ᔪᐊᓇᓯᐅᑉ ᑕᑯᑎᑕᐅᓂᖏᑦ 7:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᖃᕐᓗᑎᒃ, “ᐂᒥᓐ! ᓂᕐᑐᕐᑕᐅᓂᖅ ᐱᓐᓇᕐᓇᕐᓂᕐᓗ ᓯᓚᑐᓂᕐᓗ ᖁᔭᒋᔭᐅᓂᕐᓗ ᐅᐱᒋᔭᐅᓂᕐᓗ ᐱᔪᓐᓇᕐᓂᕐᓗ ᐊᔪᒐᖃᖏᓐᓂᕐᓗ ᒎᑎᑦᑎᓐᓄᑦ ᐱᒋᔭᐅᓕᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐂᒥᓐ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:12 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 12:46

ᑍᕕᑎ ᐊᓴᐸᓗ ᐃᓅᑎᓪᓗᒋᒃ ᑍᑦᓱᒪᓂᐊᓗᒃ ᐃᓐᖏᕐᑎᓄᑦ ᐊᖓᔪᖅᑳᕐᑕᖃᕐᐸᓚᐅᕐᒪᑦ, ᐃᓐᖏᕐᑐᖃᕐᐸᒃᓗᓂᓗ ᓂᕐᑐᐃᔪᓂᒃ ᖁᔭᓕᑦᔪᑎᒃᓴᓂᒡᓗ ᒎᑎᒧᑦ.

ᐃᓐᖏᕈᑎᑦ 100:4

ᑖᑦᓱᒪ ᐃᑎᕐᑕᕐᕕᖓᒍᑦ ᐃᑎᕆᑦᓯ ᖁᔭᓕᓗᓯ, ᑐᒃᓯᐊᕐᕕᒃᔪᐊᓪᓗ ᐱᕕᑐᓂᖓᓂ ᓂᕐᑐᕐᓯᐅᒃ! ᖁᔭᒋᓗᒍ ᐊᑎᖓ ᓂᕐᑐᕐᓯᐅᒃ!

ᐃᓐᖏᕈᑎᑦ 106:48

ᓂᕐᑐᕐᑕᐅᓕ ᐊᑕᓂᖅ ᐃᓴᕆᐊᓕᑎᒃᑯᑦ ᒎᑎᖓᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ: ᐃᓄᓕᒫᓪᓗ ᐅᖃᕐᓕᑦ, “ᐋᒦᓐ!” ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 107:22

ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.

ᐃᓐᖏᕈᑎᑦ 116:17

ᖁᔭᓕᓂᕐᒥᒃ ᑐᓂᕐᕈᓯᕕᒋᓂᐊᕐᐸᒋᑦ ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᓕᕕᒋᓂᐊᕐᐸᕋ.

ᐃᓐᖏᕈᑎᑦ 147:7

ᐊᑕᓂᖅ ᖁᔭᒋᓗᒍ ᐃᓐᖏᕐᕕᒋᓯᐅᒃ; ᒎᑎᕗᑦ ᓂᓪᓕᐊᑎᑦᓯᕕᒋᓯᐅᒃ ᑯᑭᑦᑕᐸᐅᑎᐅᔭᓄᑦ.

ᐃᓐᖏᕈᑎᑦ 41:13

ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ, ᐋᒦᓐ.

ᐃᓐᖏᕈᑎᑦ 50:14

ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ, ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.

ᐃᓐᖏᕈᑎᑦ 72:19

ᐊᑎᖓᓗ ᐱᓐᓇᕐᓇᕐᑐᖅ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ! ᓄᓇᕐᔪᐊᓕᒫᖅ ᑕᑕᓪᓕ ᑖᑦᓱᒪ ᑲᑦᔮᕐᓇᕐᓂᖓᓂᒃ! ᐋᒦᓐ ᐊᒻᒪ ᐋᒦᓐ.

ᐃᓐᖏᕈᑎᑦ 89:52

ᐊᑕᓂᖅ ᓂᕐᑐᕐᑕᐅᓕ ᐃᓱᖃᖏᑐᑦᒧᑦ! ᐋᒦᓐ, ᐊᒻᒪ ᐋᒦᓐ.

ᐃᓐᖏᕈᑎᑦ 95:2

ᖁᔭᓕᓗᑕ ᑖᑦᓱᒪ ᓇᔪᕐᑕᖓᓄᐊᓕᕐᑕ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐃᓐᖏᕐᓗᑕ ᓂᕐᑐᐃᓗᑕ ᑖᑦᓱᒥᖓ!

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᔫᓇᐅᑉ ᐊᒡᓚᖏᑦ 2:9

ᐅᕙᖓᓕ ᑐᓂᓯᕕᒋᔪᒪᕙᒋᑦ ᖁᔭᓕᓂᕐᒥᒃ ᓂᐱᖃᕐᓗᖓ, ᐊᑭᓖᔪᒪᕗᖓᓗ ᐊᖏᕈᑎᒋᓚᐅᕐᑕᓐᓂᒃ. ᐱᐅᓕᔭᐅᓂᖅ ᐊᑕᓂᕐᒥᑦ ᐱᕗᖅ!”

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:16

ᒎᑎᒧᑦ ᖁᔭᓕᒍᕕᑦ ᐊᓂᕐᓂᒃᑯᑦ, ᖃᓄᕐᓕ ᑕᕝᕗᓐᖓᕐᓯᒪᔪᑦ ᐱᖃᑕᐅᕙᖏᑦᑐᑦ “ᐋᒦᓐ” ᕈᓐᓇᕋᔭᕐᐹᑦ ᖁᔭᓕᓂᕆᔭᕐᓄᑦ ᑐᑭᓯᖏᓪᓗᑎᒃ ᖃᓄᐃᓕᐅᕐᒪᖔᕐᐱᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:15

ᑕᒪᓐᓇ ᑍᒤᑉᐳᖅ ᐱᑦᔪᑎᒋᓪᓗᓯ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓄᖕᓄᑦ ᐅᓄᕐᑐᓄᑦ ᑎᑭᐸᓪᓕᐊᖏᓐᓇᖁᓪᓗᒍ, ᖁᔭᓕᕙᓪᓕᐊᖏᓐᓇᖁᓪᓗᒋᑦ, ᒎᑎᐅᑉ ᓂᕐᑐᕐᓇᐅᑎᒃᓴᖓᓄᑦ.

ᑯᓘᓯᐊᒥᐅᓄᑦ 2:7

ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᕐᓯᐅᒃ, ᐅᒃᐱᕐᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᕐᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:4

ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”