ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14 ပူးပေါင်းရင်းမြစ်များ

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᐄᑉᕈᐃᓄᑦ 13:12

ᑕᕝᕙ ᔩᓱᓯᑦᑕᐅᖅ ᑐᖁᓚᐅᕐᐳᖅ ᐃᒡᓗᒐᓮᑦ ᓯᓚᑖᓂ ᐃᓄᐃᑦ ᐸᓯᔭᒃᓴᐅᔪᓃᕐᑎᑕᐅᖁᓪᓗᒋᑦ ᓇᖕᒥᓂᖅ ᐊᐅᖕᒥᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.

ᒫᑎᐅᓯᐅᑉ ᐊᒡᓚᖏᑦ 24:21

ᑲᑉᐱᐊᓇᕐᑐᖅ ᑕᒪᓐᓇ ᐊᑦᔨᖃᕐᕈᒫᖏᒻᒪᑦ ᐊᑐᕐᓯᒪᔭᑦᓯᓐᓂᑦ, ᓯᓚᕐᔫᑉ ᐱᒋᐊᕐᓂᖓᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑦᔨᖃᕐᓂᐊᖏᓚᖅ ᑕᒪᑐᒪ ᑭᖑᕐᖓᒍᑦ.

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:6

ᐊᕐᓇᕐᓗ ᑕᑯᕙᕋ ᐋᖓᔮᕐᑐᖅ ᐃᑦᔪᕐᓁᑦᑐᑦ ᐊᐅᖏᓐᓄᑦ ᔩᓱᓯᓗ ᐱᓪᓗᒍ ᑐᖁᑕᐅᓯᒪᔪᑦ ᐊᐅᖏᓐᓄᑦ. ᑖᓐᓇᓗ ᑕᑯᒐᒃᑯ ᐊᒃᓱᐊᓗᒃ ᑲᒪᓂᐊᕈᑎᒋᕙᕋ.

ᕉᒪᒥᐅᓄᑦ 5:3

ᑕᒪᑐᒥᖓᑐᐊᖑᖏᑦᑐᖅ, ᐊᒃᓱᕈᕐᑎᑕᐅᓂᑦᑎᓐᓂᒡᓕ ᖁᕕᐊᓲᑎᖃᕐᐳᒍᑦ, ᖃᐅᔨᒪᒐᑦᑕ ᐊᒃᓱᕈᕐᑎᑕᐅᓂᖅ ᕿᓄᐃᓵᕐᓂᕐᒥᒃ ᐱᑎᑦᓯᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:2

ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:4

ᑍᒤᒻᒪᑦ ᑕᕝᕙ ᐅᕙᒍᑦ ᓇᖕᒥᓂᖅ ᓂᕐᑑᑎᑦᔪᑎᖃᕐᐸᒃᐳᒍᑦ ᐃᓕᑦᓯᓐᓂᒃ ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᕿᓄᐃᓵᕐᓂᕐᒥᒃ ᐅᒃᐱᕐᓂᖃᑦᓯᐊᕐᓂᕐᒥᒡᓗ ᑲᔪᓯᑦᓯᐊᓚᐅᕋᑦᓯ ᐊᑭᕋᕐᑐᕐᑕᐅᒐᓗᐊᕐᑎᓪᓗᓯ ᐅᑯᒤᒃᓴᕐᑎᑕᐅᑎᓪᓗᓯᓗ.

