ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9 ပူးပေါင်းရင်းမြစ်များ

ᐃᓐᖏᕈᑎᑦ 144:9

ᐃᓕᖕᓄᑦ ᒎᑏ, ᐃᓐᖏᕈᓯᕐᒥᒃ ᓄᑖᒥᒃ ᐃᓐᖏᕐᓂᐊᕐᐳᖓ; ᑯᑭᑦᑕᐸᐅᑎᐅᔭᓂᒃ ᖁᓕᓂᒃ ᓄᖃᕐᑎᓕᖕᓂᒃ ᐊᑐᕐᓗᖓ ᐃᓐᖏᕐᕕᒋᓂᐊᕐᐸᒋᑦ ᓂᕐᑐᕐᓗᑎᑦ.

ᐃᓐᖏᕈᑎᑦ 149:1

ᐊᑕᓂᖅ ᓂᕐᑐᕐᑕᐅᓕ! ᐊᑕᓂᖅ ᐃᓐᖏᕐᕕᒋᓯᐅᒃ ᐃᓐᖏᕈᓯᕐᒧᑦ ᓄᑖᒧᑦ, ᓂᕐᑐᕐᑕᐅᑎᓪᓗᒍ ᐃᑦᔪᕐᓁᑦᑐᖁᑎᖏᑕ ᑲᑎᒪᕕᖏᓐᓂ!

ᐃᓐᖏᕈᑎᑦ 33:3

ᐃᓐᖏᐅᑎᒥᒃ ᐊᑕᓂᖅ ᓄᑖᒥᒃ ᐃᓐᖏᕐᕕᒋᓯᐅᒃ; ᐊᔪᖏᑦᓯᐊᕐᓗᓯ ᓂᑦᔭᐅᓯᔭᕆᑦᓯ ᕾᒐᓛᕐᓗᓯ ᖁᕕᐊᓱᖕᓂᕐᒧᑦ.

ᐃᓐᖏᕈᑎᑦ 40:3

ᐃᓐᖏᐅᑎᒥᒡᓗ ᓄᑖᒥᒃ ᖃᓂᓐᓄᑦ ᐃᓕᓯᕗᖅ, ᒎᑎᕗᑦ ᓂᕐᑐᕐᓗᒍ. ᐅᓄᕐᑐᑦ ᖃᐅᔨᓂᐊᕐᐹᑦ ᓯᕘᕋᓗᑎᒡᓗ, ᐊᑕᓂᕐᒥᒡᓗ ᑕᑎᖃᓕᕐᓗᑎᒃ.

ᐃᓐᖏᕈᑎᑦ 96:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᓄᓇᕐᔪᐊᕐᒥᐅᓕᒫᑦ ᐊᑕᓂᖅ ᐃᓐᖏᕐᕕᒋᓯᐅᒃ!

ᐃᓐᖏᕈᑎᑦ 98:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ! ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᑖᓂᐊᓕᐅᑉ ᐊᒡᓚᖏᑦ 3:4

ᑐᓴᕐᑎᑦᓯᔨᓗ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, “ᐃᒫᒃ ᐱᖁᔭᐅᕗᓯ, ᐃᓕᑦᓯ ᐃᓅᔪᓯ, ᓇᑭᑐᐃᓐᓇᕐᓗ ᐱᓯᒪᔪᓯ, ᐅᖃᐅᓯᖃᑎᒌᖏᑦᑐᓯᓗ:

ᑖᓂᐊᓕᐅᑉ ᐊᒡᓚᖏᑦ 4:1

“ᐊᖓᔪᖅᑳᕐᔪᐊᒥᑦ ᓂᐱᑯᓁᓴᒥᑦ, ᐃᓄᓕᒫᓄᑦ, ᐃᓅᖃᑎᒌᓄᓪᓗ ᓇᑭᑐᐃᓐᓇᖅ ᐱᓯᒪᔪᓄᑦ, ᐅᖃᐅᓯᖃᑎᒌᖏᑦᑐᓄᓪᓗ, ᓄᓇᕐᔪᐊᒥ ᐃᓅᔪᓕᒫᓄᑦ; ᓮᒪᓂᖃᕆᑦᓯ ᐊᖏᔪᒥᒃ!

ᑖᓂᐊᓕᐅᑉ ᐊᒡᓚᖏᑦ 5:19

ᐊᖓᔪᖅᑳᕐᔪᐊᖑᓂᖓᑕ ᐅᐱᒋᔭᐅᓂᖓᓂᒃ ᑐᓂᓯᕕᒋᓚᐅᕐᒪᒍ, ᐃᓄᐃᑦ ᓇᓂᑐᐃᓐᓇᖅ ᐃᓅᖃᑎᒋᒃᔪᐃᓪᓗ ᓇᓂᑐᐃᓐᓇᖅ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑲᑉᐱᐊᒋᓚᐅᕐᐹᑦ ᓯᕘᕋᒋᓪᓗᒍᓗ. ᑐᖁᑕᐅᖁᔭᓂᓗ ᑐᖁᑕᐅᑎᓚᐅᕐᐰᑦ; ᐆᒪᖁᔭᓂᓗ ᐆᒪᑎᓚᐅᕐᐰᑦ; ᐊᖓᔪᖅᑳᖑᖁᔭᓂᓗ ᐊᖓᔪᖅᑳᓐᖑᕐᑎᓚᐅᕐᐰᑦ; ᒥᑭᒡᓕᑎᖁᔭᖏᓪᓗ ᒥᑭᒡᓕᑎᓚᐅᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 6:25

ᐊᖓᔪᖅᑳᕐᔪᐊᕐᓗ ᑍᕉᓯ ᐃᓄᖁᑎᓕᒫᒥᓄᑦ, ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᐃᓄᖕᓄᓪᓗ ᖃᓄᑐᐃᓐᓇᖅ ᐅᖃᐅᓯᖃᕐᑐᓄᑦ ᐊᖓᔪᖅᑲᐅᕕᖕᒥᓃᑦᑐᓄᑦ ᐅᖃᕐᐳᖅ: “ᐊᖏᔪᒥᒃ ᓮᒪᓂᖃᕆᑦᓯ!

