ᔪᐊᓇᓯᐅᑉ ᑕᑯᑎᑕᐅᓂᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᑯᕗᖓᓗ, ᑕᑯᒋᑦ ᕿᒻᒥᕐᔪᐊᒥᒃ ᖃᑯᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐱᑎᒃᓯᒥᒃ ᑎᒍᒥᐊᕐᐳᖅ; ᓂᐊᖂᑎᒥᒡᓗ ᑐᓂᓯᕕᐅᕗᖅ, ᑕᕝᕙᓐᖓᓪᓗ ᐊᐅᓪᓚᕋᒥ ᓵᓚᖃᕐᐳᖅ ᓵᓚᖃᕆᐊᕐᑐᒃᑲᓐᓂᕐᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:2 ပူးပေါင်းရင်းမြစ်များ

ᐃᓐᖏᕈᑎᑦ 110:2

ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᐃᓐᖏᕈᑎᑦ 98:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ! ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 25:8

ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 1:8

ᐅᓐᓄᐊᒃᑯᑦ ᑕᑯᑎᑕᐅᓪᓗᖓ, ᑕᑯᕗᖓ ᐂᖏᓕᒥᒃ ᕿᒻᒥᕐᔪᐊᒥ ᐊᐅᐸᕐᑐᒥ ᐃᑭᒪᔪᒥᒃ, ᓄᖅᑲᖓᓪᓗᓂᓗ ᓇᐹᕐᑐᐃᑦ ᒨᕐᑐᓂᒃ ᐊᑎᖃᕐᑐᑦ ᓇᕐᓴᒦᑐᑦ ᐊᑯᓐᓂᖓᓐᓂ, ᑐᓄᐊᓃᑦᑐᖃᕆᕗᖅ ᕿᒻᒥᕐᔪᐊᓂᒃ ᐊᓯᖏᓐᓂᒃ, ᕿᒻᒥᕐᔪᐊᓂᒃ ᐊᐅᐸᕐᑐᓂᒃ, ᕿᒻᒥᕐᔪᐊᓂᒡᓗ ᖁᑦᔪᕐᓂᒃ, ᕿᒻᒥᕐᔪᐊᓂᒡᓗ ᐅᑭᓕᕆᐊᓂᒃ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:25

ᐊᐅᓚᑦᓯᔭᕆᐊᖃᕐᐳᕐᓕ ᐊᑭᕋᕐᑐᕐᑎᖏᑦ ᑕᒪᕐᒥᒃ ᐃᑎᒐᖏᑕ ᐊᑖᓄᑦ ᐱᑎᑕᐅᓚᐅᖏᓐᓂᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:14

ᑕᑯᓴᕋᒪ, ᑕᑯᒋᑦ ᓄᕗᔭᑕᖃᕐᐳᖅ ᖃᑯᕐᑕᒥᒃ, ᓄᕗᔭᒥᓗ ᐃᒃᓯᕚᕐᑐᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᐳᖅ, ᒎᓗᒥᒃ ᓂᐊᖂᓯᕐᓯᒪᕗᖅ, ᐃᐱᒃᑐᒥᒡᓗ ᐃᕕᖕᓂᒃ ᓇᑲᑎᕆᑦᔪᑎᒥᒃ ᑎᒍᒥᐊᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:2

ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:14

ᕿᓚᖕᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᒪᓕᒃᐹᑦ, ᕿᒻᒥᕐᔪᐊᖃᕐᓗᑎᒃ ᖃᑯᕐᑕᓂᒃ, ᐊᓐᓄᕌᕐᓯᒪᓪᓗᑎᒡᓗ ᓵᑦᑐᓂᒃ ᓴᓗᒪᔪᓂᒃ ᖃᑯᕐᑕᓂᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:7

ᐱᒃᓕᕐᑕᐅᔮᕐᑐᓪᓗ ᑕᐅᑦᑐᖃᕐᐳᑦ ᕿᒻᒥᕐᔪᐊᑎᑐᑦ ᐅᓇᑕᕐᓂᕐᒧᑦ ᐸᕐᓇᒃᓯᒪᔪᑎᑐᑦ; ᓂᐊᖁᕐᒥᒃᑎᒍᑦ ᓂᐊᖂᑎᖃᕐᐳᑦ ᒎᓘᔮᕐᑐᓂᒃ; ᑮᓇᖃᕐᓗᑎᒡᓗ ᐃᓄᒃᑎᑐᑦ,