ᕉᒪᒥᐅᓄᑦ 16:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓕᑦᓯᓐᓂᒡᓕ ᓲᖑᑎᑦᓯᔪᓐᓇᕐᑐᖅ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᔭᓐᓄᑦ, ᔩᓱᓯ ᙭ᔅᑑᓯᒥᒡᓗ ᐅᖃᐅᓯᖃᕐᓂᓐᓄᑦ, ᓇᓗᓇᕐᑑᑉ ᓇᓗᓇᕈᓐᓃᕐᑎᑕᐅᓂᖓᓄᑦ ᐊᕐᕌᒍᒐᓴᖕᓂ ᐊᓂᒍᕐᑐᓂ ᐃᔨᑦᓯᒪᓚᐅᕐᑐᓂᒃ,

ᕉᒪᒥᐅᓄᑦ 16:25 ပူးပေါင်းရင်းမြစ်များ

ᐃᓐᖏᕈᑎᑦ 78:2

ᖃᓂᕋ ᐂᑦᑕᕐᓂᐊᕋᒃᑯ ᐊᑦᔨᐅᔪᒥᒃ ᐅᖃᕐᓗᖓ; ᐅᖃᐅᓯᖃᕐᓂᐊᕋᒪ ᐃᔨᕐᓯᒪᔪᓂᒃ ᑍᑦᓱᒪᓂᑐᖃᖅ ᐱᓚᐅᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᒫᑎᐅᓯᐅᑉ ᐊᒡᓚᖏᑦ 13:17

ᓱᓕᔪᒥᒃ ᐅᖃᐅᑎᕙᑦᓯ, ᓇᓚᐅᑦᑍᔪᑦ ᐊᒥᓱᑦ, ᒎᑎᐅᓪᓗ ᐃᓄᖁᑎᖏᑦ ᐊᒥᓱᑦ, ᑕᑯᔪᒪᓚᐅᕐᐳᑦ ᑕᑯᔭᑦᓯᓐᓂᒃ, ᑕᑯᓚᐅᓐᖏᓚᓪᓗ, ᑐᓴᕈᒪᒻᒪᕆᓚᐅᕐᐳᑦ ᑐᓵᔭᑦᓯᓐᓂᒃ, ᑐᓴᓚᐅᕋᑎᒡᓗ.”

ᒫᑎᐅᓯᐅᑉ ᐊᒡᓚᖏᑦ 13:35

ᑕᕝᕙ ᓇᓚᐅᑦᑍᔫᑉ ᐅᖃᐅᓯᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᐊᑦᔨᐅᔪᓂᒃ ᐊᑐᕐᓗᖓ ᐅᖃᕐᕕᒋᓂᐊᕐᐸᒃᑲ; ᐅᖃᐅᑎᓂᐊᕐᐸᒃᑲ ᐃᔨᕐᓯᒪᓚᐅᕐᑐᓂᒃ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ.”

ᒫᑎᐅᓯᐅᑉ ᐊᒡᓚᖏᑦ 20:7

ᑖᒃᑯᐊ ᑭᐅᕚᑦ, ‘ᐱᓇᓱᒋᐊᕐᑐᖁᔭᐅᓗᑕ ᑎᓕᔭᐅᓚᐅᖏᓐᓇᑦᑕ.’ ᑖᑦᓱᒪ ᐅᖃᐅᑎᕔᑦ, ‘ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖕᒥ.’

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:20

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᓇᓗᓁᕐᓯᓕᓚᐅᕐᐳᖅ ᐅᖃᕐᓗᓂ: “ᔩᓱᓯ ᒎᑎᐅᑉ ᐃᕐᓂᕆᕚ.”

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 14:4

ᖃᓄᐃᑦᑑᒐᕕᓪᓕ ᐃᖅᑲᕐᑐᐃᔪᓐᓇᕐᐲᑦ ᐊᓯᕕᑦ ᐱᔨᖓᓂᒃ? ᐱᔨ ᐊᖓᔪᖅᑳᒥᓄᑦ ᒪᑭᑕᑎᑕᐅᖕᒪᑦ ᐱᔪᓐᓁᓕᑎᑕᐅᔪᓐᓇᕐᓗᓂᓘᓐᓃᑦ. ᑖᓐᓇ ᒪᑭᑕᓂᐊᕐᐳᖅ, ᐊᑕᓂᐅᑉ ᐱᔪᓐᓇᕐᑎᒻᒪᒍ.

