ᓴᑲᕅᐊᐅᑉ ᐊᒡᓚᖏᑦ 14:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᖃᑦᑍᑦ ᓂᕿᓕᐅᕈᑎᓕᒫᑦ ᔨᕉᓴᓕᒥ ᔫᑕᒥᓗ ᐃᑦᔪᕐᓁᑦᑑᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ, ᑐᓂᕐᕈᓯᕆᐊᕐᑐᕐᑐᓕᒫᑦ ᖃᑦᑕᕐᓂᑦ ᑖᒃᑯᓇᓂ ᓂᕿᓕᐅᕈᒫᕐᐳᑦ, ᐅᓪᓗᓂ ᑍᒃᑯᓇᓂ ᓂᐅᕕᕋᓱᐊᕐᑐᖃᕈᓐᓁᕈᒫᕐᐳᖅ ᐊᑕᓂᐅᑉ ᐃᒡᓗᖓᓂ.

ᓴᑲᕅᐊᐅᑉ ᐊᒡᓚᖏᑦ 14:21 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 4:3

ᓮᐅᓂᒥᓗ ᐊᒥᐊᒃᑯᑦ ᔨᕉᓴᓕᒦᖏᓐᓇᕐᑐᑦ ᑍᔭᐅᔪᒫᕐᐳᑦ ᐃᑦᔪᕐᓁᑦᑐᓂᒃ, ᑕᒪᕐᒥᑦᓯᐊᖅ ᑎᑎᕋᕐᑕᐅᓯᒪᔪᑦ ᔨᕉᓴᓕᒥ ᓄᓇᖃᕐᓂᕋᕐᑕᐅᔪᓕᒫᑦ,

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 44:9

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”

ᐃᓯᑭᐊᓕᐅᑉ ᐊᒡᓚᖏᑦ 45:1

“ᐃᓚᒌᓈᕐᑎᕐᑐᑦ ᓄᓇᖁᑎᑖᕐᑐᓕᕐᐸᑕ ᓴᓂᕐᕔᔪᖃᕆᐊᖃᕐᐳᖅ ᐊᑕᓂᐅᑉ ᓄᓇᖁᑎᒃᓴᖓᓂᒃ ᐃᑦᔪᕐᓁᑦᑐᒧᑦ ᑐᕌᖓᓂᐊᕐᑐᒥᒃ, ᐊᖏᓂᖃᕐᓗᓂ ᑐᑭᒧᑦ 10ᒤᓕᒥᒃ; ᓴᓂᒧᑐᓂᖃᕐᓗᓂᓗ 8ᒤᓕᒥᒃ; ᑖᓐᓇᓕᒫᖅ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ ᐃᑦᔪᕐᓁᑦᑑᔪᒃᓴᐅᕗᖅ.

ᕼᐆᓯᐊᑉ ᐊᒡᓚᖏᑦ 12:7

“ᑬᓇᓂᒥᐅᑦ ᓯᓔᕐᕆᒃᓯᔨᐅᕗᑦ, ᓱᓕᖏᑦᑐᓂᒃ ᐅᖁᒤᓐᓂᕐᓯᐅᑎᓂᒃ ᑎᒍᒥᐊᕐᐳᑦ, ᕿᒃᓵᒃᑎᑦᓯᔭᕆᐊᒃᓴᖅ ᖁᕕᐊᓱᒃᐳᑦ.

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 1:11

ᐅᒡᒍᐊᕐᓂᕐᒧᑦ ᕿᐊᓕᕆᑦᓯ ᒧᐊᕐᑖᒥᐅᖑᔪᓯ, ᑕᐅᕐᓯᔨᓕᒫᑦ ᓄᖑᑕᐅᖕᒪᑕ; ᓯᐅᓪᕙᓂᒡᓗ ᐅᖁᒤᓐᓂᕐᓯᐅᕐᑎᓕᒫᑦ ᓄᖑᑕᐅᖕᒪᑕ.

ᓴᑲᕅᐊᐅᑉ ᐊᒡᓚᖏᑦ 14:20

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᕿᒻᒥᕐᔪᐊᑦ ᓯᕙᓂᐅᑎᖏᓐᓂ ᑎᑎᕋᕐᓯᒪᔪᒫᕐᐳᑦ ᐃᒫᒃ, “ᐊᑕᓂᖅ ᐃᑦᔪᕐᓁᐳᖅ.” ᓂᕿᓕᐅᕈᑎᓕᒫᓪᓗ ᐊᑕᓂᐅᑉ ᐃᒡᓗᖓᓃᑐᑦ ᐅᐊᓴᕐᕖᑦ ᑐᓂᕐᕈᓯᕐᕕᐅᑉ ᓵᖓᓃᑦᑐᑦ ᐃᑦᔪᕐᓁᖃᑕᐅᔪᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 7:6

ᓂᕆᓕᕌᖓᑦᓯ ᐃᒥᕐᓗᓯᓗ, ᓂᕆᔪᒪᓂᑐᐃᓐᓇᕐᒧᑦ ᓂᕆᕕᒡᔪᐊᕐᐸᓐᖏᓚᓰ?’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᑎᒧᑎᒧᑦ ᓯᕗᓪᓖᑦ 3:15

ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ.

ᐄᑉᕈᐃᓄᑦ 3:6

᙭ᔅᑑᓯᓕ ᓱᖁᓯᔪᐃᑦᑑᕗᖅ ᐃᕐᓂᐅᓪᓗᓂ ᐊᖓᔪᖅᑲᐅᔪᖅ ᒎᑎᐅᑉ ᐃᒡᓗᖓᓄᑦ. ᐅᕙᒍᑦ ᑖᑦᓱᒪ ᐃᒡᓗᒋᕚᑎᒍᑦ ᓴᐱᖏᑦᔪᑎᒃᓴᖅ ᓂᕆᐅᖕᓂᕐᓗ ᓂᕐᑐᕐᓇᐅᑎᒋᔭᕗᑦ ᐱᓯᒤᓐᓇᕐᓂᐊᕈᑦᑎᒍᑦ ᐃᓱᐊᓄᑦ.

ᐲᑦᑐᕉᓯ ᓯᕗᓪᓖᑦ 4:17

ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.