ᕉᒪᒥᐅᓄᑦ 2:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐃᓄᒃ ᔫᑎᓪᓚᕆᐅᕗᖅ ᐃᓗᒥᒍᑦ ᔫᑎᐅᔪᖅ, ᐃᓗᒥᒍᓪᓗ ᑭᐱᔭᐅᓯᒪᓗᓂ ᒎᑎᐅᑉ ᐊᓂᕐᓂᖓᒍᑦ, ᑎᑎᕋᕐᓯᒪᔪᑎᒍᑐᐃᓐᓇᐅᖏᑦᑐᖅ, ᑍᒤᑦᑑᑉ ᓂᕐᑐᕐᑕᐅᓂᖓ ᐃᓄᖕᓂᑦ ᐱᓐᖏᓚᖅ, ᒎᑎᒥᓪᓕ ᐱᕗᖅ.

ᕉᒪᒥᐅᓄᑦ 2:29 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᒨᓯᓯ ᑕᓪᓕᒪᖏᑦ 10:16

ᑍᒤᒻᒪᑦ, ᒫᓐᓇᒥᑦ ᐱᒋᐊᕐᓗᓯ ᐊᑕᓂᕐᒥᒃ ᓈᓚᑦᓯᐊᕐᑐᒃᓴᐅᕗᓯ ᑐᓵᓐᖏᓴᕐᑐᒃᓴᐅᓇᓯᓗ.

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:4

ᒎᑎᐅᓪᓕ ᐅᖃᕐᑕᐅᖁᔭᖏᓐᓂᒃ ᐅᖃᐅᓯᖃᖃᑦᑕᓚᐅᕐᐳᒍᑦ ᑖᑦᓱᒪ ᖃᐅᔨᓴᖅᑳᓚᐅᕐᒫᑎᒍᑦ, ᐱᑦᓯᐊᕈᓐᓇᕐᓂᑦᑎᓐᓄᓪᓗ ᑭᓯᐊᓂ ᑎᓕᓚᐅᕐᒪᑎᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᑕ, ᐃᓄᖕᓄᑦ ᖁᕕᐊᒋᔭᐅᓇᓱᐊᕐᓗᑕ ᐱᓚᐅᓐᖏᓚᒍᑦ, ᒎᑎᒧᓪᓕ ᖁᕕᐊᒋᔭᐅᓇᓱᐊᓚᐅᕐᐳᒍᑦ, ᑖᓐᓇ ᐱᓂᐊᕐᓂᑦᑎᓐᓂᒃ ᖃᐅᔨᓴᕐᒪᑦ.

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:18

ᐃᒻᒥᓂᒃ ᓈᒻᒪᒐᓱᒋᔪᖅ ᓈᒻᒪᒋᔭᐅᓕᕈᑎᒋᓗᓂᐅᒃ ᐱᖏᒻᒪᑦ, ᐊᑕᓂᐅᓪᓕ ᓈᒻᒪᖕᓂᕋᕐᑕᖓ ᑖᓐᓇ ᓈᒻᒪᒃᑐᑑᕗᖅ.

ᕉᒪᒥᐅᓄᑦ 7:6

ᒫᓐᓇᓕ ᐱᖁᔭᒥᑦ ᐲᕐᑎᑕᐅᓯᒪᓕᕋᑦᑕ, ᑐᖁᖓᓕᕐᐳᒍᑦ ᑖᑦᓱᒧᖓ ᑎᒍᒥᐊᕐᑎᒋᓚᐅᕐᑕᑦᑎᓐᓄᑦ, ᑭᒡᒐᕐᑐᖁᓇᑕ ᐱᖁᔧᑦ ᑎᑎᕋᕐᓯᒪᔪᑐᕾᑦ ᒪᓕᒡᓗᒋᑦ, ᑭᒡᒐᕐᑐᖁᓪᓗᑕᓕ ᐃᓅᓯᕐᒥᒃ ᓄᑖᒥᒃ ᐊᓂᕐᓂᒃᑯᑦ.

