ᕉᒪᒥᐅᓄᑦ 6:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒎᑎ ᖁᔭᒋᔭᐅᓕ, ᐊᔪᕐᓂᕐᒧᑦ ᑭᒡᒐᐅᓚᐅᕐᑐᓯ ᓈᓚᑦᓯᐊᓕᕐᓯᒪᒐᑦᓯ ᐊᔪᐃᓐᓇᕐᓗᓯ ᐊᔪᕆᕐᑐᐃᑦᔪᑕᐅᓚᐅᕐᑐᓂᒃ ᐃᓕᑦᓯᓐᓄᑦ.

ᕉᒪᒥᐅᓄᑦ 6:17 ပူးပေါင်းရင်းမြစ်များ

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᑎᒧᑎᒧᑦ ᐂᑉᐸᖏᑦ 1:13

ᐅᖃᐅᓰᑦ ᓱᓕᔪᑦ ᐅᕙᓐᓂᑦ ᑐᓴᕐᓯᒪᔭᑎᑦ ᑐᓐᖓᕕᒋᑦᓯᐊᕐᓗᒋᑦ ᒪᓕᒃᑭᑦ, ᐅᒃᐱᕐᓂᑯᑦ ᓇᒡᓕᖕᓂᒃᑯᓪᓗ ᙭ᔅᑑᓯ ᔩᓱᓯᒃᑯᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᕉᒪᒥᐅᓄᑦ 16:26

ᒫᓐᓇᓕ ᓇᓗᓇᕈᓐᓃᕐᑎᑕᐅᖕᒪᑕ ᓇᓚᐅᑦᑍᔪᑦ ᑎᑎᖅᑲᖏᓐᓄᑦ ᐃᓅᖃᑎᒌᒡᔪᐊᓄᑦ, ᒎᑎᐅᑉ ᐃᓱᖃᖏᑦᑑᑉ ᐱᖁᔨᓂᖓᓄᑦ, ᐅᒃᐱᕐᑐᑦ ᓈᓚᒍᓐᓇᕐᓯᖁᓪᓗᒋᑦ ᑖᑦᓱᒥᖓ.

ᕉᒪᒥᐅᓄᑦ 1:8

ᓯᕗᓪᓕᕐᒥᒃ ᒎᑎᒐ ᖁᔭᒋᕙᕋ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᑕᒪᑦᓯ ᐱᑦᔪᑎᒋᓪᓗᓯ, ᐅᒃᐱᕐᓂᓯ ᓇᓂᓕᒫᖅ ᐅᖃᐅᓯᐅᓕᕐᒪᑦ ᓯᓚᕐᔪᐊᕐᒥ.

ᔪᐊᓇᓯᐅᑉ ᐱᖓᔪᖏᑦ 1:3

ᖁᕕᐊᓱᒻᒪᕆᓚᐅᕐᐳᖓ ᑐᓴᕐᑎᑕᐅᒐᒪ ᐅᒃᐱᖃᑎᕗᑦ ᑎᑭᓐᓇᒥᒃ ᐅᓂᒃᑳᓚᐅᕐᒪᑕ ᓱᓕᔪᒧᑦ ᐃᓅᓯᕐᓂ ᑲᔪᓯᑦᓯᐊᕐᓂᕋᕐᑕᐅᓪᓗᑎᑦ, ᐃᓛᒃ ᑍᒪᓐᖓᑦ ᓱᓕᓂᕐᒥ ᐃᓅᒐᕕᑦ.

ᕉᒪᒥᐅᓄᑦ 15:18

ᐅᖃᐅᓯᖃᕐᓂᐊᓐᖏᓚᖓ ᙭ᔅᑑᓯᐅᑉ ᐅᕙᒃᑯᑦ ᐱᓇᓱᐊᕐᓯᒪᔭᖓᑕ ᐊᓯᐊᓂᒃ ᔫᑎᐅᖏᑦᑐᑦ ᓈᓚᓕᖁᓪᓗᒋᑦ ᒎᑎᒥᒃ, ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᔪᐊᓇᓯᐅᑉ ᐂᑉᐸᖏᑦ 1:4

ᖁᕕᐊᓱᒃᑎᑕᐅᕗᖓ ᐊᖏᔪᒥᒃ ᕿᑐᕐᖓᕕᑦ ᐃᓚᖏᓐᓂᒃ ᖃᐅᔨᓚᐅᕋᒪ ᓱᓕᔪᒥ ᐃᓅᖕᒪᑕ, ᐊᑖᑕᐅᑉ ᑍᒫᒃ ᐱᖁᓯᒪᖕᒫᑎᒍᑦ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᐰᓕᒨᓂᒧᑦ 1:4

ᑍᒪᓐᖓᑦ ᑐᒃᓯᐊᓕᕌᖓᒪ ᐃᖅᑲᐅᒪᖃᑦᑕᕐᐸᒋᑦ ᒎᑎᒧᓪᓗ ᖁᔭᓕᑦᔪᑎᒋᖃᑦᑕᕐᐸᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:3

ᒎᑎᒧᑦ ᖁᔭᓕᑦᔪᑎᒌᓇᕆᐊᖃᕐᐸᑦᑎᒋᑦ, ᙭ᔅᑑᓯᒥᐅᑕᐅᖃᑎᕗᑦ, ᑍᒤᓕᐅᕈᑦᑕᓗ ᓈᒻᒪᖕᒪᑦ, ᐅᒃᐱᕐᓂᒃᑯᑦ ᐱᕈᕐᐸᓪᓕᐊᒻᒪᕆᒃᑲᑦᓯ, ᓇᒡᓕᒃᑎᒌᖕᓂᓯᓗ ᐃᓕᑦᓯᓐᓄᑦ ᐊᑐᓂᑦ ᐊᖏᓕᕙᓪᓕᐊᓪᓗᓂ.

