ᓴᑲᕅᐊᐅᑉ ᐊᒡᓚᖏᑦ 8:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᑲᑉᐱᐊᓇᕐᑐᓄᑦ ᑎᑭᑕᐅᓂᐊᕐᓂᕋᕐᓗᒋᑦ ᓯᕗᓕᓯ ᓂᑲᒋᓇᒋᑦ ᐅᖃᐅᑎᕙᓚᐅᕋᒃᑭᑦ ᐅᕙᓐᓂᒃ ᑲᒪᔪᒪᖏᓐᓂᖏᓐᓂᒃ ᓂᓐᖓᒍᑎᖃᓚᐅᕋᒪ.

ᓴᑲᕅᐊᐅᑉ ᐊᒡᓚᖏᑦ 8:14 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 31:28

ᓲᕐᓗᑦᑕᐅᖅ ᐱᕈᕐᑎᑦᓯᕙᒃᑲᒪ ᓄᖑᑎᑦᓯᕙᒡᓗᖓᓗ ᓵᓚᐅᑎᑦᓯᕙᒃᑲᒪ ᐊᓯᕈᐃᑎᑦᓯᕙᒡᓗᖓᓗ ᓄᖑᑕᐅᑎᑦᓯᕙᒡᓗᖓᓗ, ᑍᒫᒃᑕᐅᖅ ᐱᕈᕐᑎᑦᓱᒫᕐᐸᒃᑲ ᒪᑭᑎᓪᓗᒋᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᓴᑲᕅᐊᐅᑉ ᐊᒡᓚᖏᑦ 1:6

ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”

ᔨᕆᒤᐊᐅᑉ ᐊᒡᓚᖏᑦ 20:16

ᑍᓐᓇ ᐊᖑᑦ ᐃᒡᓗᒐᓴᒃᑎᑐᑦ ᐊᑕᓂᕐᒧᑦ ᓇᒡᓕᖕᓂᖃᕐᕕᐅᓇᑎᒃ ᐃᒋᑕᐅᓂᐊᕐᑐᑎᑐᑦ ᑍᒤᑕᐅᖁᕙᕋ, ᑍᒪᑐᖅ ᕿᐊᔪᓂᒃ ᑐᓴᒐᒃᓴᑐᐊᖃᕈᒫᕐᐳᖅ ᐅᓪᓛᑕᒫᑦ, ᐅᓇᑕᕆᐊᕐᑐᓂᒡᓗ ᑐᓴᒐᒃᓴᑐᐊᖃᕐᐸᒡᓗᓂ ᐅᓪᓘᑉ ᕿᑎᖓᓂ.

ᐂᓮᐊᓯᐅᑉ ᐊᒡᓚᖏᑦ 14:24

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐃᓐᖏᕈᑎᑦ 33:11

ᐊᑕᓂᐅᓪᓕ ᓯᕗᓂᕐᒧᑦ ᐋᖅᑭᒃᓯᒪᔭᖏᑦ ᐃᓱᖃᖏᑦᑐᒧᑦ ᑲᔪᓯᕗᑦ, ᐆᒻᒪᑎᒥᒍᑦ ᓯᕗᒧᑦ ᐋᖅᑭᒃᓱᕐᓯᒪᔭᖏᑦ ᑭᖑᕚᖑᖃᑎᒌᓄᑦ ᑕᒤᓐᓄᑦ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 32:42

“ᐃᒫᒃ ᐊᑕᓂᖅ ᐅᖃᕐᐳᖅ, ᖁᕕᐊᓇᖏᑦᑐᕐᔪᐊᓂᒃ ᑎᑭᕝᕕᐅᑎᓚᐅᕋᒃᑭᑦ, ᑍᒫᒃᑕᐅᖅ ᐱᐅᔪᒥᒃ ᑎᑭᕝᕕᐅᑎᑦᓱᒫᕐᐸᒃᑲ ᑍᒫᒃ ᐊᖏᕐᕕᒋᓯᒪᒐᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᓴᑲᕅᐊᐅᑉ ᐊᒡᓚᖏᑦ 1:2

ᐊᑕᓂᖅ ᓯᕗᓕᕕᓂᑦᓯᓐᓄᑦ ᓂᓐᖓᐅᒪᕕᒡᔪᐊᓚᐅᕐᐳᖅ.