ᕉᒪᒥᐅᓄᑦ 16:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑎᒧᑎᐅᑉ, ᐱᓇᓱᐊᖃᑎᒪ ᑕᕝᕙᐅᕗᑏᕐᐹᓯ; ᓗᓯᐅᓯᐅᓪᓗ, ᔧᓴᐅᓪᓗ ᓱᓯᐹᑕᕆᐅᓪᓗ, ᑎᒥᒃᑯᑦ ᐃᓚᒋᔭᒪ.

ᕉᒪᒥᐅᓄᑦ 16:21 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 20:4

ᓱᐹᑎᕆ ᐰᕋᓯᐅᑉ ᐃᕐᓂᖓ ᐱᕆᐊᒥᐅᖅ ᐃᓚᒋᕚ, ᐊᕆᔅᑕᑰᓯᓗ ᓯᑲᓐᑐᓯᓗ ᑎᓴᓗᓁᑲᒥᐅᒃ, ᒊᐊᓯᓗ ᑑᕆᐱᒥᐅᖅ, ᑍᑭᑰᓯᓗ ᑐᕉᐱᒨᓯᓗ ᐂᓯᐊᒥᐅᑖᒃ, ᑎᒧᑎᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 17:5

ᔫᑎᑦ ᓵᓐᖓᔭᐅᖔᕈᒪᓂᕐᒧᑦ ᓂᓐᖓᐅᒪᓕᕐᐳᑦ, ᓄᐊᑦᓯᓪᓗᑎᒃ ᐃᓄᖕᓂᒃ ᐅᐃᕖᑦᑐᐊᓗᖕᓂᒃ ᐊᖅᑯᑎᓂᑦ ᑕᒫᓐᖓᑦ ᐃᓚᑖᕐᐳᑦ ᐃᓄᒋᐊᒃᓯᓪᓗᑎᒃ, ᐃᒡᓗᒐᓮᑦ ᐅᐃᒪᔮᕐᑎᓕᕐᐰᑦ, ᔧᓴᐅᑉ ᐃᒡᓗᖓᓄᐊᕐᐳᑦ, ᕿᓂᕆᐊᕐᓗᑎᒃ ᐸᐅᓗᓯᒥᒃ ᓮᓚᓯᒥᒡᓗ, ᐃᓄᖕᓄᑦ ᓴᖅᑭᑎᑦᓱᒪᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:1

ᐃᓚᒌᒃᑐᓂ ᐊᓐᑎᐅᑭᐊᒥ ᓇᓚᐅᑦᑍᔪᓂᒃ ᐊᔪᕆᕐᑐᐃᔨᓂᒡᓗ ᐱᑕᖃᓚᐅᕐᐳᖅ, ᐸᕐᓇᐹᓯ, ᓯᒥᐅᓂ ᑍᔭᐅᔪᖅ ᕿᕐᓂᕐᑕᒥᒃ, ᓗᓯᐅᓯᓗ ᓮᕆᓂᒥᐅᖅ, ᒪᓁᓂᓗ ᐊᖓᔪᖅᑳᕐᔪᐊᕐᒥ ᐃᕉᑕᓯᒥ ᐱᕈᕐᓴᓚᐅᕐᑐᖅ, ᓴᐅᓗᓯᓗ.

ᕉᒪᒥᐅᓄᑦ 16:11

ᑕᕝᕙᐅᕗᑏᕆᕙᕋ ᐃᕉᑎᐅᓂ ᑎᒥᒃᑯᑦ ᐃᓚᒋᔭᕋ, ᑕᕝᕙᐅᕗᑏᕐᐸᒃᑲᓗ ᓈᑭᓴᓯᐅᑉ ᐃᒡᓗᒥᐅᖃᑎᖏᑦ ᐊᑕᓂᕐᒥ ᐅᒃᐱᖃᑎᕗᑦ.

ᕉᒪᒥᐅᓄᑦ 16:7

ᑕᕝᕙᐅᕗᑏᕐᐸᕋ ᐋᓐᑐᕈᓁᑯᔅ ᔫᓂᐊᓗ, ᑖᒃᑯᐊᒃ ᑎᒥᒃᑯᑦ ᐃᓚᒋᔮᒃᑲᒃ ᑎᒍᔭᐅᓯᒪᖃᑎᒋᓚᐅᕐᑖᒃᑲᒡᓗ ᐊᑕᓂᕐᒥ; ᑖᒃᑯᐊᒃ ᐋᐴᓯᑕᓕᖕᓂᑦ ᐊᒃᓱᕈᖃᑕᐅᓂᕐᐹᖑᓯᒪᖕᒪᑎᒃ, ᙭ᔅᑑᓯᒧᓪᓗ ᓵᒋᐊᕐᓯᒪᓕᓚᐅᕐᒪᑎᒃ ᓵᒋᐊᓚᐅᕐᑎᓐᓇᖓ.

