ᓲᓗᒨᓂᐅᑉ ᐃᓐᖏᕈᓯᖏᑦ 7:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐱᕈᕐᑐᐃᑦ ᒫᓐᑐᕅᒃᓯᓂᒃ ᐊᑎᓖᑦ ᑎᐹᕿᕗᑦ, ᐃᑎᕐᑕᕐᕕᑦᑕᓗ ᓯᓚᑖᓂ ᐸᐅᕐᖓᖏᑦ ᒪᒪᕐᑐᑦ ᐱᑕᖃᕐᐳᑦ, ᑕᒪᕐᒥᒃ ᓄᑖᑦ ᐱᑐᖃᐅᓂᕐᓮᓪᓗ, ᐃᓕᖕᓄᑦ ᓇᒡᓕᒋᔮᒃ, ᐸᕐᓇᒃᓯᒪᔭᒃᑲ.

ᓲᓗᒨᓂᐅᑉ ᐃᓐᖏᕈᓯᖏᑦ 7:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 30:14

ᓂᐊᖂᔭᒃᓴᓂᒡᓕ ᑲᑎᕐᓱᐃᑎᓪᓗᒋᑦ ᕉᐱᓂ ᐱᕈᕐᓰᕕᖕᒧᐊᕋᒥ ᓇᓂᓯᕗᖅ ᒫᓐᑐᕅᒃᓯᒥᒃ ᑖᑦᓱᒪᓗ ᐊᓈᓇᒥᓄᐊᕈᑎᕚ ᓕᐊᒧᑦ. ᕅᒋᓕᓗ ᓕᐊᒧᑦ ᐅᖃᕐᐳᖅ, “ᑕᕝᕙᓐᖓᑦ ᐃᕐᓂᕐᐱᑦ ᓇᓂᔭᖓᑕ ᐃᓚᖓᓐᓂᒃ ᕾᑦᓯᓚᐅᕆᑦ ᒫᓐᑐᕅᒃᓯᒥᒃ.”

ᓲᓗᒨᓂᐅᑉ ᐃᓐᖏᕈᓯᖏᑦ 2:3

ᓇᐹᕐᑐᑐᑦ ᐋᐳᓂᒃ ᐸᐅᕐᖓᓕᒃᑐᑦ, ᓇᐹᕐᑐᑐᐃᓐᓁᑦ ᐊᑯᓐᓂᖓᓃᑦᑐᑐᑦ, ᓇᒡᓕᒋᔭᕋ ᑍᒤᑉᐳᖅ ᐊᖑᑏᑦ ᐃᓅᓱᒃᑐᐃᑦ ᐊᑯᕐᖓᓂ. ᖁᕕᐊᓱᒻᒪᕆᒡᓗᖓ ᐃᒃᓯᕚᕐᐳᖓ ᑕᕐᕋᓕᓂᖓᓂ, ᐸᐅᕐᖓᖏᓪᓗ ᒪᒪᕐᐳᑦ ᓂᕆᒋᐊᖏᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 4:13

ᓇᐹᕐᑐᖁᑎᑎᑦ ᑐᑭᓕᕇᑦ ᐸᐅᕐᖓᓖᑦ ᐹᒪᒍᕌᓂᒃ ᐱᐅᓂᕐᐹᓂᒃ ᐸᐅᕐᖓᖃᕐᐳᑦ, ᑎᐱᑦᓯᐊᕆᒃᑐᓂᒃ ᕼᐃᓇᓂᒃ ᓈᕐᑎᓂᒡᓗ,

ᓲᓗᒨᓂᐅᑉ ᐃᓐᖏᕈᓯᖏᑦ 4:16

ᑐᐸᓕᕆᑦ, ᐊᓄᕇ ᐅᓐᓄᐊᓪᓗᐊᒥᑦ ᐱᔪᑎᑦ, ᐊᓄᕇᓗ ᐅᓪᓗᓪᓗᐊᑉ ᓇᓛᓂᑦ ᐱᔪᑎᑦ, ᐱᕈᕐᓰᕕᖁᑎᒐ ᓱᐴᓕᕈᒃ, ᑎᐱᑦᓯᐊᖓ ᓯᐊᒻᒪᖁᓪᓗᒍ ᐅᖓᓯᒃᑐᒧᑦ. ᓇᒡᓕᒋᔭᕋ ᐱᕈᕐᓰᕕᖁᑎᒥᓄᑦ ᕾᓂᐊᕐᒪᑦ, ᐸᐅᕐᖓᖏᓐᓂᒡᓗ ᒪᒪᕐᓂᕐᐹᓂᒃ ᓂᕆᓗᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 6:11

ᐊᖅᑲᕐᑎᓚᐅᕐᐳᖓ ᖃᖅᑲᒥᑦ ᓇᐹᕐᑐᓄᑦ ᖃᖅᑯᐊᒐᓂᒃ ᐱᕈᕐᕕᐅᕙᒃᑐᓄᑦ, ᐱᕈᓕᕐᑐᓂᒃ ᓇᕐᓴᒥ ᑕᑯᔪᒪᓪᓗᖓ, ᒍᕅᑉᓯᓪᓗ ᕔᓂᓕᒃᓴᒥ ᐱᕈᓕᕐᒪᖔᑕ, ᐹᒪᒍᕌᓂᒃᓮᓪᓗ ᓄᓇᕋᖏᑦ ᓄᐃᓕᕐᒪᖔᑕ.

ᓲᓗᒨᓂᐅᑉ ᐃᓐᖏᕈᓯᖏᑦ 8:1

ᑕᕝᕙᑐᖅ ᐊᓂᑦᑐᑦ ᑍᒤᓪᓚᒋᑦ, ᐊᓈᓇᒪ ᐃᕕᐊᖏᖏᖕᓂᑦ ᐊᒫᒫᒃᑐᕕᓂᕐᑎᑐᑦ! ᓯᓚᒥ ᑕᑯᒍᒃᑭᑦ ᑯᓂᒃᓴᑐᐃᓐᓇᖃᑕᕋᔭᕋᒃᑭᑦ, ᑭᓇᒥᒃ ᑲᓐᖑᓱᖏᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 13:52

ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ ᐱᖁᔭᓂᒃ ᐃᓕᓮᔨᑦ ᒎᑎᐅᑉ ᐊᑕᓂᐅᕕᖓᓂᒃ ᐃᓕᓐᓂᐊᕐᑎᑕᐅᓯᒪᔪᑦ ᐊᑦᔨᖃᕐᐳᑦ ᐃᒡᓗᒥᒃ ᓇᖕᒥᓂᖃᕐᑐᑐᑦ ᓯᕐᓗᐊᕐᒥᖕᓂᑦ ᓴᖅᑭᑎᑦᓯᔪᑎᑐᑦ ᓄᑖᓂᒃ ᓄᑕᐅᖏᑦᑐᓂᒡᓗ.”

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:2

ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ ᑕᒫᑦ, ᐊᑐᓂᑦ ᑮᓇᐅᔭᓂᒃ ᓴᓂᕐᕔᖃᑦᑕᕐᑐᒃᓴᐅᕗᓯ ᑮᓇᐅᔭᕐᑖᕆᓯᒪᔭᓯ ᒪᓕᒡᓗᒋᑦ ᑐᓂᔭᐅᔪᒃᓴᓂᒃ, ᐱᕙᓪᓕᐊᔪᓐᓇᖁᓪᓗᓯ, ᑎᑭᒃᑯᒪ ᑲᑎᕐᓱᐃᓇᓱᐊᕈᒪᖏᓐᓇᒪ ᑐᓂᕐᕈᑎᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.