ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓄᓇᕐᔪᐊᕐᒧᓪᓗ ᓇᒧᑐᐃᓐᓈᕈᒫᕐᐳᑦ ᐅᓇᑕᕆᐊᕐᓗᑎᒃ ᐊᕙᑕᖏᕐᓯᔪᒫᕐᐳᑦ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒡᓗ ᓇᒡᓕᖕᓇᕐᑐᓂᒃ; ᕿᓚᖕᒥᓪᓕ ᐃᑯᒪᒥᒃ ᑲᑕᒃᕕᐅᔪᒫᕐᐳᑦ ᓄᖑᑕᐅᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:24

ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᐊᑕᓃᑦ ᐂᑉᐸᖏᑦ 6:15

ᒎᑎᐅᑉ ᐃᓄᖁᑎᖓᑕ ᐃᑲᔪᕐᑎᖓ ᐅᓪᓛᒻᒪᕆᒃᑯᑦ ᐊᓂᒐᒥ, ᑕᑯᓕᕐᐳᖅ, ᐅᓇᑕᕐᑐᒃᓴᓄᑦ ᕿᒥᕐᔪᐊᒦᑦᑐᓄᑦ ᕿᒧᒃᓯᐅᑎᒥᑦᑐᓄᓪᓗ ᓄᓇᖓᑦ ᐅᖓᓗᔭᐅᓯᒪᑦᓯᐊᕐᓂᖓᓂᒃ. ᐱᔨ ᐅᖃᕐᐳᖅ, “ᐊᖓᔪᖅᑳᒃ ᖃᓄᕐᓕ ᐱᓂᐊᓕᕐᐱᑖ?”

ᔫᐱᐅᑉ ᐊᒡᓚᖏᑦ 38:18

ᖃᐅᔨᒪᒐᓚᒃᐱᐅᒃ ᓄᓇᕐᔪᐊᖅ ᖃᓄᖅ ᐊᖏᓂᖃᕐᒪᖔᑦ? ᐊᑏ ᐅᖃᐅᑎᓚᐅᓐᖓ, ᑕᒪᑐᒥᖓ ᖃᐅᔨᒪᑐᐊᕈᕕᑦ.

ᐃᓐᖏᕈᑎᑦ 106:18

ᐃᑯᒪᑦᑕᐅᖅ ᐃᑯᐊᓪᓔᓚᐅᕐᐳᖅ ᐃᓚᒋᔭᖏᓐᓂᒃ; ᐃᑯᒪᐅᑉ ᐆᓚᐅᕐᐰᑦ ᐱᐅᖏᑦᑐᑦ.

ᐃᓐᖏᕈᑎᑦ 87:2

ᓮᐅᓂᐅᑉ ᐃᑎᕐᑕᕐᕕᖏᑦ ᐊᑕᓂᐅᑉ ᓇᒡᓕᒋᓂᕐᓴᕆᕔᑦ ᑕᒤᓐᓂᑦ ᔧᑰᑉ ᓄᓇᒋᔭᓕᒫᖏᓐᓂᑦ.

ᐃᓐᖏᕈᑎᑦ 97:3

ᑖᑦᓱᒪ ᐃᑯᒪ ᓯᕗᓕᕆᕚ, ᐃᑯᐊᓪᓔᓪᓗᓂᓗ ᐊᑭᕋᕐᑐᕐᑎᖏᓐᓂᒃ ᑕᒫᓃᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 37:36

ᑕᕝᕙ ᐊᑕᓂᐅᑉ ᐂᖏᓕᖁᑎᖓ ᐂᓚᐅᕐᐳᖅ, ᑐᖁᕅᓪᓗᓂᓗ ᐅᓇᑕᕐᑎᓂᒃ 185,000ᓂᒃ ᐊᓯᕆᐊᒥᐅᓂᒃ ᑕᖕᒫᕐᓯᒪᕕᒋᔭᖏᓐᓂ; ᖃᐅᒻᒪᓕᕐᑎᓪᓗᒍ ᐅᓪᓛᒃᑯᑦ, ᑎᒥᕕᓃᑦ ᑐᖁᖓᐅᓚᐅᕐᐳᑦ ᓇᓂᓕᒫᖅ.