ᕉᒪᒥᐅᓄᑦ 16:24

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᑕᒪᑦᓯ. ᐋᒥᓐ.]

ᕉᒪᒥᐅᓄᑦ 2:16

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᕆᔭᒃᑲ ᒪᓕᒡᓗᒋᑦ, ᑕᒪᓐᓇ ᐊᑐᕈᒫᕐᐳᖅ ᒎᑎ ᐃᖅᑲᕐᑐᐃᓕᕐᐸᑦ ᐃᓄᐃᑦ ᐃᔨᕐᓯᒪᔭᖏᓐᓂᒃ ᔩᓱᓯ ᙭ᔅᑑᓯᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:7

ᒎᑎᐅᓪᓕ ᓯᓚᑐᓂᖓ ᓇᓗᓇᕐᑐᖅ ᐃᔨᕐᓯᒪᔪᖅ ᐅᖃᐅᑎᒋᕙᕋ, ᒎᑎᐅᑉ ᐋᖅᑭᒃᓯᒪᓚᐅᕐᐹ ᓂᕐᑐᕐᓇᐅᑎᒃᓴᑦᑎᓐᓄᑦ ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:1

ᐃᒫᒃ ᐃᓄᖕᓂᑦ ᖃᐅᔨᒪᔭᐅᔭᕆᐊᖃᕐᐳᒍᑦ, ᙭ᔅᑑᓯᒥᒃ ᐱᔨᑦᓯᕐᑎᑐᐃᓐᓇᐅᓂᑦᑎᓐᓂᒃ, ᑲᒪᔨᐅᑎᑕᐅᑐᐃᓐᓇᕐᓂᑦᑎᓐᓂᒃᓗ ᒎᑎᐅᑉ ᐱᖏᓐᓂᒃ ᓇᓗᓇᕐᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:3

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᑎᒋᔭᕗᑦ ᒪᑐᓯᒪᒃᐸᑕ, ᐊᓯᐅᓂᐊᕐᑐᓄᑦ ᑭᓯᐊᓂ ᒪᑐᓯᒪᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 2:2

ᔨᕉᓴᓕᒻᓕᐊᓚᐅᕐᐳᖓ ᒎᑎᐅᑉ ᑕᑯᑎᓚᐅᕐᒪᖓ ᑕᐅᕗᓐᖓᕆᐊᖃᕐᓂᓐᓂᒃ; ᑕᓯᐅᕐᑎᐅᔪᑦ ᐅᒃᐱᕐᑑᖃᑎᒌᓂ ᑲᑎᒪᖃᑎᑐᐊᕆᓪᓗᒋᑦ ᓇᓗᓁᕐᓯᕕᒋᓚᐅᕐᐸᒃᑲ ᐅᖃᐅᓰᑦ ᑐᓴᕈᒥᓇᕐᑐᑦ ᔫᑎᐅᖏᑦᑐᓄᑦ ᐊᔪᕆᕐᑐᐃᑦᔪᑎᒋᖃᑦᑕᕐᑕᒃᑲ ᐱᓇᓱᐊᕐᓂᕆᓚᐅᕐᑕᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐱᓇᓱᐊᕐᓂᕆᔭᒃᑲ ᑕᒪᐅᖓᑐᐃᓐᓈᖁᓇᒋᑦ.

ᐃᐱᓯᒥᐅᓄᑦ 1:9

ᖃᐅᔨᑎᓚᐅᕐᐹᑎᒍᑦ ᓇᓗᓇᕐᑐᒥᒃ ᐃᓱᒪᒋᔭᒥᓂᒃ ᑍᒫᒃ ᖁᕕᐊᒋᔭᒥᒍᑦ ᐱᒋᐊᕐᑎᓚᐅᕐᑕᖓ ᙭ᔅᑑᓯᒃᑯᑦ.

ᐃᐱᓯᒥᐅᓄᑦ 3:11

ᒎᑎ ᐃᓱᖃᖏᑦᑐᒥᑦ ᐱᓇᓱᐊᕈᒪᓯᒪᔭᒥᓂᒃ ᓈᒪᒃᓯᑎᑦᓯᓚᐅᕐᐳᖅ ᙭ᔅᑑᓯ ᔩᓱᓯᒃᑯᑦ ᐊᑕᓂᑦᑎᒍᑦ.