ᕉᒪᒥᐅᓄᑦ 2:27

ᑎᒥᒥᒍᑦ ᑭᐱᔭᐅᓯᒪᖏᑦᑐᑦ ᐱᖁᔭᓂᒃ ᒪᓕᑦᓯᐊᕈᑎᒃ ᑖᒃᑯᓇᓐᖓᑦ ᐃᒋᑕᒃᓴᓐᖑᕐᑎᑕᐅᔪᒫᕐᐳᓯ ᐱᖁᔭᓂᒃ ᓱᕅᒍᑦᓯ ᐱᖁᔧᑦ ᑎᑎᕋᕐᓯᒪᔪᑦ ᐱᓯᒪᒐᓗᐊᕐᓗᒋᒃ ᑭᐱᔭᐅᓯᒪᓗᓯᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᔪᐊᓇᓯᐅᑉ ᐊᒡᓚᖏᑦ 12:43

ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᕐᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᒥᑦ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᓘᑲᓯᐅᑉ ᐊᒡᓚᖏᑦ 11:39

ᐊᑕᓂᐅᑉ ᐅᖃᐅᑎᕚ, “ᐃᓕᑦᓯ ᐹᕆᓯᑦ ᑏᑑᑏᑦ ᓂᕐᕆᑏᓪᓗ ᓯᓚᑎᖏᑦ ᓴᓗᒻᒪᕐᓴᕋᓗᐊᕐᐸᓯ, ᐃᓗᓯᓕ ᐱᑖᕈᒫᓂᐊᓗᖕᒥᒃ ᐱᐅᖏᑦᑐᓕᓂᕐᒥᒡᓗ ᑕᑕᑉᐳᖅ.

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:23

ᓇᓪᓕᐅᑎᔪᒫᕐᐳᕐᓕ, ᒫᓐᓇᓗ ᓇᓪᓕᐅᑎᓯᒪᓕᕐᐳᖅ, ᐊᑖᑕᒧᑦ ᑐᒃᓯᐊᕐᑐᑦ ᓱᓕᑦᓯᐊᕐᑐᒥᒃ ᑐᒃᓯᐊᖃᑦᑕᓕᕐᕕᒃᓴᓐᖓᑦ, ᐊᓂᕐᓂᒃᑰᕐᓗᑎᒃ ᓱᓕᑦᓯᐊᕐᑐᒥᒃ, ᐊᑖᑕ ᑍᒪᓐᓇ ᑐᒃᓯᐊᖃᑦᑕᕈᓐᓇᕐᑐᓂᒃ ᕿᓂᕐᒪᑦ.

ᓘᑲᓯᐅᑉ ᐊᒡᓚᖏᑦ 17:21

ᐅᖃᕐᑐᖃᕐᓂᐊᓐᖏᓚᕐᓘᓐᓃᑦ, ‘ᑕᑯᒋᑦ ᒫᓃᑉᐳᖅ!’ ᐅᕝᕙᓘᓐᓃᑦ, ‘ᐃᑲᓃᑉᐳᖅ!’ ᒎᑎᐅᑉ ᐊᑕᓂᐅᕕᖓ ᐃᓗᑦᓯᓐᓃᓐᓂᐊᕐᐳᖅ.”

ᐃᓐᖏᕈᑎᑦ 45:13

ᐊᖓᔪᖅᑳᕐᔪᐊᑉ ᐸᓂᖓ ᐃᓂᖁᓇᕐᑐᐊᓘᕗᖅ, ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᓐᓄᕌᖓ ᒎᓗᒥᑦ ᓴᓇᓯᒪᕗᖅ.

ᔨᕆᒤᐊᐅᑉ ᐊᒡᓚᖏᑦ 9:25

“ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ,” ᐊᑕᓂᖅ ᐅᖃᕐᐳᖅ, “ᓱᒋᐊᕈᒫᕋᒃᑭᑦ ᑭᐱᔭᐅᓯᒪᔪᑦ ᑭᓯᐊᓂ ᑭᐱᔭᐅᓯᒪᓇᑎᒃ.

ᕉᒪᒥᐅᓄᑦ 3:1

ᔫᑎᑦ ᓱᓇᒥᒃ ᑕᕝᕙ ᐱᖃᕐᓂᕐᓴᐅᕚᑦ ᐅᕝᕙᓗ ᑭᐱᓯᒪᓂᖅ ᓱᓇᒧᑦ ᐊᑐᕐᐸ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:19

ᑭᐱᔭᐅᓯᒪᓂᖅ ᐊᑐᓐᖏᓚᖅ ᑭᐱᔭᐅᓯᒪᖏᓐᓂᕐᓗ ᐊᑐᖏᓐᓂᕗᖅ, ᒎᑎᐅᓪᓕ ᐱᖁᔭᖏᓐᓂᒃ ᓈᓚᖕᓂᖅ ᐊᑐᕐᑐᑑᕗᖅ.