ᒨᓯᓯ ᐂᑉᐸᖏᑦ 37:3

ᓯᑕᒪᓂᒡᓗ ᒎᓗᓂᒃ ᑎᒍᒥᐊᕐᕕᓕᐅᕐᐹ ᐊᖕᒪᓗᕐᑐᓂᒃ ᓱᓪᓗᓕᖕᓂᒃ ᑖᒃᑯᐊᓗ ᓂᐅᖏᓐᓄᑦ ᐃᓕᓗᒋᑦ, ᒪᕐᕉᒃ ᐃᒡᓗᐊᓃᓪᓗᑎᒃ, ᒪᕐᕉᒡᓗ ᐃᒡᓗᐊᓃᒃᑭᓪᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 7:16

ᑕᕝᕙᓂ ᓇᖏᕐᑐᑦ ᐃᓚᖓᑦ ᐅᐸᒃᓗᒍ, ᑕᒪᑐᒪ ᑕᑯᔭᒪ ᑐᑭᖓᓂᒃ ᐊᐱᕆᕙᕋ, ᐅᖃᐅᑎᕚᖓᓗ ᖃᐅᔨᑎᓪᓗᓂᖓ ᑕᒪᒃᑯᐊ ᑐᑭᖏᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 11:35

ᓯᓚᑐᔪᑦ ᐃᓚᖏᑦ ᑐᖁᑕᐅᔪᒫᕐᐳᑦ, ᑲᔪᓯᔪᑦ ᓴᓗᒻᒪᕐᓴᕐᑕᐅᑦᓯᐊᖁᓪᓗᒋᑦ, ᑕᕐᓴᖃᖏᑦᑐᑐᑦ ᐃᓱᐊᓄᑦ ᑎᑭᑦᓱᓐᓇᖁᓪᓗᒋᑦ, ᓂᕈᐊᕐᑕᐅᓯᒪᔪᖅ ᓇᓪᓕᐅᓐᓂᖅ ᑎᑭᑦᓱᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 12:1

“ᑍᑦᓱᒪᓂ ᒤᑯ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐃᓅᖃᑎᒌᓂᒃ ᓴᐳᑦᔨᔨ ᒪᑭᑦᓱᒫᕐᐳᖅ, ᐃᓗᖏᕐᑐᕐᓇᕐᑐᖃᕈᒫᕐᒪᑦ ᑍᒪᓐᖓᑦ ᐃᓴᕆᐊᓕᑎᑦ ᐱᒋᐊᕐᓂᖓᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐱᓚᐅᕐᓯᒪᖏᑦᑐᒥᒃ. ᑭᓯᐊᓂᓕ ᐃᓅᖃᑎᒌᑦ ᓇᓪᓕᐊᑦ ᐊᑎᖃᕐᑐᑦ ᒪᒃᐱᕐᑐᕋᕐᓂ ᓴᐳᑎᔭᐅᔪᒫᕐᐳᑦ.

ᒫᑯᓯᐅᑉ ᐊᒡᓚᖏᑦ 13:19

ᐅᓪᓗᐃᑦ ᑖᒃᑯᐊ ᑲᑉᐱᐊᓇᕐᑐᑦ ᓇᓕᖃᕈᒫᖏᒻᒪᑕ ᓯᓚᕐᔪᐊᑉ ᐱᒋᐊᕐᓂᖓᓂᑦ ᒎᑎᐅᑉ ᐱᓐᖑᕐᑎᑦᓯᓚᐅᕐᓂᖓᓂᑦ ᒫᓐᓇᒧᑦ ᑎᑭᓪᓗᒍ, ᑭᖑᓂᖓᒍᑦ ᑍᒫᒃ ᑲᑉᐱᐊᓇᕐᑎᒋᔪᒥᒃ ᐱᑕᖃᕈᒫᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.

ᔫᐱᐅᑉ ᐊᒡᓚᖏᑦ 11:16

ᑕᕝᕙ ᖁᕕᐊᓇᖏᑦᑐᒃᑰᕐᓂᕆᓯᒪᔭᑎᑦ ᐃᖅᑲᐅᒪᔪᓐᓁᕐᓂᐊᕐᐸᑎᑦ, ᐅᓕᕕᒃᔪᐊᖅ ᐊᓂᒍᕐᓯᒪᓕᕐᒪᑦ ᐃᖅᑲᐅᒪᔭᐅᔪᓐᓁᕐᓯᒪᓂᖓᑐᑦ.