ᓴᑲᕅᐊᐅᑉ ᐊᒡᓚᖏᑦ 14:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᒥᖅ ᐃᓅᓯᖃᕐᓇᕐᑐᒥᒃ ᐃᒪᓕᒃ, ᔨᕉᓴᓕᒥᑦ ᑰᓕᕈᒫᕐᐳᖅ, ᐊᕝᕙᖓ ᑰᒡᓗᓂ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦᑐᒧᑦ, ᐊᕝᕙᖓᓗ ᑰᒡᓗᓂ ᐃᒪᕐᔪᐊᕐᒧᑦ ᐃᑎᕕᐊᓃᑦᑐᒧᑦ, ᑰᒍᒫᕐᐳᖅ ᐊᐅᔭᒃᑯᑦ ᐅᑭᐅᒥᓗ.

ᓴᑲᕅᐊᐅᑉ ᐊᒡᓚᖏᑦ 14:8 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 7:38

ᐅᕙᓐᓄᑦ ᐅᒃᐱᕐᑐᖅ, ᓲᕐᓗ ᐊᒡᓚᖕᓂ ᐅᖃᐅᓯᐅᓯᒪᖕᒪᑦ, ‘ᐃᒦᑦ ᐃᓅᓯᑖᕐᓇᕐᑐᒥᒃ ᑰᒃᑐᑦ ᐆᒻᒪᑎᖓᓂᑦ ᑰᓕᕈᒪᕐᐳᑦ.’”

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᔪᐃᓕᐅᑉ ᐊᒡᓚᖏᑦ 2:20

ᐅᓇᑕᕐᑐᒃᓮᑦ ᐅᓐᓄᐊᑉ ᓇᓛᓂᑦ ᐱᔪᑦ ᐅᖓᓯᒋᔭᑦᓯᓐᓄᑦ ᐊᐅᓪᓚᕐᑎᑦᓱᒫᕐᐸᒃᑲ, ᓯᖏᓪᓗᒋᑦ ᐃᓄᖃᔪᐃᑦᑐᒧᑦ ᓯᐅᕅᓐᓇᕐᒧᑦ, ᓯᕗᓪᓖᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᓄᑦ ᐂᑎᓐᓂᐊᕐᐸᒃᑲ, ᑭᖑᓪᓖᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓄᑦ ᐂᑎᓪᓗᒋᑦ. ᑕᕝᕙᓂᓗ ᐃᒍᓇᕈᒫᕐᐳᑦ ᑎᐹᕿᓗᑎᒃ ᐱᐅᖏᑦᑐᐊᓗᖕᒥᒃ ᐃᓕᑦᓯᓐᓄᑦ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 35:7

ᓯᐅᕅᓐᓇᖅ ᐃᒪᖃᖏᓐᓂᕐᒧᑦ ᐆᓇᓚᐅᕐᑐᖅ ᑕᓯᐅᓕᕈᒫᕐᐳᖅ, ᓄᓇᓗ ᐹᓂᕐᓂᑰᓕᓚᐅᕐᑐᖅ ᓄᓇᐅᑉ ᐃᓗᐊᓂᑦ ᑯᕕᔪᓂᒃ ᐃᒪᕐᑕᖃᓕᕈᒫᕐᐳᖅ; ᑎᕆᒐᓂᐊᖑᔮᕐᑐᓄᓪᓗ ᓄᓇᒋᔭᐅᓕᓚᐅᕐᑐᖅ ᐃᒪᕐᓲᓕᕐᓗᓂ, ᐱᕈᕐᕕᐅᓕᕈᒫᕐᐳᖅ ᐃᕕᒃᓱᒐᕐᓄᑦ ᓱᓪᓗᓕᖕᓄᑦ ᐃᕕᒃᓱᒐᕐᔪᐊᓄᓪᓗ ᑕᑭᔪᓄᑦ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 4:15

ᐱᕈᕐᓰᕕᖕᒥ ᐳᐂᓚᕗᑎᑦ, ᐃᒥᕐᑕᕐᕕᒃ ᐆᒪᔪᒥᒃ ᐃᒪᓕᒃ, ᑰᒃᑐᖅ ᓕᐸᓇᓂᐅᑉ ᑰᖏᓐᓂᑦ.

