ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8 ပူးပေါင်းရင်းမြစ်များ

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 150:3

ᓂᕐᑐᕐᓯᐅᒃ ᑎᑦᑐᓚᐅᑎᑦ ᓂᐱᖏᓐᓄᑦ; ᓂᕐᑐᕐᓯᐅᒃ ᑯᑭᑦᑕᐸᐅᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ ᑯᑭᑦᑕᐸᐅᑎᓄᓪᓗ ᕼᐊᕐᐱᓄᑦ!

ᐃᓐᖏᕈᑎᑦ 33:2

ᐊᑕᓂᖅ ᓂᕐᑐᕐᓯᐅᒃ ᓂᓪᓕᐊᑦᔪᑎᓄᑦ ᕼᐊᕐᐱᓄᑦ; ᑐᓴᕐᓂᕋᕕᒋᓯᐅᒃ ᓂᓪᓕᐊᑎᑦᓯᑦᔪᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ.

ᐃᓐᖏᕈᑎᑦ 43:4

ᑕᕝᕙ ᐂᓂᐊᕐᐳᖓ ᒎᑎᐅᑉ ᑐᓂᕐᕈᓯᕐᕕᖁᑎᖓᓄᑦ, ᒎᑎᓐᓄᑦ ᖁᕕᐊᒋᕐᔪᐊᕐᑕᓐᓄᑦ; ᕼᐋᕐᐱᒧᓪᓗ ᓂᕐᑐᕈᒪᕙᒋᑦ, ᒎᑏ, ᒎᑎᒐ.

ᐃᓐᖏᕈᑎᑦ 81:2

ᐃᓐᖏᕐᓂᖅ ᐱᒋᐊᕐᓕ, ᓯᕙᓂᕋᐅᑏᑦ ᐱᒋᐊᕐᑎᓪᓗᒋᑦ, ᑯᑭᑦᑕᐸᐅᑎᐅᔧᑦ ᕼᐋᕐᐱᑦ ᑐᓴᕐᓂᕐᑐᑦ, ᑯᑭᑦᑕᐸᐅᑏᓪᓗ ᒥᑭᔪᑦ.

ᒨᓯᓯ ᓯᑕᒪᖏᑦ 7:62

ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ;

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᐄᑉᕈᐃᓄᑦ 1:6

ᐊᒻᒪᓗ, ᐃᕐᓂᕐᑖᕆᐅᕈᑎᓂ ᑎᓕᓕᕋᒥᐅᒃ ᓯᓚᕐᔪᐊᕐᒧᑦ, ᐅᖃᓚᐅᕐᐳᖅ, “ᒎᑎᐅᑉ ᐂᖏᓕᖁᑎᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:2

ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:7

ᐆᒪᔪᓪᓗ ᓯᑕᒪᑦ ᐃᓚᖓᑦᑕ ᐂᖏᓖᑦ 7 ᑐᓂᓯᕕᒋᕔᑦ 7ᓂᒃ ᖃᓪᓗᑎᓂᒃ ᒎᓗᓂᒃ ᒎᑎᐅᑉ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᓂᓐᖓᐅᓯᖓᓂᒃ ᑕᑕᑦᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:4

ᐊᖓᔪᖅᑳᓪᓗ 24 ᐆᒪᔪᐃᓪᓗ ᓯᑕᒪᑦ ᐹᒻᒪᒡᓗᑎᒃ ᒎᑎ ᐅᐱᒋᕚᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ, ᐅᖃᕐᓗᑎᒃ, “ᐋᒥᓐ ᐋᓕᓘᔭ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:10

ᑍᒤᓕᐅᓕᕌᖓᑕ, ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᕐᒦᑦᑑᑉ ᓵᖓᓄᑦ ᓰᖅᑯᕐᓗᑎᒃ ᐅᑯᖃᑦᑕᕐᐳᑦ, ᓂᕐᑐᕐᓗᒍᓗ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᓂᐊᖂᑎᑎᒡᓗ ᐊᖓᔪᖅᑳᕐᓯᐅᑏᑦ ᐃᒃᓯᕙᐅᑕᕐᔪᐊᑉ ᓵᖓᓄᑦ ᐃᓕᓪᓗᒋᑦ, ᐅᖃᕐᐸᒃᐳᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:6

