ᕉᒪᒥᐅᓄᑦ 3:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᕉᒪᒥᐅᓄᑦ 3:22 ပူးပေါင်းရင်းမြစ်များ

ᕉᒪᒥᐅᓄᑦ 10:12

ᐊᑦᔨᒌᖏᑦᑑᖏᒻᒪᑕ ᔫᑎᑦ ᒍᕇᑭᓪᓗ; ᐊᑕᓂᖅ ᑖᓐᓇᑦᓮᓐᓇᖅ ᐊᑕᓂᐅᖕᒪᑦ ᑕᒤᓐᓄᑦ ᓮᒻᒪᕐᑎᑦᓯᓂᕐᒥᒡᓗ ᐊᒥᒐᖏᑦᑐᒥᒃ ᑐᓂᓯᕗᖅ ᑕᒤᓐᓄᑦ ᑐᒃᓯᐊᕐᕕᒋᔨᒥᓄᑦ.

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᒐᓔᑎᐊᒥᐅᓄᑦ 2:16

ᖃᐅᔨᒪᕗᒍᓪᓕ ᐃᓄᒃ ᓈᒻᒪᒃᓯᑎᑕᐅᖕᒪᑦ ᐱᖁᔧᑦ ᐱᓂᐊᖁᔭᖏᑎᒎᖏᑦᑐᖅ ᐅᒃᐱᕐᓂᖅᑲᕐᓂᑯᓪᓕ ᔩᓱᓯ ᙭ᔅᑑᓯᒧᑦ. ᐅᕙᒍᑦᑕᐅᖅ ᔩᓱᓯ ᙭ᔅᑑᓯᒧᑦ ᐅᒃᐱᓕᕐᓯᒪᒐᑦᑕ, ᐸᓯᔭᒃᓴᐅᔪᓐᓃᕐᑎᑕᐅᓪᓗᑕ ᐅᒃᐱᕐᓂᑦᑎᒍᑦ ᙭ᔅᑑᓯᒧᑦ, ᐱᖁᔭᓂᒃ ᒪᓕᑦᓯᐊᕐᓂᕐᒨᖏᑦᑐᖅ, ᐱᖁᔧᑦ ᒪᓕᒃᑕᐅᑦᓯᐊᕐᓂᖏᑎᒍᑦ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᒻᒪᑦ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᕉᒪᒥᐅᓄᑦ 2:1

ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᓐᖏᓚᑎᑦ, ᐊᓯᖕᓂᒃ ᐃᖅᑲᕐᑐᐃᔪᑎᑦ; ᐃᖅᑲᕐᑐᐃᑦᔪᑎᒋᔭᕐᓄᑦ ᐃᓕᖕᓂᒃ ᓇᖕᒥᓂᖅ ᐸᓯᔭᒃᓴᓐᖑᕐᑎᑉᐳᑎᑦ, ᐃᖅᑲᕐᑐᐃᑦᔪᑎᒋᔭᕐᓂᒃ ᑍᒫᓪᓗᐊᖅ ᐱᓇᓱᐊᕋᕕᑦ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᔧᒥᓯᐅᑉ ᐊᒡᓚᖏᑦ 2:23

ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᕗᑦ ᐃᒤᓕᔪᑦ, “ᐂᑉᕋᕼᐋᒻ ᒎᑎ ᐅᒃᐱᕆᕚ, ᑕᒪᑐᒧᖓ ᐃᓗᐊᕐᓯᑎᑕᐅᓂᕋᕐᑕᐅᕗᖅ”; ᑍᔭᐅᓕᕐᓗᓂᓗ ᒎᑎᐅᑉ ᐃᓚᓐᓈᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:9

ᐊᑦᔨᒌᖏᑦᑑᑎᓚᐅᓐᖏᓛᑎᒍᑦ ᐅᕙᒍᓪᓗ ᔫᑎᐅᖏᑦᑐᓪᓗ, ᐊᔪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᕐᐰᑦ ᐅᒃᐱᓕᕐᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:7

ᑭᐊ ᐃᓅᖃᑎᖕᓂᑦ ᐊᔪᖏᓐᓂᕐᓴᐅᑎᑉᐹᑏᑦ? ᓱᓇᒥᒡᓕ ᐱᓯᒪᕕᑦ ᑐᓂᕐᕈᓯᐊᕆᓐᖏᑕᕐᓂᒃ? ᑐᓂᓯᕕᐅᓯᒪᒍᕕᑦ, ᓱᖕᒪᓪᓕ ᐃᓕᖕᓂᒃ ᓂᕐᑐᕐᐲᑦ? ᐱᓯᒪᔧᑦ ᑐᓂᕐᕈᓯᐊᕆᓯᒪᓐᖏᑕᕐᑐᑦ ᐱᓕᕐᓗᒎ?

ᕉᒪᒥᐅᓄᑦ 9:30

ᖃᓄᕐᓕ ᑕᕝᕙ ᐅᖃᕐᑐᒃᓴᐅᓕᕐᐱᑖ? ᔫᑎᐅᖏᑦᑐᑦ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᖏᑦᑐᑦ ᐃᓗᐊᕐᓯᑎᑕᐅᓯᒪᓕᕐᐸᑕ, ᑕᕝᕙ ᐃᓗᐊᕐᑑᓂᕋᕐᑕᐅᓂᕐᒥᑦ ᐅᒃᐱᕐᓂᑯᑦ ᐱᔪᒥᒃ.

