15 ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.
ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.
ᔫᐱᐅᑉ ᐱᖃᓐᓇᕆᔭᖏᑦ ᐱᖓᓱᑦ ᐃᓕᐹᓯ ᑎᒪᓁᑎᒥᐅᑕᖅ, ᐱᐅᓪᑖᓗ ᓲᕼᐂᑎᒥᐅᑕᖅ, ᔪᐸᕆᓗ ᓁᒪᑍᑎᒥᐅᑕᖅ. ᑐᓴᕋᒥᒃ ᔫᐱᐅᑉ ᐊᖏᔪᒥᒃ ᐋᓐᓂᐊᓂᖓᓂᒃ ᑕᑯᔭᕐᑐᕐᐳᑦ ᓮᒻᒪᕐᓮᔪᒪᓪᓗᑎᒃ ᑖᑦᓱᒥᖓ.
ᕿᐊᖃᑎᖃᖃᑦᑕᓚᐅᓐᖏᓚᖔ ᐃᓄᖕᓂᒃ ᐊᑲᐅᓐᖏᓕᐅᕈᑎᖃᕐᑐᓂᒃ? ᐊᒃᓱᔪᓂᒡᓗ ᓇᒡᓕᒍᓱᒧᑦ ᕿᒃᓵᒍᑎᖃᖃᑦᑕᓚᐅᓐᖏᓚᖔ?
ᓇᓪᓕᐅᓐᓂᖃᕐᐳᖅ ᕿᐊᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓚᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᒡᒍᐊᕐᓂᕐᒥᒃ, ᓇᓪᓕᐅᓐᓂᖃᕆᕗᖅ ᑖᓂᓯᕐᓂᕐᒥᒃ;
ᐃᐱᑦ-ᒥᓕᑭᐅᑉ ᐃᑎᐅᐱᐊᒥᐅᑕᐅᑉ ᔨᕆᒤᐊ ᐅᖃᐅᑎᕚ, “ᑖᒃᑯᐊ ᖃᓪᓗᓈᕐᑍᑦ ᐊᓐᓄᕌᕕᓃᓪᓗ ᐅᓂᕐᓄᐊᕐᓗᒋᑦ ᐊᒃᓗᓈᓄᑦ ᐋᓐᓂᕇᒃᑯᑎᒋᓂᐊᕐᐸᑎᑦ.” ᔨᕆᒤᐊᓗ ᑍᒤᓕᐅᕐᐳᖅ.
ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.
ᓄᓇᖅᑲᑎᖏᑕ ᐃᓚᒋᔭᖏᑕᓗ ᑐᓴᕋᒥᑦᔪᒃ ᐊᑕᓂᐅᑉ ᓂᑲᒍᓱᖕᓂᕐᒥᓂᒃ ᐊᖏᔪᒥᒃ ᓴᖅᑭᑎᑦᓯᕕᒋᖕᒪᒍ, ᖁᕕᐊᓱᖃᑎᒋᕚᑦ.
ᔫᑎᓪᓗ ᐊᒥᓱᑦ ᐅᐸᒍᑎᓯᒪᓚᐅᕐᐳᑦ ᒫᑕᒥᒃ ᒥᐊᕆᒥᒡᓗ ᐃᑲᔪᕐᓯᕆᐊᕐᑐᕈᒪᓪᓗᑎᒃ ᐊᓂᖓᑦᑕ ᐃᓅᔪᓐᓃᕐᓂᖓ ᐱᑦᔪᑎᒋᓪᓗᒍ.
ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.
ᑎᒥᐅᑉ ᑭᓱᑯᑦᑎᖓ ᐋᓐᓂᐊᓕᕐᐸᑦ, ᑕᕝᕙ ᑎᒥᓕᒫᖅ ᐋᓐᓂᐊᖃᑕᐅᓕᕐᐳᖅ; ᑎᒥᐅᓪᓗ ᑭᓱᑯᑦᑎᖓ ᓂᕐᑐᕐᓇᕐᑎᑕᐅᒃᐸᑦ, ᑕᕝᕙ ᑎᒥᐅᑉ ᑭᓱᑯᑦᑎᓕᒫᖏᑦ ᖁᕕᐊᓱᒃᑎᑕᐅᓕᕐᐳᑦ.
ᑭᓇ ᓴᓐᖐᑦᑑᒃᐸᑦ ᓴᓐᖐᑦᑑᖃᑎᒋᓐᖏᓚᕌ? ᑭᓇᓗ ᐊᔪᕐᓂᕐᒧᑦ ᑲᑕᒃᑎᑕᐅᒃᐸᑦ, ᐃᓗᒃᑯᑦ ᐅᖁᒤᒃᓴᕈᑎᒋᓐᖏᓚᕌ?
ᑍᒫᒃ ᑕᕝᕙ ᐅᑯᓂᖓ ᑎᑎᕋᕈᑎᖃᕐᐳᖓ, ᐃᓕᑦᓯᓐᓄᑦ ᑎᑭᒃᑯᒪ ᖁᕕᐊᓱᓐᖏᑎᑕᐅᔪᒪᓇᖓ ᐅᕙᓐᓂᒃ ᖁᕕᐊᓱᒃᑎᑦᓯᒐᔭᓚᐅᕐᑐᓄᑦ, ᐃᓕᑦᓯᓐᓂᒃ ᖃᐅᔨᒪᑦᓯᐊᕋᒪ, ᖁᕕᐊᓱᒃᑯᒪ ᖁᕕᐊᓱᑦᓯᐊᕐᑐᐃᓐᓇᐅᒐᔭᕋᑦᓯᑦᑕᐅᖅ.
ᐃᓘᓐᓇᑦᓯᓐᓂᒃ ᑕᑯᔪᒪᓕᕐᓯᒪᖕᒪᑦ, ᖁᕕᐊᓱᖏᑦᔪᑎᖃᓚᐅᕐᐳᕐᓗ ᐃᓕᑦᓯᓐᓂᒃ ᑐᓴᐅᒪᓕᕐᓂᑦᓯᓐᓂᒃ ᑐᓴᕋᒥ ᖃᓂᒪᓚᐅᕐᓂᖓᓂᒃ.
ᑲᑦᓱᖕᒊᕆᐊᓪᓚᒃᐳᖓᓕ ᑎᓕᔪᒪᓪᓗᒍ ᐃᓕᑦᓯᓐᓄᑦ, ᖁᕕᐊᓱᖁᓪᓗᓯ ᑕᑯᓕᕐᒥᒍᑦᓯᐅᒃ, ᐃᓱᒪᔮᕐᓂᕋᓗ ᐃᑯᓪᓚᐅᒥᖁᓪᓗᒍ.
ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.
