ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5 ပူးပေါင်းရင်းမြစ်များ

ᐃᓐᖏᕈᑎᑦ 109:13

ᑖᑦᓱᒪ ᑭᖑᕚᖏᑦ ᓄᖑᑕᐅᓕᑦ; ᐊᑎᖓᓗ ᑭᖑᕚᕇᓂᑦ ᐲᕐᑕᐅᓕ.

ᐃᓐᖏᕈᑎᑦ 69:28

ᐃᓅᔪᑦ ᐊᒡᓚᖁᑎᖏᓐᓂᑦ ᐲᔭᓚᐅᒃᑭᑦ, ᐃᓱᐊᕐᑐᓪᓗ ᑎᑎᕋᕐᓯᒪᕕᖏᓐᓂ ᐃᓚᐅᖏᓪᓗᑎᒃ.

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᒫᑎᐅᓯᐅᑉ ᐊᒡᓚᖏᑦ 10:32

“ᑭᓇᑐᐃᓐᓇᖅ ᐃᓄᖕᓄᑦ ᐅᖃᐅᓯᖃᕐᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᑍᒫᑦᓮᓐᓇᖅ ᐅᖃᐅᓯᕆᓛᕐᐸᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 10:20

ᐊᓂᕐᓂᕐᓗᐃᑦ ᓈᓚᖕᒪᓯ ᑕᒪᓐᓇ ᖁᕕᐊᓲᑎᒋᓇᓯᐅᒃ, ᖁᕕᐊᓱᒋᑦᓯᓕ ᐊᑎᕐᓯ ᑎᑎᕋᕐᓯᒪᖕᒪᑕ ᕿᓚᖕᒥ.”

ᓘᑲᓯᐅᑉ ᐊᒡᓚᖏᑦ 12:8

“ᐅᖃᐅᑎᕙᑦᓯ, ᓇᓪᓕᐊᑦ ᐃᓄᖕᓄᑦ ᐅᕙᓐᓂᒃ ᐅᖃᐅᓯᓕᒃ ᑍᒫᓪᓗᐊᖅ ᐃᓅᑉ ᐃᕐᓂᖓᑕ ᐅᖃᐅᓯᕆᔪᒫᕆᕚ ᒎᑎᐅᑉ ᐂᖏᓕᖏᓐᓄᑦ;

ᒨᓯᓯ ᑕᓪᓕᒪᖏᑦ 9:14

ᓄᖅᑲᕐᑎᓐᓇᓱᐊᕐᓂᐊᕐᓇᖓ, ᓄᖑᑦᓱᒪᓕᕋᒃᑭᑦ ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓃᖁᓪᓗᒋᑦ. ᑕᕝᕙ ᐃᓅᖃᑎᒌᒡᔪᐊᓄᑦ ᐱᒋᐊᕐᕕᐅᓕᕐᑎᓐᓂᐊᕐᐸᒋᑦ ᑖᒃᑯᓇᓐᖓᑦ ᐅᓄᕐᓂᕐᓴᐅᔪᓂᒃ ᐱᔪᓐᓇᕐᓂᖃᕐᓂᕐᓴᐅᔪᓂᒡᓗ.’

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:11

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ, ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᐋᓐᓂᕐᑕᐅᓂᐊᓐᖏᓚᑦ ᑐᖂᑉ ᐂᑉᐸᖓᓄᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:12

ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:19

ᓇᓪᓕᐊᓐᓂᒡᓗ ᐃᓚᓐᖎᔪᖃᕐᐸᑦ ᐅᑯᓇᓂ ᐱᔪᒫᕐᑐᑦ ᐅᖃᐅᓯᕐᑕᖏᓐᓂᒃ ᐊᒡᓚᖕᓂ ᑎᑎᕋᕐᓯᒪᔪᓂ, ᑖᓐᓇ ᒎᑎᐅᑉ ᐃᓚᓐᖎᕕᒋᔪᒫᕆᕚ ᐱᔭᒃᓴᖓᓂᒃ ᓇᐹᕐᑐᒥᑦ ᐆᒪᓇᕐᑐᒥᑦ ᐃᒡᓗᒐᓴᒡᔪᐊᓂᓪᓗ ᐃᑦᔪᕐᓁᑦᑐᓂᑦ, ᑖᒃᑯᓇᓂ ᐅᖃᐅᓯᐅᓯᒪᔪᓂᒃ ᑕᕝᕙᓂ ᐊᒡᓚᖕᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:4

ᓵᕐᑏᓯᒥᐅᓪᓕ ᐃᓚᖏᑦ ᐅᓄᖏᑦᑐᑦ ᐊᓐᓄᕌᒥᖕᓂᒃ ᓴᓗᒪᔪᓐᓃᕐᑎᑦᓯᓯᒪᓐᖏᓚᑦ, ᑖᒃᑯᐊ ᐱᓱᖃᑎᒋᔪᒫᕐᐹᖓ ᖃᖁᕐᑕᒥᒃ ᐊᓐᓄᕌᕐᓯᒪᓗᑎᒃ, ᑍᒤᑦᑐᒥᒃ ᐊᓐᓄᕌᕐᑎᑕᐅᓂᕐᒥᒃ ᐱᔪᓐᓇᕐᓯᖕᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:11

ᐊᑐᓂᓪᓗ ᐊᓐᓄᕌᕐᑖᕐᑎᑕᐅᕗᑦ ᖃᑯᕐᑕᓂᒃ ᑕᑭᔪᓂᒃ ᐅᑕᖅᑭᒃᑲᓐᓂᖁᔭᐅᕗᓪᓗ ᓱᓕ ᓯᕕᑭᑦᑐᒥᒃ, ᐱᔨᐅᖃᑎᖏᑦ ᐅᒃᐱᑑᖃᑎᖏᓪᓗ ᑖᒃᑯᑎᑐᓇᖅ ᑐᖁᑕᐅᔪᒃᓮᑦ ᓈᒻᒪᒃᓯᓚᐅᖏᓐᓂᖏᓐᓂ.

ᓴᒧᐃᓕ ᓯᕗᓪᓖᑦ 17:25

ᐃᓴᕆᐊᓕᒥᐅᓪᓗ ᐊᖑᑏᑦ ᐅᖃᕐᐳᑦ, “ᐊᖑᑦ ᑖᓐᓇ ᑕᑯᓚᐅᕐᐱᓯᐅᒃ? ᑖᓐᓇ ᐃᓴᕆᐊᓕᒥᐅᓂᒃ ᒥᑕᐅᑎᖃᕐᐳᖅ; ᐃᒤᓕᖓᕗᖅ ᓇᓪᓕᐊᑦ ᑖᑦᓱᒥᖓ ᑐᖁᑦᓯᔪᖅ, ᐊᖓᔪᖅᑳᕐᔪᐊᑉ ᐊᑭᓕᕈᒫᕐᐹ ᐊᔪᕐᓴᖏᑦᔪᑎᒃᓴᓂᒃ, ᐸᓂᓂᓗ ᑖᑦᓱᒧᖓ ᑐᓂᔪᒫᕐᐹ, ᐊᑖᑕᒃᑯᖏᓪᓗ ᐊᑭᓖᖃᑦᑕᕈᓐᓃᕋᔭᕐᐳᖅ ᑖᒃᓰᕈᑎᓂᒃ ᐃᓴᕆᐊᓕᒥᐅᓂ.”