1 ᐃᕝᕕᓪᓕ ᐊᔪᕆᕐᑐᐃᖃᑦᑕᕆᐊᖅᑲᕐᐳᑎᑦ ᓇᓛᒍᑦ.
ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.
ᐊᔪᕆᕐᑐᐃᔪᖃᕐᐸᑦ ᑕᒪᑐᒪ ᐊᔪᕆᕐᑐᐃᑦᔪᓯᐅᑉ ᐊᑦᔨᒋᓐᖏᑕᖓᓂᒃ ᐊᖏᖃᑎᖃᖏᑉᐸᑕᓗ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐅᖃᐅᓯᖏᓐᓄᑦ ᐊᔪᕆᕐᑑᓯᕐᓄᓪᓗ ᐅᒃᐱᕐᓂᑦᑎᓐᓄᑦ ᐊᖏᖃᑕᐅᓯᒪᖏᑦᑐᓂᒃ,
ᐅᖃᐅᓰᑦ ᓱᓕᔪᑦ ᐅᕙᓐᓂᑦ ᑐᓴᕐᓯᒪᔭᑎᑦ ᑐᓐᖓᕕᒋᑦᓯᐊᕐᓗᒋᑦ ᒪᓕᒃᑭᑦ, ᐅᒃᐱᕐᓂᑯᑦ ᓇᒡᓕᖕᓂᒃᑯᓪᓗ ᙭ᔅᑑᓯ ᔩᓱᓯᒃᑯᑦ;
ᐅᖃᐅᓰᑦ ᐊᔪᕆᕐᑑᑕᐅᕙᒃᑐᖅ ᑐᑭᓯᐅᒪᑦᓯᐊᕐᓗᒋᑦ ᐱᔭᕆᐊᖃᕐᐳᖅ, ᑕᕝᕙ ᑍᒤᓕᐅᕐᓗᓂ ᐃᓅᖃᑎᒥᓂᒃ ᑲᔪᖏᕐᓮᑦᓯᐊᕈᓐᓇᕋᔭᕐᐳᖅ ᐊᔪᕆᕐᑐᐃᓂᕐᒧᑦ ᓱᓕᔪᒧᑦ ᓇᓗᓁᕐᓯᔪᓐᓇᕐᓗᓂᓗ ᑕᒪᑐᒥᖓ ᐊᑭᕋᕐᑐᕐᑐᑦ ᑕᒻᒪᕐᓂᖏᓐᓂᒃ.
ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.
ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.
