ᓲᓗᒨᓂᐅᑉ ᐃᓐᖏᕈᓯᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᕐᓱᕐᑎᕈᑏᑦ ᑎᐱᑦᓯᐊᕆᒃᑑᖕᒪᑦ, ᐊᑏᓪᓗ ᑍᓪᓗᒍ ᑎᐱᑦᓯᐊᕆᒃᑐᑐᑦ ᑯᕕᔭᐅᔪᑐᑦ ᑍᒤᑉᐳᖅ, ᑍᒤᒻᒪᑦ ᐅᐃᒡᒐᓱᐃᑦ ᐅᖓᕚᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:3 ပူးပေါင်းရင်းမြစ်များ

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:1

ᐊᑏᑦ ᐅᐱᒋᔭᐅᑦᓯᐊᕐᐸᑦ ᐱᐅᓂᕐᓴᐅᕗᖅ ᒥᖑᐊᕈᑎᒥᑦ ᐅᕐᓱᒥᑦ ᐊᑭᑐᔪᒥᑦ, ᑐᖁᓂᐅᓪᓗ ᐅᓪᓗᖓ ᐱᐅᓂᕐᓴᐅᒋᕗᖅ ᐃᕐᓂᐊᖑᕕᐅᑉ ᐅᓪᓗᖓᓂᑦ.

ᔪᐊᓇᓯᐅᑉ ᐊᒡᓚᖏᑦ 12:3

ᑕᕝᕙ ᒥᐊᕆ ᑎᐱᑦᓯᐊᕆᒃᓴᐅᒻᒥᒃ ᐊᑭᑐᔪᒥᒃ ᑎᒍᓯᓪᓗᓂ ᐊᑕᐅᓯᕐᒥᒃ ᐅᖁᒤᓐᓂᖃᕐᑐᒥᒃ, ᐱᕈᕐᑐᕕᓂᕐᓂᑦ ᐱᓯᒪᔪᒥᒃ ᐃᓚᓯᒪᖏᑦᑐᒥᒃ, ᔩᓱᓯᐅᑉ ᐃᑎᒐᖏᓐᓄᑦ ᑯᕕᓯᓪᓗᓂ ᓄᔭᕐᒥᓄᑦ ᐊᓪᓚᕐᑎᕐᐰᑦ; ᑎᐱᑦᓯᐊᕆᒃᓴᐅᑎᐅᑉ ᑎᐱᑦᓯᐊᕆᖕᓂᖓᓄᑦ ᐃᒡᓗᓕᒫᖅ ᑎᑉᐸᒃᐳᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 4:10

ᓇᒡᓕᖕᓃᑦ ᒪᒪᕐᑐᐊᓘᖕᒪᑦ, ᓇᔮᒃ, ᓄᓕᐊᒃᓵᒃ! ᓇᒡᓕᖕᓃᑦ ᒪᒪᕐᓂᕐᓴᐅᕗᖅ ᕔᓂᒥᑦ, ᐅᕐᓱᕐᑎᕈᑎᕕᓪᓗ ᑎᐱᖓ ᒪᒪᕐᓂᕐᓴᐅᕗᖅ ᑎᐱᑦᓯᐊᕆᒃᑐᓂᑦ ᑕᒤᓐᓂᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.

ᐃᓐᖏᕈᑎᑦ 133:2

ᓇᐹᕐᑑᑉ ᐅᕐᓱᖓᑎᑐᑦ ᐱᔪᒥᓇᕐᑐᑐᑦ ᑍᒤᑉᐳᖅ, ᐂᕉᓂᐅᑉ ᓂᐊᖁᐊᓄᑦ ᑯᕕᔭᐅᔪᑎᑐᑦ ᑰᒐᕐᑐᑐᓪᓗ ᐅᒥᖏᑎᒍᑦ, ᐊᓐᓄᕌᖏᑕ ᑭᒡᓕᖓᓄᑦ ᑯᑐᒡᓗᓂ ᑎᑭᐅᑎᔪᑎᑐᑦ!

ᐃᓐᖏᕈᑎᑦ 45:14

ᐊᖓᔪᖅᑳᕐᔪᐊᒧᑦ ᐃᑎᕐᑎᑕᐅᓂᐊᕐᐳᖅ ᐊᓐᓄᕌᕐᓯᒪᓗᓂ ᑕᕐᓴᖃᕐᑐᒥᒃ ᐅᓄᕐᑐᓂᒃ; ᐃᓅᓱᒃᑐᓪᓗ ᐅᐃᒡᒐᓱᐃᑦ, ᑖᑦᓱᒥᖓ ᒪᓕᒃᑐᑦ ᕾᑎᑕᐅᓂᐊᕐᐳᑦ ᐃᓕᖕᓄᑦ.