ᐲᑦᑐᕉᓯ ᓯᕗᓪᓖᑦ 4:17

ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?

ᐲᑦᑐᕉᓯ ᓯᕗᓪᓖᑦ 3:1

ᑍᒫᒃᑕᐅᖅ ᐊᕐᓇᐅᔪᓯ, ᐅᐃᑦᓯᓐᓄᑦ ᑐᓂᓯᒪᑦᓯᐊᕆᑦᓯ, ᐃᓚᖏᑦ ᒎᑎᐅᑉ ᐅᖃᐅᓯᖏᓐᓂᒃ ᐅᒃᐱᖏᑦᑐᑦ, ᐅᒃᐱᓕᖁᓪᓗᒋᑦ ᐅᐃᓖᑦ ᐃᓕᖅᑯᓯᖏᑦ ᐱᑦᔪᑎᒋᓗᒋᑦ ᐅᖃᓪᓚᖕᓂᒃᑯᑐᐃᓐᓇᐅᖏᑦᑐᖅ,

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐄᑉᕈᐃᓄᑦ 11:8

ᐅᒃᐱᕐᓂᑯᑦ ᐂᑉᕋᕼᐋᒻ ᓈᓚᓚᐅᕐᐳᖅ ᐊᐅᓪᓚᖁᔭᐅᓕᕋᒥ ᓄᓇᒃᓴᒧᑦ ᑭᖑᕐᖑᑎᔭᒃᓴᒥᓄᑦ; ᐊᐅᓪᓚᓚᐅᕐᐳᖅ ᓇᒧᓐᖓᐅᓂᐊᕐᓂᕐᒥᓂᒃ ᖃᐅᔨᒪᖏᒃᑲᓗᐊᕐᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:9

ᒫᓐᓇ ᒎᑎᕗᑦ ᖁᔭᓕᕕᒋᒃᑲᓐᓂᕈᓐᓇᓕᕐᐸᕗᑦ ᐱᓪᓗᓯ, ᐃᓗᑦᑎᒍᑦ ᖁᕕᐊᓱᒃᑎᑕᐅᒐᑦᑕ ᐱᑦᔪᑎᒋᓪᓗᓯ ᒎᑎᐅᑉ ᓵᖓᓂ,

ᐃᐱᓯᒥᐅᓄᑦ 1:16

ᒎᑎᒧᑦ ᖁᔭᓕᑦᔪᑎᒌᓐᓇᓕᕐᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᕐᐸᑦᓯ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:4

ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᒪᑦ ᙭ᔅᑑᓯ ᔩᓱᓯᒃᑯᑦ.

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᐃᓐᖏᕈᑎᑦ 18:44

ᓂᐱᓐᓂᒃ ᑐᓴᑐᐊᕋᒥᒃ ᓈᓚᑦᓯᐊᕐᐳᑦ; ᓄᓇᑦᑕᓗ ᐊᓯᐊᓂᑦ ᐱᓯᒪᔪ ᐃᒻᒥᖕᓂᒃ ᒪᓂᕗᑦ ᐅᕙᓐᓄᑦ.

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᕉᒪᒥᐅᓄᑦ 2:8

ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᕐᑐᑦ ᓱᓕᓂᕐᒥᒡᓗ ᓈᓚᖏᑦᑐᑦ, ᐊᔪᕐᓂᕐᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᒧᑦ ᓱᒋᐊᕐᑕᐅᓂᕐᒧᓪᓗ ᑎᑭᑦᓱᒫᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:15

ᐅᒃᐱᕐᑑᖃᑎᒌᓪᓕ ᑕᕝᕙᓃᑦᑐᑦ ᑐᓴᕋᒥᒃ ᐅᕙᑦᑎᓐᓂᒃ, ᐸᕐᕆᐊᕐᐹᑎᒍᑦ ᑲᑎᓪᓗᑕ ᑕᑯᕋᓐᓈᕐᕕᖕᒥ ᐊᐱᐅᓯᒥᒃ ᐊᑎᓕᖕᒥ, ᐊᓯᖏᓪᓗ ᑐᔪᕐᒥᕕᖕᓂᑦ ᐱᖓᓱᓂᒃ ᐊᑎᓕᖕᒥ ᑲᑎᒋᕙᕗᑦ. ᐸᐅᓗᓯᐅᑉ ᑕᑯᒐᒥᒋᑦ ᒎᑎ ᐊᖏᔪᒥᒃ ᖁᔭᒋᕚ, ᐊᖏᔪᒥᒃ ᐱᕙᓪᓕᕐᑎᑕᐅᓪᓗᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:6

ᑕᕝᕙᓕ ᐃᓚᒃᑳ, ᐃᓕᑦᓯᓐᓄᑦ ᑎᑭᓪᓗᖓ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᕕᒋᓕᕈᑦᓯ, ᓱᓇᒧᑦ ᐊᑐᕐᓇᕋᔭᕐᐹ? ᐊᑐᕐᓇᕋᔭᖏᑦᓯᐊᕐᐳᖅ, ᐅᖃᓪᓚᒡᕕᒋᒍᑦᓯᓕ ᓴᖅᑭᑎᑦᓯᕕᒋᒍᑦᓯᓗ ᒎᑎᒥᑦ ᐱᔪᒥᒃ, ᖃᐅᔨᑎᑦᓯᒍᒪᓘᓐᓃᑦ, ᒎᑎᐅᓪᓘᓐᓃᑦ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒡᕕᒋᒍᑦᓯ, ᐊᔪᕆᕐᑐᐃᒍᒪᓘᓐᓃᑦ ᑭᓯᐊᓂ.