ᐃᒃᓯᕙᐅᑕᕐᔪᐊᓪᓗ ᓯᕗᕌ ᐃᒪᕐᔪᐊᑎᑐᑦ ᐊᓕᒍᕐᑎᑐᑦ ᑍᒤᒻᐳᖅ, ᕿᓪᓕᕐᓗᓂ ᑕᑯᒃᓴᐅᓇᑦᓯᐊᕐᐳᖅ. ᐃᒃᓯᕙᐅᑕᕐᔪᐊᓪᓗ ᓴᓂᕌᓃᑦᑐᖃᕐᐳᖅ ᐊᕙᑎᖏᖕᓂ, ᐆᒪᔪᕐᔪᐊᓂᒃ ᓯᑕᒪᓂᒃ, ᓵᒥᒃᑎᒍᑦ ᑐᓄᒥᒃᑎᒍᓪᓗ ᑕᒤᑎᒍᑦ ᐃᔨᓕᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:8

ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:11

ᑕᑯᓴᕐᒥᒐᒪ, ᑐᓵᓕᕐᐳᖓ ᐃᒃᓯᕙᐅᑕᕐᔪᐊᑉ ᐊᕙᑖᓂᑦ ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ ᐂᖏᓖᓪᓗ ᐅᓄᕐᑐᕐᔪᐊᑦ ᓂᐱᖏᓐᓂᒃ, ᒥᓕᐊᓐ ᒥᓕᐊᖏᕐᑐᕐᓗᒋᑦ ᓈᓴᒐᒃᓴᐅᖏᑦᑐᕐᔪᐊᓂᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:12

ᓂᐱᖅᑯᕐᑐᔪᐊᓘᓪᓗᑎᒃ ᐅᖃᕐᐳᑦ: “ᓄᕐᕋᐅᔭᖅ ᑐᖁᑕᐅᓚᐅᕐᑐᖅ, ᐱᔪᓐᓇᕐᓂᕐᑖᕈᓐᓇᕐᑐᑐᕗᖅ ᐊᔪᕐᓴᖏᓐᓂᕐᒥᒃ ᓯᓚᑐᓂᕐᒥᒃ ᐊᔪᒐᖃᖏᓐᓂᕐᒥᒃ, ᐅᐱᒋᔭᐅᓂᕐᒥᒃ ᐱᓐᓇᕐᓇᕐᓂᕐᒥᒃ, ᓂᕐᑐᕐᑕᐅᓂᕐᒥᒡᓗ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:14

ᐆᒪᔪᓪᓗ ᓯᑕᒪᑦ ᐅᖃᕐᐳᑦ, “ᐋᒦᓐ!” ᐊᖓᔪᖅᑳᓪᓗ ᐅᑯᓪᓗᑎᒃ ᐹᒻᒪᒃᐳᑦ ᑐᒃᓯᐊᕐᕕᒋᓪᓗᒍᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:1

ᑕᑯᕗᖓ ᓇᕿᑦᔪᑎᐅᑉ 7ᖓᑦᑕ ᐃᓚᖓᓐᓂᒃ ᓄᕐᕋᐅᔭᖅ ᒪᒃᐱᕐᓯᑎᓪᓗᒍ, ᐆᒪᔪᐃᓪᓗ ᓯᑕᒪᑦ ᐃᓚᖓᑦ ᑐᓴᕐᐸᕋ ᑲᓪᓕᐅᑉ ᐃᒃᑐᓚᐅᕐᓂᖓᑐᑦ ᓂᐱᖃᕐᓗᓂ ᐅᖃᕐᑐᖅ, “ᕾᒋᑦ!”