ᒫᑎᐅᓯᐅᑉ ᐊᒡᓚᖏᑦ 25:1

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ ᐊᕐᓇᓂᒃ ᖁᓕᓂᒃ ᓇᓂᕈᐊᒥᖕᓂᒃ ᓇᒃᓴᕐᓗᑎᒃ ᐅᐃᒃᓴᒥᒃ ᐸᕐᕆᐊᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:13

ᐅᓗᐊᖏᒃ ᐱᕈᕐᓰᕕᖕᒥ ᐱᕈᕐᑐᑎᑐᑦ ᓂᕿᒧᑦ ᐃᓚᒃᓴᑎᑐᑦ ᑎᐱᑦᓯᐊᕆᒃᑎᒋᕘᒃ. ᖃᓂᖓᑕᓗ ᓯᓈ ᓄᓇᕋᕐᑐᑦ ᓕᓕᑐᑦ ᑍᒤᑉᐳᖅ, ᑯᑐᒃᓗᓂ ᑎᐱᑦᓯᐊᕆᒃᑐᒥᒃ ᒧᕆᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 3:6

ᑭᓇᐅᓇ ᐃᓄᖃᖏᑦᑐᒥᑦ ᑎᑭᑉᐸ? ᐳᔫᕐᑐᑎᑐᑦ ᖁᒻᒧᐊᒃᑐᑎᑐᑦ ᓲᕐᓗ, ᑎᐱᑦᓯᐊᕆᒃᓴᕐᓯᒪᓪᓗᓂ ᒧᕆᒥᒃ, ᕗᕌᑭᓐᓯᓐᓯᒥᒃᓗ, ᓂᐅᕕᕐᑎᑦᓯᔨᐅᕙᒃᑐᑦ ᑎᐱᑦᓯᐊᕆᒃᓴᐅᑎᖁᑎᓕᒫᖏᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:9

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᓴᐅᑏᓪᓗ ᐆᒻᒪᑎᐅᑉ ᖁᕕᐊᒋᕔᑦ, ᑍᒫᒃᑕᐅᖅ ᐊᖑᑎᐅᑉ ᐃᓚᓐᓈᖓᑕ ᐅᖃᐅᑦᔪᐃᓂᖏᑦ ᓰᕐᓇᕐᑑᒋᕗᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:5

ᒪᑭᑉᐳᖓ ᓇᒡᓕᒋᔨᒐ ᐅᒃᑯᐃᕈᑎᔭᕐᑐᕐᓗᒍ, ᐊᒡᒐᒃᑲ ᑯᑐᓕᕐᐳᑦ ᒨᕆᒥᒃ, ᒨᕆᒧᓪᓗ ᐊᒡᒐᒃᑲ ᖃᐅᓯᕐᑎᑦᓯᕗᑦ ᓴᓐᓂᕈᐊᑉ ᑎᒍᓕᖓᓂᒃ.

ᒨᓯᓯ ᐂᑉᐸᖏᑦ 33:12

ᒨᓯᓯ ᐊᑕᓂᕐᒧᑦ ᐅᖃᕐᐳᖅ, “ᓱᓕᓚᐅᕐᐲᑦ ᐅᕙᓐᓄᑦ ᐅᖃᓚᐅᕋᕕᑦ ᐅᑯᐊ ᐃᓄᐃᑦ ᐅᕙᓐᓄᑦ ᑕᓯᐅᕐᑕᐅᖁᓂᕋᕐᓗᒋᑦ ᐊᕗᖓ ᓄᓇᒧᑦ, ᑭᓯᐊᓂᓕ ᐅᕙᓐᓄᑦ ᐅᖃᓚᐅᕐᓯᒪᖏᑦᑐᑎᑦ ᑭᓇᒥᒃ ᐱᖃᑎᖃᕐᑐᒃᓴᐅᖕᒪᖔᕐᒪ. ᐅᕙᓐᓄᓪᓗ ᐅᖃᕐᓯᒪᔪᑎᑦ ᖃᐅᔨᒪᑦᓯᐊᕐᓂᕋᕐᓗᑎᑦ ᐅᕙᓐᓂᒃ ᖁᕕᐊᒋᔭᖃᕐᓂᕋᕐᓗᑎᓪᓗ.

ᓲᓗᒨᓂᐅᑉ ᐃᓐᖏᕈᓯᖏᑦ 6:8

ᐊᖓᔪᖅᑲᕐᔪᐊᖅ ᓄᓕᐊᖃᕐᐸᑦ 60ᓂᒃ, ᐊᕐᓇᖁᑎᖃᕐᓗᓂᓗ 80ᓂᒃ, ᐅᐃᒡᒐᓱᖕᓂᒡᓗ ᐊᖑᒻᒧᑦ ᑲᒪᒋᔭᐅᓚᐅᕐᓯᒪᖏᑦᑐᓂᒃ ᓈᓴᒐᒃᓴᐅᖏᑦᑐᓂᒃ.

ᒨᓯᓯ ᐂᑉᐸᖏᑦ 33:19

ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.