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:22

ᓱᒋᐊᕈᒫᕐᐸᒃᑲ ᖃᓂᒪᓇᕐᑐᓄᑦ ᑐᖁᕋᐅᑎᓂᕐᓄᓪᓗ; ᓯᓚᓗᒡᕕᐅᑎᑦᓱᒫᕐᐸᒃᑲ ᐅᓇᑕᕐᑎᖁᑎᖏᓪᓗ ᐃᓅᖃᑎᒌᒡᔪᐊᓂᓪᓗ ᑕᐱᕐᑖᕆᓯᒪᔭᖏᑦ ᐃᓚᒋᔭᖏᑦ, ᓯᓚᓗᒡᔪᐊᒧᑦ ᓇᑕᖅᑯᕐᓇᓄᓪᓗ, ᐃᑯᒪᓄᑦ ᐊᐅᒪᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 38:9

ᓵᓚᒋᔪᒫᕐᐸᑎᑦ, ᐊᓄᕆᕐᔪᐊᑎᑐᑦ ᑎᑭᕝᕕᒋᓗᒋᑦ, ᓄᓇᖓᓪᓗ ᓄᕗᔭᒧᑦ ᑖᓪᓕᕐᑕᐅᔪᑎᑐᑦ ᑍᒤᑦᓱᒫᕐᐸᑦ, ᐃᓚᒋᔭᓕᒫᑎᓪᓗ ᐃᓚᒋᓗᒋᑦ ᐃᓄᒋᐊᒃᑐᕐᔪᐊᑦ.

ᐃᓯᑭᐊᓕᐅᑉ ᐊᒡᓚᖏᑦ 39:6

ᒪᒑᒡ ᐃᑯᐊᓪᓚᒃᑎᑦᓱᒫᕐᐸᕋ ᓯᒡᔭᒦᑦᑐᓪᓗ ᓄᓇᓖᑦ ᐃᓂᓪᓚᖓᑦᓯᐊᕐᑐᑦ; ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.

ᒤᑲᐅᑉ ᐊᒡᓚᖏᑦ 2:13

ᐅᒃᑯᐃᕐᓯᔫᑉ ᐊᐅᓪᓚᐅᑎᓂᐊᕐᐰᑦ ᑎᒍᔭᐅᓯᒪᕕᖏᓐᓂᑦ; ᐊᐅᓪᓚᕐᓗᑎᒡᓗ ᐃᒡᓗᒐᓮᑦ ᐃᑎᕐᑕᕐᕕᐊᒍᑦ ᐊᓂᓗᑎᒃ. ᐊᖓᔪᖅᑳᕐᔪᐊᖓᑦᑕ ᐊᑕᓂᐅᑉ, ᑕᓯᐅᕐᓂᐊᕐᒪᒋᑦ.

ᕼᐊᐸᑲᐅᑉ ᐊᒡᓚᖏᑦ 1:6

ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.

ᒨᓯᓯ ᓯᑕᒪᖏᑦ 11:1

ᐃᓄᒋᐊᒃᑐᕐᔪᐊᓪᓕ ᐅᖁᒤᒃᓴᕐᓂᕐᒥᒃ ᓈᒻᒪᒃᓴᕋᑎᒃ ᓂᓪᓕᐊᓕᕐᒪᑕ, ᐊᑕᓂᖅ ᖁᕕᐊᓱᓚᐅᓐᖏᓚᖅ; ᐊᑕᓂᐅᑉ ᑐᓵᓚᐅᕐᒪᒋᑦ ᓂᓐᖓᐅᒪᓂᖓᓗ ᐊᐅᓚᑦᔭᒃᑕᐅᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᐃᑯᒪᖓ ᐃᑯᐊᓚᓚᐅᕐᐳᖅ ᐊᑯᓐᓂᖓᓐᓂ, ᑕᖕᒫᕐᓯᒪᕕᐅᓪᓗ ᓯᓚᑖᓂ ᐃᑯᐊᓪᓚᓚᐅᕐᐳᖅ.

ᒨᓯᓯ ᓯᑕᒪᖏᑦ 16:35

ᐃᑯᒪᓗ ᐊᖅᑲᕐᐳᖅ ᐊᑕᓂᕐᒥᑦ ᓄᖑᓪᓗᒋᓪᓗ 250 ᐊᖑᑎᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᑐᓂᕐᕈᓯᕐᑐᑦ.