ᒤᑲᐅᑉ ᐊᒡᓚᖏᑦ 4:2

ᐃᓅᖃᑎᒌᒡᔪᐊᑦ ᐂᒍᑎᒃ ᐅᖃᕈᒫᕐᐳᑦ, “ᕾᓗᓯ, ᐊᑕᓂᐅᑉ ᖃᖅᑲᖓᓄᐊᓚᐅᕐᑕ, ᔧᑰᑉ ᒎᑎᖓᑕ ᐃᒡᓗᖓᓄᑦ; ᐃᓕᓐᓂᐊᕐᑎᓐᓂᐊᕐᒪᑎᒍᑦ ᐱᓂᐊᕐᓂᕐᒥᓂᒃ, ᐃᓅᓯᖃᓕᕐᓗᑕᓗ ᐱᓂᐊᕐᑕᐅᖁᔭᖓᓂᒃ.” ᓮᐅᓂᒥᑦ ᐱᖁᔧᑦ ᐱᒋᐊᕈᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᐱᒋᐊᕐᓗᓂ ᔨᕉᓴᓕᒥᑦ.

ᓴᑲᕅᐊᐅᑉ ᐊᒡᓚᖏᑦ 14:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᓇᖏᕈᒫᕐᐳᖅ ᐃᑎᒐᖏᑦ ᑐᖕᒪᕐᓗᑎᒃ ᖃᖅᑲᒥ ᐅᕐᓱᒃᓴᓕᖕᓂᒃ ᓇᐹᕐᑐᓕᖕᒥ, ᔨᕉᓴᓕᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥ, ᖃᖅᑲᖅ ᐅᕐᓱᒃᓴᓕᖕᓂᒃ ᓇᐹᕐᑐᓕᒃ ᐊᕕᒍᒫᕐᐳᖅ ᒪᕐᕉᓕᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᓯᕿᓂᐅᑉ ᓂᐱᕕᐊᑕ ᓇᓛᓄᑦ, ᓇᕐᓴᕐᔪᐊᖃᓕᕐᓗᓂ ᐊᑯᓐᓂᖓᓂ, ᖃᖅᑲᐅᑉ ᐊᕝᕙᖓ ᐅᓐᓄᐊᑉ ᓇᓛᓄᑦ ᐃᖏᕐᕋᓯᔪᒫᕐᐳᖅ, ᐊᕝᕙᖓᓗ ᓯᕿᓂᐅᑉ ᓇᓛᓄᑦ ᐃᖏᕐᕋᓯᓗᓂ.

ᔪᐊᓇᓯᐅᑉ ᐊᒡᓚᖏᑦ 5:4

ᐊᑕᓂᐅᑉ ᐂᖏᓖᖓ ᑕᓯᕐᒧᐊᕐᐸᖕᒪᑦ ᐃᒪᖓᓂᒃ ᐊᐅᓚᑎᑦᓯᔭᕐᑐᕐᓗᓂ. ᓇᓪᓕᐊᓪᓗ ᓯᕗᓪᓕᕐᐸᐅᓪᓗᓂ ᐃᒫᓄᐊᕐᑐᖅ ᐊᐅᓚᑎᑕᐅᕋᑖᕐᑎᓪᓗᒍ ᐋᖅᑭᒃᑕᐅᕙᓚᐅᕐᐳᑦ ᖃᓄᐃᑦᑐᑐᐃᓐᓇᕐᒥᒃ ᖃᓂᒻᒪᓯᖃᕋᓗᐊᕐᐸᑦ.]