ᑍᑑᓯᒧᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᒍᑦ ᐃᓕᓐᓂᐊᕐᑎᑉᐹᑎᒍᑦ ᕿᒤᖁᓪᓗᑕ ᒎᑎᖃᖏᑦᑐᑦ ᐃᓕᖅᑯᓯᖏᓐᓂᒃ ᓯᓚᕐᔪᐊᕐᒥᐅᓪᓗ ᐃᒃᖠᒎᕐᓂᖏᓐᓂᒃ, ᐃᓅᖁᓪᓗᑕᓗ ᐅᕙᑦᑎᓐᓂᒃ ᐱᓯᒪᑦᓯᐊᕈᓐᓇᕐᓗᑕ, ᐃᓅᑦᓯᐊᕐᓗᑕᓗ, ᒎᑎᒥᒡᓗ ᒪᓕᑦᓯᐊᕐᓗᑕ ᐃᓅᖁᓪᓗᑕ ᑕᒫᓂ ᓯᓚᕐᔪᐊᕐᒦᑎᓪᓗᑕ,

ᑍᑑᓯᒧᑦ 2:12 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 36:27

ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᕉᒪᒥᐅᓄᑦ 6:19

ᐃᓄᑐᐃᓐᓇᕐᑎᑐᑦ ᐅᖃᕐᐳᖓ, ᓴᓐᖐᑦᑑᓂᓯ ᐱᑦᔪᑎᒋᓪᓗᒍ. ᐊᕙᑎᓯ ᑐᓂᓯᒪᓚᐅᕋᑦᓯᒋᒃ ᓴᓗᒪᖏᑦᑐᒧᑦ ᐊᔪᕐᑐᓕᓂᕐᒥᒡᓗ ᐊᖏᓕᕙᓪᓕᐊᑎᑦᓯᓪᓗᓯ ᐱᓇᓱᐊᕐᓂᑦᓯᓐᓄᑦ, ᒫᓐᓇᓕ ᐊᕙᑎᓯ ᑐᓂᓕᕐᓯᒋᒃ ᐃᓗᐊᕐᑐᓕᓂᕐᒧᑦ ᐃᑦᔪᕐᓁᑎᑕᐅᖁᓪᓗᒋᑦ.

ᐃᓐᖏᕈᑎᑦ 4:3

ᖃᐅᔨᓕᕆᑦᓯ ᐊᑕᓂᐅᑉ, ᒎᑎᖃᕐᑐᑦ ᐃᒻᒥᓄᑦ ᐱᒋᔪᒪᓪᓗᒋᑦ ᓴᓂᕐᕙᒃᑎᑉᐰᑦ; ᐊᑕᓂᐅᓪᓗ ᑐᓴᕐᓂᐊᕐᐹᖓ ᓂᓪᓕᐊᕕᒋᒍᒃᑯ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᔪᐊᓇᓯ ᓯᕗᓪᓖᑦ 2:6

ᓇᓪᓕᐊᑦ ᑖᑦᓱᒪᓃᓂᕋᕐᑐᖅ ᐃᓅᔪᒃᓴᐅᕗᖅ ᑖᑦᓱᒪ ᐃᓕᖅᑯᓯᕆᓚᐅᕐᑕᖓᑐᑦ.

ᑎᒧᑎᒧᑦ ᐂᑉᐸᖏᑦ 3:12

ᐅᒃᐱᑦᓯᐊᕐᑑᔪᒪᔪᓕᒫᑦ ᙭ᔅᑑᓯ ᔩᓱᓯᒥ ᐊᑭᕋᕐᑐᕐᑕᐅᓂᐊᕐᒪᑕ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:12

ᑕᕝᕙᓂ ᕿᓄᐃᓵᕐᓂᖃᖁᔭᐅᕗᑦ ᐃᑦᔪᕐᓁᑦᑐᑦ, ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᑦ ᔩᓱᓯᒧᓪᓗ ᐅᒃᐱᕐᓂᖃᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 1:75

ᐃᑦᔪᕐᓁᓐᓂᕐᒥ ᓈᒻᒪᒋᔭᐅᓂᕐᒥᓗ ᑖᑦᓱᒪ ᓵᖓᓂ ᐃᓅᓯᑦᑕ ᐃᓱᐊᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:9

ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ.