ᐄᑉᕈᐃᓄᑦ 13:23

ᖃᐅᔨᒪᖁᕙᑦᓯ ᐅᒃᐱᖃᑎᕗᑦ ᑎᒧᑎ ᑎᒍᔭᐅᓯᒪᕕᖕᒥᑦ ᐊᓂᑎᑕᐅᓯᒪᓕᕐᒪᑦ, ᐊᑯᓂᐅᖏᑦᑐᖅ ᑎᑭᑐᐊᕐᐸᑦ ᐱᖃᑎᒋᓗᒍ ᐃᓕᑦᓯᓐᓄᑦ ᑎᑭᓐᓇᓱᐊᓛᕐᐳᖓ.

ᑎᒧᑎᒧᑦ ᐂᑉᐸᖏᑦ 1:2

ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ: ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᓯᕗᓪᓖᑦ 1:2

ᑎᒧᑎᒧᑦ, ᐅᒃᐱᕐᓂᒃᑯᑦ ᐃᕐᓂᓪᓚᕆᒋᔭᓐᓄᑦ: ᒎᑎ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ, ᓂᑲᒍᓱᖕᓂᕐᒥᓂᒡᓗ, ᓮᓕᑎᑦᓯᓂᕐᒥᓂᒃᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᑦ ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒦᑦᑐᓄᑦ ᒎᑎᒧᑦ ᐊᑖᑕᑦᑎᓐᓄᑦ ᐊᑕᓂᑦᑎᓐᓄᓪᓗ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᔪᓄᑦ:

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:6

ᒫᓐᓇᓕ ᑎᒧᑎ ᐅᑎᕐᓯᒪᓕᕐᒪᑦ ᐃᓕᑦᓯᓐᓂᖔᕐᓗᓂ, ᑐᓴᕈᒥᓇᕐᑐᒥᒡᓗ ᐅᓂᒃᑲᐅᑎᖕᒪᑎᒍᑦ ᐅᒃᐱᕐᓂᖃᕐᓂᑦᓯᓐᓂᒃ ᓇᒡᓕᖕᓂᖃᕐᓂᑦᓯᓐᓂᒡᓗ ᐅᖃᐅᑎᓚᐅᕐᒪᑎᒍᑦ ᐅᕙᑦᑎᓐᓂᒎᖅ ᓱᓕ ᐃᓱᒪᕾᓐᓇᕐᐸᒃᑲᑦᓯ ᕿᓚᓈᕐᓗᓯᓗ ᑕᑯᔪᒪᓪᓗᓯ, ᑍᒫᒃᑕᐅᖅ ᐅᕙᒍᑦ ᕿᓚᓈᕐᒥᒐᑦᑕ ᐃᓕᑦᓯᓐᓂᒃ ᑕᑯᔪᒪᓪᓗᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2

ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᒥᓗ ᔩᓱᓯ ᙭ᔅᑑᓯᒥ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᓕᓇᕐᑑᓪᓗ ᐃᓚᒋᓕᓯ.

ᑯᓘᓯᐊᒥᐅᓄᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔪᒪᔭᖓᒍᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᑎᒧᑎᒥᓪᓗ ᐅᒃᐱᕐᑑᖃᑎᑎᓐᓂᑦ.

ᐱᓕᐱᒥᐅᓄᑦ 1:1

ᐸᐅᓗᓯᒥᑦ ᑎᒧᑎᒥᓪᓗ, ᔩᓱᓯ ᙭ᔅᑑᓯᐅᑉ ᐱᔨᖏᖕᓂᑦ, ᐃᑦᔪᕐᓁᑎᑕᐅᓯᒪᔪᓕᒫᓄᑦ ᐱᓕᐰᒦᑦᑐᓄᑦ ᔩᓱᓯ ᙭ᔅᑑᓯᒥ ᐃᓚᒌᖕᓂᖃᕐᑐᓄᑦ, ᐅᒃᐱᕐᑑᖃᑎᒌᓄᑦ ᓯᕗᓕᕐᑎᐅᔪᓄᑦ ᐃᑲᔪᕐᑎᓄᓪᓗ:

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᑎᒧᑎᒥᑦ. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᒎᑎᐅᓪᓗ ᐃᓄᖁᑎᖏᓐᓄᑦ ᐊᑬᐊᒦᑦᑐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:22

ᑍᒤᒻᒪᑦ ᑎᓕᓯᕗᖅ ᐃᑲᔪᕐᑎᒥᓂᒃ ᒪᕐᕉᖕᓂᒃ, ᑎᒧᑎᒥᒃ ᐃᕌᔅᑕᓯᒥᒡᓗ ᒫᓯᑑᓂᐊᒧᑦ, ᓇᖕᒥᓂᕐᓕ ᐂᓯᐊᒦᒃᑲᓐᓂᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 18:5

ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:14

ᐅᒃᐱᕐᑑᖃᑎᒌᑦ ᐸᐅᓗᓯ ᐊᐅᓪᓚᕐᑎᑉᐹᑦ ᐃᒪᐅᑉ ᖃᓂᒋᔮᓄᑦ, ᓮᓚᓯᓕ ᑎᒧᑎᓗ ᐱᕆᐊᒥᑦ ᓅᓐᖏᓚᒃ.

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.