ᕉᒪᒥᐅᓄᑦ 11:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᐱᕆᓕᕐᐳᖓ, ᐹᓪᓚᒃᓯᒪᕚᑦ ᒪᑭᒃᑲᓐᓂᕐᓂᐊᕈᓐᓃᕐᓗᑎᒃ? ᑍᒤᓐᖏᓚᖅ! ᐃᒫᒡᓕ ᐊᔪᕐᑐᓕᓯᒪᓂᖏᓐᓄᑦ ᐱᐅᓕᔭᐅᓂᖅ ᔫᑎᐅᖏᑦᑐᓄᑦ ᐱᑎᑕᐅᕗᖅ, ᐃᓴᕆᐊᓕᒥᐅᑦ ᑐᓱᓂᕐᒧᑦ ᓯᓇᓕᖁᓪᓗᒋᑦ.

ᕉᒪᒥᐅᓄᑦ 11:11 ပူးပေါင်းရင်းမြစ်များ

ᕉᒪᒥᐅᓄᑦ 11:31

ᑍᒃᑯᐊ ᒫᓐᓇ ᒎᑎᒥᒃ ᓈᓚᖏᓐᓂᖓᑦ ᐱᑦᔪᑎᖃᕐᐳᖅ ᓂᑲᒋᔭᐅᓚᐅᕐᓂᑦᓯᑐᑦ ᓂᑲᒋᔭᐅᓕᕈᒫᕐᒥᖕᒪᑕ.

ᕉᒪᒥᐅᓄᑦ 11:12

ᔫᑎᑦ ᐊᔪᕐᑐᓕᓂᖏᑦ ᓯᓚᕐᔪᐊᕐᒥᐅᓂᒃ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑕ, ᐊᓂᕐᓂᒃᑯᓪᓗ ᐱᔭᒃᓴᒥᖕᓂᒃ ᐊᓯᐅᔨᓂᖓᑦ ᔫᑎᐅᖏᑦᑐᓄᑦ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑦ, ᑕᕝᕙᓕ ᐊᑕᖏᕐᑐᒥᒃ ᐱᖃᑕᐅᓕᑐᐊᕈᑎᒃ ᐊᖏᓂᕐᓴᒥᒃ ᓮᒻᒪᕐᑎᑕᐅᔪᒫᕐᐳᑦ!

ᕉᒪᒥᐅᓄᑦ 10:19

ᓱᓕ ᐊᐱᕆᒃᑲᓐᓂᕐᐳᖓ, ᐃᓴᕆᐊᓕᒥᐅᑦ ᑐᑭᓯᓚᐅᓐᖏᓛᑦ? ᒨᓯᓯ ᓯᕗᓪᓕᐅᓗᓂ ᑭᐅᔪᓐᓇᕐᐳᖅ ᐅᖃᕐᒪᑦ, “ᓄᓇᖃᑎᒌᒡᔪᐊᓂᒃ ᐊᑐᕐᓗᖓ ᐃᓄᖁᑎᒃᑲ ᓯᖕᓇᑎᓐᓂᐊᕐᐸᒃᑲ; ᓯᓔᑦᑐᓄᓪᓗ ᓄᓇᖃᑎᒌᓄᑦ ᓂᓐᖓᒃᓴᕐᑕᐅᑎᑦᓱᒪᕙᑦᓯ.”

ᕉᒪᒥᐅᓄᑦ 11:14

ᔫᑎᐅᖃᑎᒃᑲ ᑐᓱᓵᕐᓗᒋᑦ ᐱᔭᐅᖏᓐᓂᕐᓕᐅᓕᖁᓪᓗᒋᑦ, ᓇᓪᓕᐊᑦ ᐱᐅᓕᔭᐅᔪᓐᓇᓯᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 18:23

ᖁᕕᐊᒋᔭᖃᕋᓱᒋᕕᖓ ᐊᔪᕐᑐᓕᔪᑦ ᑐᖁᑕᐅᖃᑦᑕᕐᓂᖏᓐᓂᒃ? ᐊᑕᓂᖅ ᒎᑎ ᐅᖃᕐᐳᖅ, ᑍᒤᓐᖏᓚᖅ, ᐊᔪᕐᑐᓕᓂᕐᒥᓂᒡᓕ ᕿᒤᖔᕐᓗᓂ ᐃᓅᖁᕙᕋ.

ᕉᒪᒥᐅᓄᑦ 11:1

ᐊᐱᕆᓕᕐᐳᖓᓕ, ᒎᑎᐅᑉ ᓇᕐᕈᒋᓕᕐᐰᑦ ᐃᓄᖁᑎᓃ? ᑍᒤᓐᖏᓚᖅ! ᐅᕙᖓᑦᑕᐅᖅ ᐃᓴᕆᐊᓕᒥᐅᖑᕗᖓ, ᐂᑉᕋᕼᐋᒻᒧᓪᓗ ᑭᖑᕚᕆᔭᐅᓪᓗᖓ, ᐱᓐᔭᒥᓂᒃᑯᑦ ᐃᓚᒌᓂᖏᓐᓂ ᑭᖑᕚᕆᔭᐅᕗᖓ.

ᐃᓯᑭᐊᓕᐅᑉ ᐊᒡᓚᖏᑦ 18:32

ᓇᓪᓕᐊᓐᓂᒡᓘᓐᓃᑦ ᑐᖁᔪᓂᒃ ᖁᕕᐊᒋᔭᖃᖏᓐᓇᒪ, ᐊᑕᓂᖅ ᒎᑎ ᐅᖃᕐᐳᖅ, ᓵᒋᐊᕐᓗᓯ, ᐃᓅᓕᕆᑦᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:42

ᐸᐅᓗᓯᒃᑯᒃ ᐸᕐᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂᑦ ᐊᓂᓕᕐᑎᓪᓗᒋᒃ, ᐃᓄᖕᓂᑦ ᓴᐸᑎᐅᓕᕐᒥᒃᐸᑦ ᐅᑎᒃᑲᓐᓂᖁᔭᐅᕘᒃ, ᑕᒪᒃᑯᓂᖓ ᐅᖃᕐᕕᐅᒃᑲᓐᓂᕈᒪᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᓘᑲᓯᐅᑉ ᐊᒡᓚᖏᑦ 20:16

ᓇᖕᒥᓂᖃᕐᑐᖅ ᐱᕈᕐᓰᕕᖕᒥᒃ ᑎᑭᒃᑯᓂ ᑖᒃᑯᐊ ᑲᒪᔩᑦ ᑐᖁᓐᓂᐊᕐᐰᑦ, ᐊᓯᖏᓐᓄᑦ ᑲᒪᒋᔭᐅᑎᓕᕐᓗᒍ.” ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐅᖃᕐᐳᑦ, “ᑍᒤᑦᑐᖃᕐᓂᐊᓐᖏᓚᖅ!”