ᔪᐊᓇᓯᐅᑉ ᑕᑯᑎᑕᐅᓂᖏᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:10 ပူးပေါင်းရင်းမြစ်များ

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᐃᓐᖏᕈᑎᑦ 9:12

ᑐᖁᑦᓯᔪᕕᓂᕐᓂᒃ ᐊᑭᓂᐊᕐᐸᒃᑑᑉ, ᑖᒃᑯᐊ ᐃᓱᒪᒋᕙᒃᐰᑦ; ᐅᖁᒤᒃᓴᕐᑎᑕᐅᓂᕐᒧᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓂᖏᑦ ᐳᐃᒍᓐᖏᓔᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.

ᓘᑲᓯᐅᑉ ᐊᒡᓚᖏᑦ 21:22

ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 1:12

ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ? ᓂᑲᒍᓱᖕᓂᐊᓐᖏᓚᑎ ᔨᕉᓴᓕᒻᒥᒃ, ᔫᑕᒥᓗ ᓄᓇᖃᕐᑐᓂᒃ, ᑖᒃᑯᐊ ᐊᕐᕌᒍᓂᒃ 70ᓂᒃ ᓂᓐᖓᒡᕕᒋᓯᒪᒐᕕᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:24

ᐹᐱᓘᓂ ᓱᒋᐊᕐᑕᐅᓚᐅᕐᐳᖅ ᓇᓚᐅᑦᑍᔪᑦ ᐃᑦᔪᕐᓁᑎᑕᐅᓯᒪᔪᓪᓗ ᐊᐅᖏᑦ ᑕᑯᔭᐅᓚᐅᕐᒪᑕ ᑕᕝᕙᓂ, ᑐᖁᕋᕐᑕᐅᓯᒪᔪᑦ ᓄᓇᕐᔪᐊᕐᒥ.

ᐃᓐᖏᕈᑎᑦ 79:10

ᓱᖕᒪᑦ ᐃᓅᖃᑎᒌᑦ ᐅᖃᕐᑐᒃᓴᐅᕚᑦ, “ᒎᑎᖓᓪᓕ ᓇᐅᒃ?” ᐃᓅᖃᑎᒌᒡᔪᐊᓂᑦ ᖃᐅᔨᓚᐅᕐᓕ ᐱᔨᕕᑦ ᐊᐅᖏᑕ ᑯᕕᔭᐅᓯᒪᓂᖏᓐᓄᑦ ᐊᑭᓂᐊᕐᑕᐅᓕᕐᓂᖏᓐᓂᒃ ᐅᕙᒍᑦ ᑕᑯᓐᓇᓪᓚᕆᒃᑎᓪᓗᑕ!

ᓴᒧᐃᓕ ᓯᕗᓪᓖᑦ 24:12

ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.

ᒨᓯᓯ ᓯᕗᓪᓖᑦ 4:10

ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 12:6

ᐂᑉᐸᖓ ᐅᖃᕐᐳᖅ ᐊᖑᒻᒧᑦ ᖃᓪᓗᓈᕐᑕᓂᒃ ᐊᓐᓄᕌᓕᖕᒧᑦ, ᑖᓐᓇ ᑰᑉ ᐃᒪᖓᑕ ᖁᓛᓃᑦᑐᖅ, “ᖃᓄᖅ ᐊᑯᓂᐅᑎᒋᓂᐊᕐᐹ ᑕᒪᒃᑯᐊ ᑲᒪᓇᕐᑐᑦ ᓇᓪᓕᐅᑎᖅᑳᕐᑎᓇᒌᑦ?”

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐃᓐᖏᕈᑎᑦ 35:17

ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᑕᑯᓐᓇᑐᐃᓐᓇᕐᓂᐊᕐᐲᑦ? ᓴᐳᑎᓚᐅᓐᖓ ᐊᓯᕈᐃᓇᓱᐊᕐᓂᖏᓐᓂᑦ, ᐃᓅᓯᕋᓗ ᐱᐅᓕᓗᒍ ᓔᔭᓂᑦ.

