ᓲᓗᒨᓂᐅᑉ ᐃᓐᖏᕈᓯᖏᑦ 3:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐂᓕᕆᑦᓯ, ᓮᐅᓂᐅᑉ ᐸᓂᖏᑦ, ᑕᑯᔭᕐᑐᓕᕐᓯᐅᒃ ᐊᖓᔪᖅᑳᕐᔪᐊᖅ ᓲᓗᒨᓂ, ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᓯᒪᔪᖅ ᐊᓈᓇᖓᑕ ᐊᑎᑎᓚᐅᕐᑕᖓᓂᒃ ᐅᓪᓗᒥ ᑲᑎᑎᑕᐅᕕᖓᓂ, ᐆᒻᒪᑎᖓ ᖁᕕᐊᓱᑦᓯᐊᕐᑎᓪᓗᒍ.

ᓲᓗᒨᓂᐅᑉ ᐃᓐᖏᕈᓯᖏᑦ 3:11 ပူးပေါင်းရင်းမြစ်များ

ᐃᓐᖏᕈᑎᑦ 48:11

ᖃᖅᑲᖅ ᓮᐅᓂ ᖁᕕᐊᓱᒡᓕ, ᔫᑕᐅᓪᓗ ᐸᓂᖏᑦ ᐊᓕᐊᓁᒍᓱᒡᓕᑦ, ᐃᖅᑲᕐᑐᐃᑦᓯᐊᕐᓂᑎᑦ ᐱᑦᔪᑎᒋᓗᒋᑦ.

ᐃᓐᖏᕈᑎᑦ 9:14

ᐅᖃᐅᓯᖃᕈᓐᓇᖁᓪᓗᖓ ᓂᕐᑐᕐᓇᕐᓂᕐᓂᒃ ᓱᓇᒥᒡᓗᒍ, ᓮᐅᓂᐅᑉ ᐸᓂᖏᑕ ᐃᑎᕐᑕᕐᕕᒡᔪᐊᖏᓐᓂ. ᐱᐅᓕᕐᓯᓂᕐᓂᒡᓗ ᐃᖀᕐᑐᕈᑎᖃᕈᒪᕗᖓ.

ᓲᓗᒨᓂᐅᑉ ᐃᓐᖏᕈᓯᖏᑦ 1:5

ᕿᕐᓂᕐᑕᐅᕗᖓ, ᐃᓂᖁᓇᕐᑑᓪᓗᖓ, ᐃᓕᑦᓯ ᔨᕉᓴᓕᐅᑉ ᐸᓂᖏᑦ, ᑐᐱᕐᑎᑐᑦ ᑭᑕᕆᒦᑦᑐᑎᑑᕐᐳᓯ, ᓲᓗᒨᓂᐅᓪᓗ ᐃᒐᓛᖏᑕ ᑖᓗᑕᖏᑎᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:7

ᔨᕉᓴᓕᒥᐅᑦ ᐸᓂᖏᑦ ᐊᖏᒻᒪᕆᖁᕙᑦᓯ; ᒐᓯᐅᓖᑦ ᑐᒃᑐᖓᔪᓪᓗ ᐊᖅᑯᑎᒋᓗᒋᑦ, ᐸᒡᕕᓴᖁᓇᓯ ᑲᒪᖁᓇᓯᓗ ᓇᒡᓕᒃᑎᒌᖕᓂᖅ ᓈᒻᒪᒃᓯᖏᓐᓂᖓᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 7:11

ᐅᖓᔮᒃ, ᕾᓕᕆᑦ, ᓄᓇᒧᑦ ᓇᑎᕐᓇᒧᑦ ᐂᓕᕐᓗᒃ; ᓄᓇᓕᖕᓂ ᒥᑭᓐᓂᕐᓴᓂ ᓯᓂᒃᑕᕆᐊᓕᕐᓗᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 8:5

