ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 8:17

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᒨᓯᓯ ᐂᑉᐸᖏᑦ 11:8

ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.

ᐂᓮᐊᓯᐅᑉ ᐊᒡᓚᖏᑦ 43:4

ᐃᓪᓕᕐᓇᕐᑐᐊᓘᒐᕕᑦ ᑕᑯᓪᓗᑎᑦ, ᐅᐱᓐᓇᕐᓗᑎᑦ, ᓇᒡᓕᒋᓪᓗᑎᓪᓗ; ᑍᒤᒻᒪᑦ ᐃᓄᐃᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᐃᓄᐃᓪᓗ ᑕᐅᕐᓯᐅᑎᓗᒋᑦ ᐃᓅᓯᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᓴᒧᐃᓕ ᓯᕗᓪᓖᑦ 2:36

ᓇᓪᓕᐊᑦ ᐃᒡᓗᖕᓂ ᐊᒥᐊᒃᑰᔪᖅ ᑖᑦᓱᒪ ᓵᖓᓄᑦ ᐹᒻᒪᒃᑎᕈᒫᕐᐳᖅ ᓯᐅᓪᕕᕆᒧᑦ ᐅᕝᕙᓗ ᓂᐊᖂᔭᒧᑦ ᐊᑕᐅᓯᕐᒧᑦ, ᐅᖃᕐᓗᓂᓗ, “ᕿᓄᕗᖓ ᑐᓂᕐᕈᓯᕐᑎᑦᓯᔨᓄᑦ ᐃᓚᓕᐅᑎᓚᐅᓐᖓ, ᓂᐊᖂᔭᒥᒃ ᑐᓂᕐᕈᑕᐅᓯᒪᔪᓂᒃ ᓂᕆᔪᓐᓇᖁᓪᓗᖓ.”’”