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᕉᒪᒥᐅᓄᑦ 6:12

ᑍᒤᒻᒪᑦ ᐊᔪᕐᓂᖅ ᐊᐅᓚᑦᓯᔨᐅᔪᓐᓃᕐᓕ ᑎᒥᑦᓯᓐᓂ ᑐᖁᔪᒃᓴᒥ, ᑎᒥᑦᓯ ᐱᔪᒪᕕᒡᔪᐊᕐᓂᖏᑦ ᓈᓚᒍᓐᓁᕐᓯᒋᒃ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᐲᑦᑐᕉᓯ ᐂᑉᐸᖏᑦ 3:11

ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ,

ᐄᑉᕈᐃᓄᑦ 8:11

ᓇᓪᓕᐊᑦ ᐊᔪᕆᕐᑐᐃᔭᕆᐊᖃᕈᒫᓐᖏᓚᖅ ᐃᓅᖃᑎᒥᓂᒃ, ᓄᓇᖅᑲᑎᒥᓂᒡᓘᓐᓃᑦ, ᐅᖃᐅᑎᓗᒍ, ‘ᐊᑕᓂᖅ ᖃᐅᔨᓕᕈᒃ,’ ᑖᒃᑯᐊᓕᒫᑦ ᐅᕙᓐᓂᒃ ᖃᐅᔨᒪᓕᕈᒫᕐᒪᑕ, ᒥᑭᓐᓂᕐᐹᒥᑦ ᐊᖏᓂᕐᐹᖅ ᑎᑭᓪᓗᒍ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᑎᒧᑎᒧᑦ ᓯᕗᓪᓖᑦ 4:12

ᓇᕐᕈᒋᔭᐅᑦᑍᓕᒋᑦ ᐃᓅᒃᓱᒃᑑᓃᑦ ᐱᑦᔪᑎᒋᓗᒍ, ᐅᒃᐱᕐᑐᓄᓪᓕ ᒪᓕᒐᒃᓴᐅᓕᕆᑦ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ, ᓇᒡᓕᖕᓂᒃᑯᑦ, ᐅᒃᐱᕐᓂᒃᑯᓪᓗ, ᐃᓗᐊᕐᑐᓕᓂᒃᑯᓪᓗ.

ᑯᓘᓯᐊᒥᐅᓄᑦ 1:22

ᒫᓐᓇᓕ ᐃᕐᓂᖓᑕ ᑐᖁᓂᖓᒍᑦ ᐅᑎᕐᑎᓯᒪᕚᓯ, ᐃᑦᔪᕐᓁᓕᖁᓪᓗᓯ ᓴᓗᒪᑦᓯᐊᓕᕐᓗᓯᓗ ᐸᓯᔭᒃᓴᐅᔪᓐᓃᕐᓗᓯᓗ ᑖᑦᓱᒪ ᓵᖓᓂ,

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᕉᒪᒥᐅᓄᑦ 8:13

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᓄᒎᑦᓯ ᑐᖁᔪᒫᕐᐳᓯ, ᐊᓂᕐᓂᑯᓪᓕ ᑎᒥᐅᑉ ᐱᓂᐊᕐᓂᖏᑦ ᑐᖁᒃᑯᑦᓯᒋᑦ ᐃᓅᔪᒫᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 24:25

ᐸᐅᓗᓯ ᓇᓗᓇᕈᓐᓁᕐᑎᑦᓯᕗᖅ ᓇᓛᒎᑦᓯᐊᕐᓂᕐᒥᒃ ᓇᖕᒥᓂᕐᓗ ᐱᓯᒪᑦᓯᐊᕈᓐᓇᕐᓂᕐᒥᒃ, ᐃᖅᑲᕐᑐᕐᑕᐅᔪᒫᕐᓂᕐᒥᒃ, ᕖᓕᒃᓯ ᓯᕘᕋᓕᕐᓗᓂ ᐅᖃᕐᐳᖅ, “ᒫᓐᓇ ᐊᓂᑲᓚᐅᕆᑦ; ᐱᕕᒃᓴᑖᑲᓐᓂᕈᑦᑕ ᕾᖁᓛᕆᕙᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᔪᐊᓇᓯ ᓯᕗᓪᓖᑦ 5:19

ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᔪᐊᓇᓯᐅᑉ ᐊᒡᓚᖏᑦ 14:30

ᐊᑯᓂ ᐅᖃᓪᓚᕕᒋᓂᐊᕈᓐᓃᕐᐸᑦᓯ, ᓯᓚᕐᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᒪᑦ. ᐅᕙᓐᓄᓪᓗ ᐱᔪᓐᓇᕐᓂᖃᕋᓂ;

ᔪᐊᓇᓯᐅᑉ ᐊᒡᓚᖏᑦ 6:25

ᐃᓄᐃᑦ ᔩᓱᓯᒥᒃ ᓇᓂᓯᒐᒥᒃ ᑕᓯᐅᑉ ᐊᑭᐊᓂ, ᐅᖃᐅᑎᕚᑦ, “ᐊᔪᕆᕐᑐᐃᔩ, ᖃᖓ ᑕᒪᐅᓐᖓᕐᐲᑦ?”

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᐃᓐᖏᕈᑎᑦ 105:45

ᐃᓱᐊᓄᑦ ᓈᓚᑦᓯᐊᖁᓪᓗᒋᑦ ᐃᓕᖅᑯᓯᐅᖁᔭᖏᓐᓂᒃ, ᐱᖁᔭᖏᓐᓂᒡᓗ ᓈᓚᖁᓪᓗᒋᑦ. ᐊᑕᓂᖅ ᓂᕐᑐᕐᑕᐅᓕ!

ᔫᑎᐅᑉ ᐊᒡᓚᖏᑦ 1:18

ᐅᖃᐅᑎᓚᐅᕐᒪᓯ, “ᐅᓪᓗᐃᑦ ᑭᖑᓪᓕᖏᓐᓂ ᒥᑕᐅᑎᒃᓴᕐᑎᑕᖃᕈᒫᕐᐳᖅ, ᒎᑎ ᑲᒪᒋᓇᒍ ᐃᒃᖠᒎᕐᓂᕐᒥᖕᓂᒃ ᒪᓕᑐᐃᓐᓇᕐᑐᓂᒃ.”

ᑎᒧᑎᒧᑦ ᐂᑉᐸᖏᑦ 4:10

ᑏᒪᓯᐅᑉ ᕿᒪᖕᒪᖓ, ᓯᓚᕐᔫᑉ ᐱᖏᑦ ᐅᖓᒋᓕᕋᒥᒋᑦ, ᑎᓴᓗᓁᑲᒧᐊᓚᐅᕐᒪᑦ; ᑯᕇᓯᓃᓯᓗ ᒐᓔᑎᐊᒧᐊᓚᐅᐳᖅ, ᑍᑑᓯᓗ ᑕᓪᒪᑎᐊᒧᐊᓚᐅᕆᓪᓗᓂ.

ᒫᑎᐅᓯᐅᑉ ᐊᒡᓚᖏᑦ 12:32

ᓇᓪᓕᐊᓪᓗ ᐊᑭᕋᕐᑐᕐᑐᖅ ᐃᓅᑉ ᐃᕐᓂᖓᓂᒃ ᐃᓱᒪᒋᔪᓐᓁᕐᑕᐅᓂᐊᕐᐳᖅ; ᓇᓪᓕᐊᓪᓕ ᐊᑭᕋᕐᑐᕐᐸᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓱᒪᒋᔪᓐᓁᕐᑕᐅᓂᐊᓐᖏᓚᖅ, ᒫᓐᓇ ᓇᓪᓕᐅᑦᑐᒥ ᐱᔪᒫᕐᑐᒥᓗ.”

ᑎᒧᑎᒧᑦ ᓯᕗᓪᓖᑦ 6:9

ᐊᒃᓗᐃᑦᑐᒪᔪᓪᓕ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᐅᑎᓂᐊᕐᐳᑦ, ᓂᒐᕐᑎᑕᐅᓗᑎᒃ, ᓯᓔᓐᓂᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐃᒃᖠᒎᕐᓂᕐᓄᓪᓗ ᐊᔪᓕᕐᓇᕐᑐᓄᑦ ᑕᒪᓐᓇ ᑕᕝᕙ ᐃᓄᖕᓂᒃ ᑲᑕᒃᑎᑦᓯᕙᒃᑐᖅ ᐊᓯᕈᕐᑕᐅᑎᑦᓯᕙᒡᓗᓂᓗ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.