ᑭᓇᐅᓇ ᐃᓄᖃᖏᑦᑐᒥᑦ ᕾᔪᖅ? ᓇᒡᓕᒋᔭᒥᓂᒃ ᐃᕿᒻᒥᓪᓗᓂ. ᑐᐹᓚᐅᕐᐸᒋᑦ ᓇᐹᕐᑑᑉ ᐋᐳᓂᒃ ᐸᐅᕐᖓᓕᐅᑉ ᐊᑖᓂ. ᑍᑲᓂ ᐊᓈᓇᕕᑦ ᓇᑦᔨᐊᕆᓕᕐᑕᕕᓂᕆᕚᑎᑦ, ᑍᑲᓂᓗ ᐃᕐᓂᐊᕆᔭᕕᓂᕆᕚᑎᑦ.

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 62:5

ᐃᓅᓱᒃᑑᑉ ᓄᓕᐊᓂᒃᐸᖕᓂᖓᑐᑦ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ, ᑍᒫᒃᑕᐅᖅ ᐃᕐᓂᓯ ᑲᑎᑎᑕᐅᖃᑎᒋᔪᒫᕆᕙᓯ, ᐊᖑᑎᐅᑉ ᐊᕐᓇᒧᑦ ᑲᑎᑎᑕᐅᔭᕌᖓᒥ ᖁᕕᐊᓱᖕᓂᕆᕙᒃᑕᖓᑐᑦ, ᑍᒫᒃ ᒎᑎᑦᓯ ᖁᕕᐊᓲᑎᒋᔪᒫᕆᕚᓯ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 32:41

ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᓴᑲᕅᐊᐅᑉ ᐊᒡᓚᖏᑦ 6:11

ᑖᒃᑯᐊ ᑐᓂᕐᕈᑎᖏᓐᓂᒃ ᓯᐅᓪᕕᕆᓂᒃ ᒎᓗᓂᒡᓗ ᓂᐊᖂᑎᓕᐅᕆᑦ, ᐃᓕᓗᒍᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᔮᓱᐊᒧᑦ ᔨᕼᐅᔭᑕᐅᑉ ᐃᕐᓂᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᓘᑲᓯᐅᑉ ᐊᒡᓚᖏᑦ 15:32

ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”

ᔪᐊᓇᓯᐅᑉ ᐊᒡᓚᖏᑦ 15:11

“ᑕᒪᒃᑯᓂᖓ ᐅᖃᕐᕕᒋᕙᑦᓯ, ᖁᕕᐊᓱᖕᓂᕋ ᐃᓕᑦᓯᓐᓃᖁᓪᓗᒍ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᑯᓘᓯᐊᒥᐅᓄᑦ 1:18

ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.

ᐄᑉᕈᐃᓄᑦ 13:13

ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:12

ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑉᐴᒃ, ᓂᐊᖂᑎᖃᕐᐳᕐᓗ ᐊᖓᔪᖅᑳᐅᓂᖓᑕ ᓇᓗᓁᒃᑯᑕᖏᓐᓂᒃ ᐊᒥᓱᓂᒃ; ᐊᑎᖓᓗ ᑕᕝᕙᓂ ᑎᑎᕋᕐᓯᒪᕗᖅ ᑭᓇᒧᓪᓘᓃᑦ ᖃᐅᔨᔭᐅᔪᓐᓇᖏᑦᑐᖅ ᑖᑦᓱᒪ ᑭᓯᒥ ᖃᐅᔨᒪᔭᑐᐊᕆᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:7

ᖁᕕᐊᓱᒡᓗᑕ ᐊᖏᒡᓕᑎᕐᓚᕗᑦ ᓂᕐᑐᕐᓗᒍᓗ, ᓄᕐᕋᐅᔭᐅᑉ ᑲᑎᑎᑕᐅᕕᒃᓴᖓ ᓇᓪᓕᐅᑎᖕᒪᑦ, ᓄᓕᐊᒃᓴᖓᓗ ᐊᑐᐃᓐᓇᕈᕐᓗᓂ ᑖᑦᓱᒧᖓ.