ᕉᒪᒥᐅᓄᑦ 6:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᒫᒃᑕᐅᖅ ᐃᓕᑦᓯᓐᓂᒃ ᐃᓱᒪᒋᔪᒃᓴᐅᕗᓯ ᐊᔪᕐᓂᕐᒧᑦ ᑐᖁᓯᒪᓂᑦᓯᓐᓂᒃ ᐃᓅᓗᓯᓗ ᒎᑎᒧᑦ ᙭ᔅᑑᓯ ᔩᓱᓯᒥ.

ᕉᒪᒥᐅᓄᑦ 6:11 ပူးပေါင်းရင်းမြစ်များ

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᕉᒪᒥᐅᓄᑦ 16:27

ᑖᓐᓇ ᓯᓚᑐᔪᑑᔪᖅ ᒎᑎ, ᓂᕐᑐᕐᑕᐅᓕ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ! ᐋᒥᓐ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 6:10

ᑐᖁᒐᒥ ᐊᔪᕐᓂᕐᒧᑦ ᐊᑕᐅᓯᐊᕐᓗᓂ ᑐᖁᕗᖅ; ᑐᖁᒃᑲᓐᓂᕐᓂᐊᕈᓐᓃᕐᓗᓂ, ᐃᓅᓯᕐᓕ ᐃᓅᓯᕆᔭᖓ ᐃᓅᓯᕆᕚ ᒎᑎᒧᑦ.

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᕉᒪᒥᐅᓄᑦ 6:2

ᑍᒤᑦᑐᓐᓇᖏᑦᑐᖅ! ᐅᕙᒍᑦ ᐊᔪᕐᓂᕐᒧᑦ ᑐᖁᓯᒪᔪᒍᑦ, ᓱᓕ ᐃᓅᔪᒃᓴᐅᒋᕕᑖ ᐊᔪᕐᓂᕐᒥ?

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᕉᒪᒥᐅᓄᑦ 7:4

ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

ᕉᒪᒥᐅᓄᑦ 7:6

ᒫᓐᓇᓕ ᐱᖁᔭᒥᑦ ᐲᕐᑎᑕᐅᓯᒪᓕᕋᑦᑕ, ᑐᖁᖓᓕᕐᐳᒍᑦ ᑖᑦᓱᒧᖓ ᑎᒍᒥᐊᕐᑎᒋᓚᐅᕐᑕᑦᑎᓐᓄᑦ, ᑭᒡᒐᕐᑐᖁᓇᑕ ᐱᖁᔧᑦ ᑎᑎᕋᕐᓯᒪᔪᑐᕾᑦ ᒪᓕᒡᓗᒋᑦ, ᑭᒡᒐᕐᑐᖁᓪᓗᑕᓕ ᐃᓅᓯᕐᒥᒃ ᓄᑖᒥᒃ ᐊᓂᕐᓂᒃᑯᑦ.

ᕉᒪᒥᐅᓄᑦ 8:18

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᐃᐱᓯᒥᐅᓄᑦ 2:7

ᑍᒤᓕᐅᓚᐅᕐᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᕐᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᐱᓕᐱᒥᐅᓄᑦ 4:7

ᒎᑎᐅᑉ ᓮᒻᒪᕐᑎᑦᓯᓂᖓᑕ, ᑐᑭᓯᔭᐅᔪᓐᓇᕐᑐᓂᑦ ᐊᖏᓂᕐᓴᐅᔫᑉ, ᐆᒻᒪᑎᓯ ᐃᓱᒪᓯᓗ ᓴᐳᑎᓯᒪᓂᐊᕐᐰᑦ ᙭ᔅᑑᓯ ᔩᓱᓯᒥ.

ᑯᓘᓯᐊᒥᐅᓄᑦ 2:20

᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᓂᖏᓐᓂᑦ ᕿᓚᕈᑦᔮᕐᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᒥᐅᑎᑐᑦ ᐃᓅᓯᖃᕋᓱᐊᕐᐱᓰ ᓱᖕᒪᓪᓗ ᒪᓕᓕᕐᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ,

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.