ᕉᒪᒥᐅᓄᑦ 2:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᖃᕐᐸᒃᑐᑎᑦ ᓄᓕᐊᕇᖕᓂᕐᒥᒃ ᐊᓯᕈᐃᔪᒃᓴᐅᖏᓐᓂᕐᒥᒃ, ᓇᖕᒥᓂᕐᓕ ᓄᓕᐊᕇᖕᓂᖅ ᐊᓯᕈᕐᐱᐅᒃ? ᒎᑎᓐᖑᐊᓂᒃ ᐱᐅᒃᓴᖏᓐᓂᕋᕐᐸᒃᑐᑎᑦ, ᑐᒃᓯᐊᕐᕕᖕᓂᒡᓗ ᑎᒡᓕᒡᕕᖃᖃᑦᑕᕐᐲᑦ?

ᕉᒪᒥᐅᓄᑦ 2:22 ပူးပေါင်းရင်းမြစ်များ

ᒪᓚᑬᑉ ᐊᒡᓚᖏᑦ 3:8

ᐃᓄᒃ ᒎᑎᒥᑦ ᑎᒡᓕᒍᓐᓇᕐᐹ? ᑎᒡᓕᒐᕐᕕᒋᕙᑦᓯᓐᖓᓕ. ᐅᖃᕐᐳᓯᓕ, ‘ᖃᓄᖅ ᐃᓕᖕᓂᑦ ᑎᒡᓕᒃᓯᒪᕕᑖ?’ ᑕᓪᓕᒪᐅᔪᐃᕐᓂᑦᓯᒍᑦ ᑐᓂᕐᕈᓯᕐᓂᑦᓯᒍᓪᓗ.

ᒫᑎᐅᓯᐅᑉ ᐊᒡᓚᖏᑦ 12:39

ᔩᓱᓯᐅᑉ ᐅᖃᐅᑎᕔᑦ, “ᐅᓪᓗᒥᐅᔪᖅ ᐃᓄᐃᑦ ᐱᐅᖏᑦᑐᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓕᓂᕐᓂᒃ ᑕᑯᔪᒪᕗᑦ; ᑲᒪᓇᕐᑐᓕᓂᕐᒥᒃ ᑐᓂᓯᕕᐅᓂᐊᓐᖏᓚᑦ ᓇᓚᐅᑦᑍᔪᑉ ᔫᓇᐅᑉ ᑲᒪᓇᕐᑐᓕᓂᖓᑕ ᐊᓯᐊᓂᒃ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᐋᐴᓯᑕᓖᑦ ᐱᓂᐊᕐᓂᖏᑦ 19:37

ᐅᑯᐊ ᐊᖑᑏᑦ ᐅᕗᓐᖓᐅᑎᔭᓯ ᐅᖃᕐᓂᕐᓘᑎᖃᕐᓯᒪᖏᒻᒪᑕ ᒥᑕᐅᑎᖃᕐᓯᒪᓇᑎᒡᓗ ᒎᑎᑦᑎᓐᓂᒃ.

ᒫᑯᓯᐅᑉ ᐊᒡᓚᖏᑦ 11:17

ᐃᓄᐃᑦ ᐊᔪᕆᕐᑐᕐᐰᑦ ᐅᖃᐅᑎᓪᓗᒋᑦ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐃᒡᓗᖁᑎᒐ ᑍᔭᐅᔭᕆᐊᖃᕐᐳᖅ ᑐᒃᓯᐊᕆᐊᕐᑐᕐᕕᖕᒥᒃ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.’ ᐃᓕᑦᓯᓕ ᑎᒡᓕᒃᑎᓄᑦ ᐃᓂᒋᔭᐅᑎᓕᕐᐸᓯ!”

ᒫᑎᐅᓯᐅᑉ ᐊᒡᓚᖏᑦ 16:4

ᐅᓪᓗᒥ ᐃᓄᐃᑦ ᐱᐅᖏᑦᑑᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓂᓕᕐᒥᒃ ᑕᑯᔪᒪᕗᑦ, ᐆᒥᖓ ᑭᓯᐊᓂ ᑐᓂᓯᕕᐅᓂᐊᕐᐳᑦ ᔫᓇᐅᑉ ᑲᒪᓇᕐᑐᓕᓂᖓᓂᒃ.” ᑕᕝᕙ ᕿᒪᒃᐰᑦ ᐊᐅᓪᓚᕐᓗᓂ ᑕᕝᕙᓐᖓᑦ.

ᒪᓚᑬᑉ ᐊᒡᓚᖏᑦ 1:14

ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᒪᓚᑬᑉ ᐊᒡᓚᖏᑦ 1:8

ᑕᐅᑐᖏᑦᑐᓂᒃ ᐆᒪᔪᓂᒃ ᑐᓂᕐᕈᓯᕐᑎᓪᓗᓯ, ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓯᐊᑦᑐᓂᒃ ᖃᓂᒪᔪᓂᒡᓗ ᑐᓂᕐᕈᓯᕐᑎᓪᓗᓯ ᑕᒪᓐᓇ ᐱᐅᖏᑦᑑᓐᖏᓛᖅ? ᑐᓂᕐᕈᑎᒋᒍᑦᓯᒋᒃ ᐊᐅᓚᑦᓯᔨᑦᓯᓐᓄᑦ; ᐃᓕᑦᓯᓐᓃᒃ ᖁᕕᐊᓲᑎᖃᕋᔭᕐᐹᑦ? ᐃᓚᓕᐅᕋᔭᕐᐹᓰ ᓈᒻᒪᒋᓗᓯ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:11

ᐃᓚᖏᑦ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᖃᖃᑦᑕᕐᐳᑦ ᒎᑎᒧᑦ ᓇᕐᕈᓇᕐᓂᕋᕐᑕᐅᔪᒥᒃ; ᐃᓚᖏᓪᓗ ᐅᑯᐊᒥᖕᓂᒃ ᐃᒃᓕᒎᕐᓂᒃᑯᑦ ᓇᕐᕈᓇᕐᓯᑎᑦᓯᕙᒃᓗᑎᒃ ᐃᓐᓇᖓᖃᑎᖃᕐᓂᒃᑯᑦ; ᐃᓚᖏᓪᓗ ᓇᔭᖕᒥᖕᓂᒃ ᓇᕐᕈᓇᕐᓯᑎᑦᓯᕙᒃᓗᑎᒃ, ᐊᑖᑕᒥᑕ ᐸᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᐃᓐᖏᕈᑎᑦ 50:17

ᓇᓗᓇᖏᒻᒪᑦ ᐃᓕᓐᓂᐊᕐᑎᑦᓯᑦᔪᑎᒃᑲ ᐆᒥᒋᒐᑦᓯᐅᒃ ᐅᖃᐅᓯᒃᑲᓗ ᑐᓄᑦᓯᓐᓄᑦ ᐱᑎᒃᑲᑦᓯᐅᒃ.

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.