ᓘᑲᓯᐅᑉ ᐊᒡᓚᖏᑦ 17:29

ᐅᓪᓗᒥ ᑍᑦᓱᒪᓂ ᓘᑎ ᓱᑑᒪᒥᑦ ᐊᐅᓪᓚᕐᒪᑦ, ᐃᑯᒪ ᐅᔭᕅᓪᓗ ᐊᐅᒤᑦ ᕿᓚᖕᒥᑦ ᑲᑕᒃᐳᑦ ᐃᓄᓕᒫᓪᓗ ᑐᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 19:43

ᐅᓪᓗᖅ ᓇᓪᓕᐅᑎᔪᒫᕐᐳᖅ, ᐊᑭᕋᕐᑐᕐᑎᑦᓯᓐᓂᑦ ᐃᓗᒪᔭᐅᕕᒃᓴᓯ ᐊᕙᑎᓕᒫᑦᓯᓐᓂᑦ, ᐃᓗᔭᐅᓗᓯ ᑎᑭᑕᐅᔪᒫᕐᕕᒃᓴᓯ.

ᓘᑲᓯᐅᑉ ᐊᒡᓚᖏᑦ 21:20

“ᔨᕉᓴᓕᒻ ᑕᑯᒍᑦᓯᐅᒃ ᐅᓇᑕᕐᑐᒃᓴᓄᑦ ᐃᓗᒪᔭᐅᔪᖅ, ᖃᐅᔨᔪᒫᕐᐳᓯ ᑕᕝᕙ ᓯᖁᑦᑎᕐᑕᐅᕕᒃᓴᖓ ᖃᒡᓕᖕᒪᑦ.

ᓘᑲᓯᐅᑉ ᐊᒡᓚᖏᑦ 9:54

ᐃᓕᓐᓂᐊᕐᑎᖏᑕ ᔧᒥᓯᐅᑉ ᔪᐊᓇᓯᐅᓪᓗ ᑕᒪᓐᓇ ᑐᓴᕋᒥᒃᑯᒃ, ᔩᓱᓯᒧᑦ ᐅᖃᕐᐴᒃ, “ᐊᑕᓃᖅ, ᕿᓚᖕᒥᑦ ᐃᑯᒪᒥᒃ ᑲᑕᒃᑐᖃᖁᓪᓗᒍ ᑐᒃᓯᐊᖁᕕᑎᒃᑰᒃ ᐃᓚᓕᐅᕐᓯᔪᒪᖏᑦᑐᑦ ᓄᖑᑕᐅᖁᓪᓗᒋᑦ?”

ᒨᓯᓯ ᑕᓪᓕᒪᖏᑦ 23:14

ᐊᑕᓂᖅ ᒎᑎᓯ ᑕᖕᒫᕐᓯᒪᕕᑦᓯᓐᓂ ᐃᖏᕐᕋᖃᑦᑕᕐᒪᑦ, ᓄᓇᒋᔭᑦᓯᓐᓂ ᓴᐳᑦᔨᓪᓗᓂ ᐊᑭᕋᑦᓯᓐᓂᒡᓗ ᑐᓂᓯᓪᓗᓂ ᐃᓕᑦᓯᓐᓄᑦ, ᑍᒤᒻᒪᑦ ᑕᖕᒫᕐᓯᒪᕕᓯ ᐃᑦᔪᕐᓁᑦᑐᒃᓴᐅᕗᖅ, ᐊᑐᖁᔭᐅᖏᑦᑐᒥᒃ ᐃᓅᓯᖃᕐᑍᓕᓗᓯ ᐊᑕᓂᕐᒧᑦ ᐊᓚᕐᑕᐅᖁᓇᓯ.”

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᐄᑉᕈᐃᓄᑦ 13:13

ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:5

ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:13

ᐆᒪᔪᐊᓗᒃ ᑭᖑᓪᓕᖅ ᑲᒪᓇᕐᑐᕐᔪᐊᓂᒃ ᐱᓇᓱᐊᕈᓐᓇᕐᐳᖅ, ᐊᒡᓛᑦ ᕿᓚᖕᒥᑦ ᐃᑯᒪᒥᒃ ᓄᓇᕐᔪᐊᕐᒧᑦ ᑲᑕᒃᑎᑦᓯᔪᓐᓇᕐᐳᖅ ᐃᓄᐃᑦ ᑕᒃᑯᐊᓂ.