ᕉᒪᒥᐅᓄᑦ 5:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓ ᐃᓄᓕᒫᓂᒃ ᐃᒋᑕᒃᓴᓐᖑᕐᑎᑦᓯᓚᐅᕐᒪᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᐃᓗᐊᕐᑑᓂᖓᒍᑦ ᐃᓗᐊᕐᑐᓕᔪᓐᖑᕐᑎᑦᓯᕗᖅ ᐃᓅᓯᖃᓕᕐᑎᑦᓯᓪᓗᓂᓗ ᐃᓄᓕᒫᓂᒃ.

ᕉᒪᒥᐅᓄᑦ 5:18 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:22

ᓲᕐᓗ ᐋᑕᒥᒃᑯᑦ ᐃᓄᓕᒫᑦ ᑐᖁᑎᑕᐅᓯᒪᖕᒪᑕ, ᑍᒫᒃᑕᐅᖅ ᙭ᔅᑑᓯᒃᑯᑦ ᐃᓄᓕᒫᑦ ᒪᑭᑎᑕᐅᔪᒫᕐᐳᑦ.

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᕉᒪᒥᐅᓄᑦ 5:15

ᑐᓂᕐᕈᑦ ᐊᑭᖃᖏᑦᑐᖅ ᐊᔪᕐᑐᓕᓂᕐᓗ ᐊᑦᔨᒌᓐᖏᓚᒃ. ᐊᒥᓱᑦ ᑐᖁᓯᒪᖕᒪᑕ ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᓄᑦ. ᐊᖏᓂᕐᓴᒥᒡᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᑐᓂᕐᕈᑎᖓᓗ ᐊᑭᖃᖏᑦᑐᖅ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ ᐅᓄᕐᑐᓄᑦ ᐱᓯᒪᕗᖅ.

ᕉᒪᒥᐅᓄᑦ 5:19

ᐃᓅᑉ ᐊᑕᐅᓯᐅᑉ ᓈᓚᖏᓐᓂᖓᑕ ᐊᒥᓱᑦ ᐊᔪᕐᑐᓕᔪᓐᖑᕐᑎᓚᐅᕐᒪᒋᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᓈᓚᖕᓂᖓᑕ ᐊᒥᓱᑦ ᐃᓗᐊᕐᑐᓕᔪᓐᖑᕐᑎᑦᓱᒫᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:39

ᑖᑦᓱᒨᓇ ᑕᒪᕐᒥᑦᓯᐊᑦ ᐅᒃᐱᕐᑐᑦ ᕿᓚᕈᑦᔮᕐᑕᐅᕗᑦ ᕿᓚᒃᓱᕐᑕᐅᕕᒋᓯᒪᔭᓕᒫᒥᖕᓂᑦ, ᒨᓯᓯᐅᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᕕᒋᔪᓐᓇᓐᖏᑕᒥᖕᓂᑦ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᕉᒪᒥᐅᓄᑦ 4:25

ᑖᓐᓇ ᑐᖁᑕᐅᓚᐅᕐᐳᖅ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᒪᑭᑎᑕᐅᓚᐅᕆᕗᖅ ᒎᑎᒧᑦ ᐸᓯᔭᒃᓴᐅᔪᓐᓃᖁᓪᓗᑕ.

ᔪᐊᓇᓯᐅᑉ ᐊᒡᓚᖏᑦ 1:7

ᑖᓐᓇ ᑎᑭᓚᐅᕐᐳᖅ ᐅᖃᐅᓯᖃᕆᐊᕐᑐᕐᓗᓂ, ᖃᐅᒪᔪᒥᒃ ᓇᓗᓁᕐᓯᔭᕐᑐᕐᓗᓂ, ᐃᓘᓐᓇᑎᒃ ᑖᑦᓱᒨᓇ ᐅᒃᐱᓕᕐᑎᑕᐅᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 12:32

ᐅᕙᖓᓗ, ᖃᖓᑦᑕᕐᑎᑕᐅᓂᐊᕈᒪ ᓄᓇᒥᑦ, ᐃᓄᖃᑎᒌᒃᔪᐊᖑᔪᓕᒫᑦ ᐅᕙᓐᓄᐊᕈᒪᓕᕐᑎᓐᓂᐊᕐᐸᒃᑲ.”

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᔪᐊᓇᓯᐅᑉ ᐊᒡᓚᖏᑦ 3:26

ᑕᕝᕙ ᐃᓕᓐᓂᐊᕐᑎᖏᑕ ᔪᐊᓇᓯ ᐅᐸᒃᐹᑦ ᐅᖃᐅᑎᓪᓗᒍᓗ, “ᐊᔪᕆᕐᑐᐃᔩ, ᐊᖑᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᐃᓕᖕᓄᐊᓚᐅᕐᑐᖅ, ᐅᖃᐅᓯᕆᖃᑦᑕᕐᑍᑦ, ᑖᓐᓇ ᐹᑉᑎᑦᓯᖃᑦᑕᓕᕐᐳᖅ, ᐃᓄᓕᒫᓪᓗ ᑖᑦᓱᒧᓐᖓᖃᑦᑕᓕᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᕉᒪᒥᐅᓄᑦ 3:25

ᑖᓐᓇ ᒎᑎᐅᑉ ᑐᓂᕚ ᑐᓂᕐᕈᑎᒋᓪᓗᒍ ᑐᖁᖓᒍᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑖᑦᓱᒧᖓ ᐅᒃᐱᕐᑐᑦ. ᒎᑎ ᑍᒤᓕᐅᓚᐅᕐᐳᖅ ᓈᒻᒪᓈᑦᓯᐊᕐᓂᓂ ᓴᖅᑭᑎᑦᓱᒪᓪᓗᒍ, ᑍᒪᓐᖓᑦ ᕿᓄᐃᓵᕈᑎᒋᓚᐅᕋᒥᒋᑦ ᓯᕗᕐᖓᒍᑦ ᐊᔪᕐᑐᓕᓂᕆᔭᐅᓚᐅᕐᑐᑦ;

ᕉᒪᒥᐅᓄᑦ 6:14

ᐊᔪᕐᓂᖅ ᐱᔪᓐᓇᕐᓂᖃᕈᓐᓃᕐᒪᑦ ᐃᓕᑦᓯᓐᓄᑦ, ᐱᖁᔭᓄᑦ ᐱᓯᒪᔭᐅᔪᓐᓃᕋᑦᓯ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐱᓯᒪᔭᐅᓕᕐᐳᓯ.