ᐃᓐᖏᕈᑎᑦ 13:1

ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᐳᐃᒍᕐᓯᒪᓂᐊᕐᐱᖔ? ᖃᓄᕐᓗ ᐊᑯᓂᐅᑎᒋᔪᒥᒃ ᑮᓁᑦ ᐃᔨᕐᓯᒪᓂᐊᕐᐱᐅᒃ ᐅᕙᓐᓂᑦ?

ᐃᓗᐊᕐᓮᔩᑦ ᐊᒡᓚᖏᑦ 16:28

ᓵᒻᓲᓂ ᓂᓪᓕᐊᕗᖅ ᐊᑕᓂᕐᒧᑦ ᐅᖃᕐᓗᓂ, “ᐆ ᐊᑕᓃᖅ ᒎᑏ, ᐃᖅᑲᐅᒪᓚᐅᓐᖓ, ᑐᒃᓯᐊᕐᐳᖓ! ᓴᓐᖏᓂᕐᑖᕐᑎᓚᐅᓐᖓ, ᑐᒃᓯᐊᕐᕕᒋᕙᒋᑦ, ᓱᓕ ᐊᑕᐅᓯᐊᒃᑲᓐᓂᕐᓗᑎᑦ, ᐆ ᒎᑏ, ᐱᒋᐊᕐᓗᖓ ᐊᑕᐅᓯᐊᕐᓗᖓ ᐊᑭᔪᓐᓇᖁᓪᓗᖓ ᐱᓕᔅᑍᓂᒥᐅᓂᒃ ᐃᔩᒃᑲᒃ ᐱᓪᓗᒋᒃ!”

ᑖᓂᐊᓕᐅᑉ ᐊᒡᓚᖏᑦ 8:13

ᑐᓴᕐᐳᖓᓗ ᐃᑦᔪᕐᓁᑦᑐᒥᒃ ᐃᑦᔪᕐᓁᑦᑑᖃᑎᒥᓄᑦ ᐅᖃᕐᑐᒥᒃ, “ᖃᓄᖅ ᐊᑯᓂᐅᑎᒋᔪᖅ ᑕᑯᑎᑕᐅᑦᔪᑎ ᓇᓪᓕᐅᑎᓇᓱᐊᕐᓂᐊᕐᐹ? ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖅ, ᐅᓇᑕᕐᓂᕐᓗ ᓱᓇᖃᕈᓐᓁᕐᑎᑦᓯᔪᖅ, ᐃᑦᔪᕐᓁᑦᑐᕕᐅᓪᓗ ᑐᓂᔭᐅᓯᒪᓂᖓ, ᐃᑦᔪᕐᓁᑦᑐᓪᓗ ᑐᓪᓕᕋᕐᑕᐅᓂᖏᑦ?”

ᐃᓐᖏᕈᑎᑦ 119:84

ᖃᓄᖅ ᐊᑯᓂᐅᑎᒋᔪᖅ ᓱᓕ ᐱᔩᑦ ᐅᑕᖅᑭᔭᕆᐊᖃᕐᐹ? ᖃᖓᓖᒃᑯᐊ ᐆᒥᒋᔨᒃᑲ ᓱᒋᐊᓛᕐᑕᑎᑦ?

ᓘᑲᓯᐅᑉ ᐊᒡᓚᖏᑦ 2:29

“ᐊᑕᓃᖅ ᒫᓐᓇ ᐱᔩᑦ ᓮᒪᓂᕐᒥ ᐊᖏᕐᕋᕐᑎᓕᕈᒃ, ᐅᖃᐅᓯᕆᓚᐅᕐᑍᑦ ᒪᓕᒡᓗᒍ;

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:64

ᐊᑕᓃᖅ ᓱᒋᐊᓚᐅᒃᑭᑦ ᐱᓂᐊᕐᓂᖏᑦ ᒪᓕᒡᓗᒋᑦ.