕᐅᖅ ᐃᓄᓕᒫᑦ ᐅᕙᓐᓄᑦ ᑐᒃᓯᐊᕆᐊᖃᑦᑕᕈᒫᕐᐳᑦ; ᓵᓐᓄᑦ ᐹᒻᒪᒃᑎᕆᐊᕐᑐᕐᓗᑎᒃ, ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 49:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐃᓅᖃᑎᒌᒡᔪᐊᓄᑦ ᑕᓕᕋ ᐃᓵᒍᒫᕐᐸᕋ, ᓇᓗᓁᒃᑯᑕᕋᓗ ᓇᑉᐸᕐᑎᓪᓗᒍ ᐃᓄᖕᓄᑦ; ᑖᒃᑯᐊ ᐃᓕᑦᓯᓐᓄᑦ ᕾᔪᒫᕐᐳᑦ ᐃᕐᓂᓯ ᐊᒡᔭᕐᓗᒋᑦ, ᐸᓂᓯᓗ ᑲᑲᒡᓗᒋᑦ.

ᐃᓐᖏᕈᑎᑦ 68:30

ᐃᕕᒡᔪᐊᓃᑦᑐᑦ ᐆᒪᔪᑦ ᐃᓂᕐᑎᒃᑭᑦ, ᐃᒻᒧᒃᓯᐅᒐᐅᑉ ᐸᖕᓂᖏᑦ ᓄᕐᕅᓪᓗ ᐃᓚᒋᓪᓗᒋᑦ. ᑕᒪᕐᒥᒃ ᓯᐅᓪᕕᕆᒥᒃ ᑐᓂᓯᓚᐅᖏᓐᓂᖏᓐᓂ. ᐊᕕᑎᓚᐅᒃᑭᑦ ᐃᓄᐃᑦ ᐅᓇᑕᕈᒪᔪᑦ.

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᓴᑲᕅᐊᐅᑉ ᐊᒡᓚᖏᑦ 14:16

ᔨᕉᓴᓕᒥᒡᓕ ᐅᓇᑕᕋᓱᐊᓚᐅᕐᑐᑦ ᐃᓅᖃᑎᒌᒡᔪᐊᓂᑦ ᐊᒥᐊᒃᑯᖏᑦ, ᐊᕐᕌᒍᑕᒫᑦ ᔨᕉᓴᓕᒧᑦ ᒪᔪᐊᖃᑦᑕᕈᒫᕐᐳᑦ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᒃᓯᐊᕐᕕᒋᔭᕐᑐᕐᓗᒍ, ᓇᓪᓕᐅᓐᓂᕐᓯᐅᕆᐊᕐᑐᕐᓗᑎᒃ ᓇᓪᓕᐅᓂᕐᒥᒃ ᑐᐱᕐᓯᒪᕕᖕᒥᒃ.