ᐃᐱᓯᒥᐅᓄᑦ 3:9

ᐃᓄᓕᒫᑦ ᑐᑭᓯᑎᓐᓇᓱᐊᕐᓗᒋᑦ ᓇᓗᓇᓚᐅᕐᑑᑉ ᖃᐅᔨᔭᐅᓕᕈᓐᓇᕐᓂᖓᓂᒃ, ᑕᒪᓐᓇ ᑍᑦᓱᒪᓂᐊᓗᖕᓂᑦ ᒎᑎᐅᑉ ᐃᔨᕐᓯᒪᓚᐅᕐᐹ, ᑕᒤᓐᓂᒃ ᐱᓐᖑᕐᑎᑦᓯᓚᐅᕐᑑᑉ.

ᐃᐱᓯᒥᐅᓄᑦ 6:19

ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ.

ᑯᓘᓯᐊᒥᐅᓄᑦ 2:2

ᑍᒤᓕᐅᕐᐳᖓ ᐆᒻᒪᑎᖏᑦ ᖃᔪᖏᕐᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᕐᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᓂᕐᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᓂᖓᓂᒃ, ᙭ᔅᑑᓯᒥᒡᓗ.

ᑯᓘᓯᐊᒥᐅᓄᑦ 4:3

ᐅᕙᒍᓪᓗ ᑐᒃᓯᐅᔭᐅᖃᑦᑕᕐᑕ, ᒎᑎ ᐱᕕᒃᓴᒥᒃ ᐅᒃᑯᐃᕐᓯᖁᓪᓗᒍ, ᐅᖃᐅᓯᖃᕈᓐᓇᖁᓪᓗᑕ ᙭ᔅᑑᓯᐅᑉ ᓇᓗᓇᕐᓂᖓᓂᒃ, ᑕᒪᓐᓇ ᐱᑦᔪᑎᒋᓪᓗᒍ ᑎᒍᔭᐅᓯᒪᕕᖕᒦᓐᓇᒪ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:14

ᑕᒪᑐᒧᖓ ᕾᖁᓚᐅᕐᒪᓯ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᓚᐅᕐᑕᑦᑎᒍᑦ, ᑖᑦᓱᒪ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᐃᓚᖏᐅᑎᖃᑕᐅᖁᓪᓗᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:3

ᐊᑕᓂᕐᓕ ᓱᖁᓯᔪᐃᑦᑑᖕᒪᑦ; ᑖᑦᓱᒪ ᓴᓐᖏᔫᑎᓐᓂᐊᕐᐹᓯ ᓴᐳᑎᓗᓯᓗ ᓵᑖᓇᓯᒥᑦ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᑎᒧᑎᒧᑦ ᐂᑉᐸᖏᑦ 2:8

ᐃᖅᑲᐅᒪᒍᒃ ᔩᓱᓯ ᙭ᔅᑑᓯ, ᑐᖁᖓᔪᓂᑦ ᒪᑭᓯᒪᔪᖅ, ᑍᕕᑎᐅᑉ ᑭᖑᕚᖓ, ᐅᖃᐅᓯᕐᓂ ᑐᓴᕈᒥᓇᕐᑐᓂ ᐅᖃᐅᑎᒋᕙᒃᑕᕋ,

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐲᑦᑐᕉᓯ ᓯᕗᓪᓖᑦ 1:20

ᑖᓐᓇ ᓂᕈᐊᕐᑕᐅᓯᒪᓚᐅᐳᖅ ᓱᓕ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ, ᐅᓪᓗᐃᓪᓕ ᑭᖑᓪᓕᖏᓐᓂ ᓴᖅᑭᑎᑕᐅᓚᐅᕐᐳᖅ ᐱᑦᔪᑎᒋᓪᓗᓯ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:7

ᐂᖏᓖᓪᓕ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᑉᐸᒍ, ᑕᕝᕙ ᒎᑎᐅᑉ ᓇᓗᓇᕐᓂᖏᑦ ᐅᖃᐅᓯᕆᓯᒪᔭᓂ ᐱᔨᒥᓄᑦ ᓇᓚᐅᑦᑍᔪᓄᑦ ᓇᓪᓕᐅᑎᑎᑦᓱᒫᕐᐰᑦ.