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:23

ᐊᑭᑐᔪᒥᒃ ᓂᐅᕕᐊᖑᓯᒪᒐᑦᓯ; ᑍᒤᒻᒪᑦ ᐃᓄᖕᓄᑦ ᓇᖕᒥᓂᕐᑖᖑᓗᓯ ᐱᒋᔭᐅᓕᕐᓂᐊᕋᓯ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᑯᓘᓯᐊᒥᐅᓄᑦ 1:14

ᑖᑦᓱᒨᓇ ᐱᐅᓕᔭᐅᒐᑦᑕ, ᑕᕝᕙ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᓂᕐᒥᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 11:14

ᑖᒃᑯᐊ ᑍᒤᑦᑐᒥᒃ ᐅᖃᕐᑐᑦ ᓇᓗᓁᕐᓯᑦᓯᐊᕐᐳᑦ ᓇᖕᒥᓂᖅ ᓄᓇᒋᓪᓚᕆᖕᓂᐊᕐᑕᒥᓂᒃ ᕿᓂᓚᐅᕐᒪᑕ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 2:2

ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:11

ᐅᖃᐅᑦᔭᐅᓕᕐᐳᖓᓗ, “ᐅᖃᐅᓯᐅᖁᔭᐅᔪᓂᒃ ᐅᖃᐅᓯᖃᕐᑐᒃᓴᐅᕗᑎᑦ ᐃᓅᒐᓴᒡᔪᐊᓄᑦ ᐃᓅᓯᖃᑎᒌᖏᑦᑐᓄᑦ ᐅᖃᐅᓯᖃᑎᒌᖏᑦᑐᓄᓪᓗ, ᐊᖓᔪᖅᑳᕐᔪᐊᓄᓪᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:9

ᐃᓄᒋᐊᒃᑐᕐᔪᐊᓪᓗ ᓇᑭᑐᐃᓐᓇᖅ ᓄᓇᓂ ᑭᖑᕚᕇᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ ᐃᓕᖅᑯᓯᖃᖃᑎᒌᖏᑦᑐᓂᓪᓗ ᐱᓯᒪᔪᑦ ᑐᖁᑕᐅᓯᒪᔫᒃ ᑎᒥᕕᓂᖏᖕᓂᒃ ᑕᑯᔭᕐᑐᖃᑦᑕᕈᒫᕐᐳᑦ ᐅᓪᓗᑦ ᐱᖓᓱᑦ ᓇᑉᐸᕐᓗ ᓈᓗᒋᑦ, ᐃᓗᕕᕐᑕᐅᖁᔭᐅᓂᐊᓐᖏᓚᒡᓗ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:7

ᐃᑦᔪᕐᓁᑦᑐᓂᒡᓗ ᐅᓇᑕᕈᓐᓇᕐᑎᑕᐅᕗᖅ ᓵᓚᖃᕈᓐᓇᕐᑎᑕᐅᓪᓗᓂᓗ. ᐱᔪᓐᓇᕐᓂᖃᕐᑎᑕᐅᕗᕐᓗ ᑭᖑᕚᕇᓕᒫᓄᑦ ᐃᓄᓕᒫᓄᓪᓗ ᐅᖃᐅᓯᖃᖃᑎᒌᖏᑦᑐᓄᓪᓗ ᐃᓅᖃᑎᒌᒡᔪᐊᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:15

ᐂᖏᓕᐅᓪᓗ ᐅᖃᐅᑎᕚᖓ, “ᐃᒪᕐᔪᐊᑦ ᑕᑯᓯᒪᔭᑎᑦ, ᐊᕐᓇᐅᑉ ᐊᖑᓐᓂᐊᕐᑎᐅᑉ ᐃᒃᓯᕚᕐᕕᒋᔭᖏᑦ, ᐃᓅᕗᑦ ᐃᓄᒐᓴᒡᔪᐊᖑᓪᓗᑎᒡᓗ ᐃᓅᖃᑎᒌᒡᔪᐊᖑᕗᑦ ᐅᖃᐅᓯᖃᖃᑎᒌᖏᑦᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:11

“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:12

ᓂᐱᖅᑯᕐᑐᔪᐊᓘᓪᓗᑎᒃ ᐅᖃᕐᐳᑦ: “ᓄᕐᕋᐅᔭᖅ ᑐᖁᑕᐅᓚᐅᕐᑐᖅ, ᐱᔪᓐᓇᕐᓂᕐᑖᕈᓐᓇᕐᑐᑐᕗᖅ ᐊᔪᕐᓴᖏᓐᓂᕐᒥᒃ ᓯᓚᑐᓂᕐᒥᒃ ᐊᔪᒐᖃᖏᓐᓂᕐᒥᒃ, ᐅᐱᒋᔭᐅᓂᕐᒥᒃ ᐱᓐᓇᕐᓇᕐᓂᕐᒥᒃ, ᓂᕐᑐᕐᑕᐅᓂᕐᒥᒡᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;