ᓘᑲᓯᐅᑉ ᐊᒡᓚᖏᑦ 15:22

ᐊᑖᑕᖓᑕ ᐱᔨᓂ ᐅᖃᐅᑎᕔᑦ, ‘ᑐᐊᕕᕐᓗᓯ ᐊᓐᓄᕌᓂᒃ ᐱᐅᓂᕐᐹᓂᒃ ᕾᑦᓯᓕᕆᑦᓯ, ᐊᓐᓄᕌᕐᓗᒍ; ᓇᒡᒍᐊᕐᒥᒃᑕᐅᓗᓂ, ᐃᑎᒐᒍᓯᕐᑕᐅᓗᓂᓗ;

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 3:16

ᑖᑦᓱᒪ ᐱᔪᓐᓇᕐᓂᖓᓄᑦ ᐅᒃᐱᕐᓂᒃᑯᑦ ᑖᑦᓱᒪ ᐊᑎᖓᓄᑦ, ᐅᓇ ᐱᓱᒍᓐᓇᓚᐅᖏᑦᑐᖅ ᓄᑭᒃᑖᕐᑎᑕᐅᕗᖅ ᑕᑯᔭᓯ ᖃᐅᔨᒪᔭᓯᓗ; ᐅᒃᐱᕐᓂᒃᒧᑦ ᔩᓱᓯᒃᑯᑦ ᖃᓄᐃᖏᑦᓯᐊᓕᕐᐳᖅ ᐃᓘᓐᓇᓯ ᒫᓐᓇ ᑕᑯᔭᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 11:12

ᒎᑎᐅᑉ ᐊᓂᕐᓂᖓᑕ ᐅᖃᐅᑎᕚᖓ ᑖᒃᑯᓄᖓ ᐃᓚᐅᖁᓪᓗᓂᖓ ᐃᕿᐊᓱᖕᓇᖓ, ᐊᖑᑎᑦ ᐱᖓᓲᔪᕐᑐᑦ ᐅᒃᐱᕐᑐᑦ ᐃᓚᒋᓚᐅᕐᐸᒃᑲ ᓯᓴᕆᐊᒧᑦ, ᐊᖑᑎᐅᑉ ᑍᑦᓱᒪ ᐃᒡᓗᖓᓄᑦ ᐃᑎᓚᐅᕐᐳᒍᑦ.

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᕉᒪᒥᐅᓄᑦ 3:30

ᒎᑎ ᐊᑕᐅᓯᐅᖕᒪᑦ; ᑭᐱᔭᐅᓯᒪᔪᑦ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ ᐅᒃᐱᕐᓂᒃᑯᑦ ᑭᐱᔭᐅᓯᒪᖏᑦᑐᑦᑕᐅᖅ ᐅᒃᐱᕐᓂᒃᑯᑦ ᑕᒪᑐᒧᖓᑦᓮᓐᓇᖅ ᐸᓯᔭᒃᓴᐅᔪᓐᓃᕐᑎᑕᐅᒋᕗᑦ.

ᕉᒪᒥᐅᓄᑦ 4:16

ᑍᒤᒻᒪᑦ ᒎᑎᐅᑉ ᐊᖏᕈᑖ ᐅᒃᐱᕐᓂᕐᒥᒃ ᑐᓐᖓᕕᖃᕐᐳᖅ, ᓇᓗᓁᕐᓯᒪᑦᓯᐊᖁᓪᓗᒍ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑭᓯᐊᓂ ᐱᔭᐅᔪᓐᓇᕐᓂᖓᓂᒃ ᐂᑉᕋᕼᐋᒻ ᑭᖑᕚᓕᒫᖏᓐᓄᑦ, ᐱᖁᔭᓂᒃ ᒪᓕᒃᑐᓄᑦ ᑖᒃᑯᓄᖓᑑᖏᑦᑐᖅ ᐊᓯᖏᓐᓄᓪᓗᑦᑕᐅᖅ ᐂᑉᕋᕼᐋᒻᑐᑦ ᐅᒃᐱᕐᓂᖃᕐᑐᓄᑦ: ᐂᑉᕋᕼᐋᒻ ᑕᒪᑦᑕ ᐊᑖᑕᒋᒐᑦᑎᒍ,

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᒐᓔᑎᐊᒥᐅᓄᑦ 3:22

ᐊᒡᓔᑦ ᓇᓗᓁᕐᓯᕗᑦ, ᐃᓘᓐᓇᑎᒃ ᐊᔪᕐᓂᕐᒧᑦ ᐱᑎᑕᐅᓯᒪᓂᖏᓐᓂᒃ, ᑍᒤᒻᒪᑦ ᐊᖏᕈᑕᐅᓯᒪᔪᖅ ᑐᓐᖓᕕᖃᕐᑐᖅ ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ ᑐᓂᔭᐅᔪᓐᓇᖁᓪᓗᒍ ᐅᒃᐱᕐᑐᓄᑦ.

ᐃᐱᓯᒥᐅᓄᑦ 3:12

ᑖᑦᓱᒨᓇ ᐅᒃᐱᕐᓂᑯᑦ ᓯᕘᕋᖏᓪᓗᑕ ᐃᓕᕋᓱᓐᖏᓪᓗᑕᓗ ᐊᖅᑯᑎᒃᓴᖃᕐᐳᒍᑦ ᒎᑎᐅᑉ ᓇᔪᕐᑕᖓᓄᐊᕈᓐᓇᓕᕐᐳᒍᑦ ᖁᓚᕈᑎᖃᖏᓪᓗᑕ.