ᔪᐊᓇᓯᐅᑉ ᑕᑯᑎᑕᐅᓂᖏᑦ 18:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓄᒐᓴᒡᔪᐊᓕᒫᑦ ᐃᒥᕐᓯᒪᖕᒪᑕ ᐅᐂᓂᖁᑎᖓᓂᒃ ᐃᒃᓯᒎᕐᓂᖓᑕ ᓴᓐᖏᓂᖓᓂᒃ, ᓄᓇᕐᔪᐊᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒥᖓ ᐊᕐᓇᕐᓂᐊᓚᐅᕐᐳᑦ, ᓄᓇᕐᔪᐊᕐᒥᐅᓪᓗ ᑮᓇᐅᔭᓕᐅᕋᓱᐊᕐᑐᖁᑎᖏᑦ ᐊᔪᕐᓴᕈᓐᓃᓚᐅᕐᐳᑦ ᐃᒃᓯᒎᕐᓂᖓᑕ ᓄᖅᑲᕈᓐᓇᖏᓐᓂᖓᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:3 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 47:15

ᑕᒪᒃᑯᐊ ᑍᒤᑦᓱᒫᕐᐳᑦ ᐊᒃᓱᕈᕐᓗᓯ ᐱᓇᓱᐊᕐᓯᒪᔭᓯ, ᓄᓇᖃᕐᑐᑦ ᐊᓯᑦᓯᓐᓂᑦ ᓂᐅᕕᐊᕆᓯᒪᔭᓯ ᐃᓅᓱᖕᓂᑦᓯᓐᓂᑦ; ᐃᖏᕐᕋᕙᖕᒪᑕ ᓇᖕᒥᓂᖅ ᐅᐸᒍᒪᔭᒥᖕᓄᑦ; ᑖᒃᑯᐊᓕ ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓛᓯ.”

ᔨᕆᒤᐊᐅᑉ ᐊᒡᓚᖏᑦ 51:34

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕉᓴᓕᒥᐅᖑᔪᒍᑦ ᓂᕆᓚᐅᕐᐹᑎᒍᑦ, ᒪᕐᕋᑎᑐᑦ ᐃᓗᓕᖃᖏᑦᑐᑎᑐᑦ ᑍᒤᑎᓚᐅᕐᐹᑎᒍᑦ, ᖁᒡᓗᒋᐊᑎᑐᑦ ᐄᕚᑎᒍᑦ, ᓂᕆᓚᐅᕐᓗᓂᑎᒍᓪᓗ ᐅᕆᐊᕆᕚᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 51:7

ᐹᐱᓘᓂᒥᐅᑦ ᑏᑐᑎᑎᑐᑦ ᒎᓗᑎᑐᑦ ᑍᒤᓚᐅᕐᐳᑦ ᐊᑕᓂᐅᑉ ᐊᒡᒐᖏᓐᓂ ᓄᓇᕐᔪᐊᕐᒥᐅᓂᒡᓗ ᐋᖓᔮᓕᕐᑎᑦᓯᓚᐅᕐᐳᑦ, ᐃᓅᖃᑎᒌᒡᔪᐊᑦ ᐃᒥᕐᑎᓚᐅᕐᒪᑦᔪᒃ ᕔᓂᖁᑎᒥᖕᓂᑦ ᑐᑭᖃᕈᓐᓃᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:5

ᐃᓄᐃᑦ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᑐᑦ ᐱᕐᓕᕋᕐᓗᑎᒃ ᓇᓂᑐᐃᓐᓈᓕᕐᐳᑦ, ᐊᔪᕐᓴᖏᑦᑐᕐᔪᐊᓂᓗ ᐱᕈᕐᓴᓚᐅᕐᑐᑦ ᐊᒃᑕᑯᕐᓂᐊᕐᑎᑐᐃᓐᓇᐅᓕᕐᐳᑦ ᓂᕆᔭᒃᓴᕐᓯᐅᕐᓗᑎᒃ.

ᓇᕼᐅᒥᐅᑉ ᐊᒡᓚᖏᑦ 3:4

ᐊᖑᓐᓂᐊᕐᑏᑦ ᐊᑭᓕᕐᓱᒐᐅᓲᑦ ᐅᓄᕐᑐᐃᕐᓱᕐᓗᑎᒃ ᓄᓕᐊᖃᑦᑕᕐᓂᖏᑦ, ᐱᔪᒥᓇᕐᓵᕐᓂᒃᑯᑦ ᐊᖓᒃᑰᓇᓱᐊᕐᓂᒃᑯᓪᓗ, ᑖᑦᓱᒪ ᐃᓅᖃᑎᒌᒡᔪᐊᑦ ᐅᐃᕕᕐᕆᓚᐅᕐᒪᒋᑦ, ᐱᔪᒥᓇᕐᓵᕐᓂᕐᒥᓄᑦ ᐃᓱᒪᕐᓲᑎᒋᓕᕐᓗᒋᑦ.”

ᓘᑲᓯᐅᑉ ᐊᒡᓚᖏᑦ 7:25

ᓱᓇᒥᒡᓕ ᑕᑯᔭᕐᑐᓚᐅᕐᐱᓰ? ᐊᖑᒻᒥᒃ ᐊᓐᓄᕌᑦᓯᐊᕐᓯᒪᔪᒥᒃ ᑕᑯᔭᕐᑐᓚᐅᕐᐱᓰ? ᑕᑯᒋᑦ, ᐊᓐᓄᕌᑦᓯᐊᕆᒃᑐᑦ ᐊᔪᕐᓴᖏᑦᑑᓪᓗᑎᒃ, ᐊᖓᔪᖅᑳᕐᔪᐊᑉ ᐃᒡᓗᖏᓐᓂ ᐃᓂᖃᓲᖑᕗᑦ.

ᑎᒧᑎᒧᑦ ᓯᕗᓪᓖᑦ 5:11

ᐅᐃᒡᒐᕐᓃᓪᓕ ᐃᓅᓱᖕᓂᕐᓮᑦ ᐅᐃᒡᒐᕐᓃᑦ ᐊᑎᖏᓐᓄᑦ ᐃᓚᓕᐅᑎᓂᐊᕐᓇᒋᑦ; ᐱᔪᒪᓂᕐᒥᖕᓄᑦ ᐅᐃᓂᒃᑲᓐᓂᕈᒪᑎᑕᐅᓕᕐᐸᑕ, ᙭ᔅᑑᓯᒥᑦ ᕿᒪᕉᑎᑐᐃᓐᓇᕆᐊᖃᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:2

ᐊᖓᔪᖅᑳᕐᔪᐊᓪᓗ ᓄᓇᕐᔪᐊᕐᒦᑦᑐᑦ ᐊᕐᓇᕐᓂᐊᖃᑦᑕᓚᐅᕐᐹᑦ, ᓄᓇᕐᔪᐊᕐᒥᐅᓪᓗ ᐋᖓᔮᓕᕐᑎᓚᐅᕐᐰᑦ ᐊᓯᓐᓂᐊᕐᓂᐅᑉ ᐅᐂᓂᖓᓂᒃ ᐃᒥᕐᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19

ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:23

ᖃᐅᒻᒪᖅᑯᑎᐅᓪᓗ ᐃᑯᒪᖓ ᐃᓕᑦᓯᓐᓂ ᑕᑯᔭᐅᒃᑲᓐᓂᕐᓂᐊᕈᓐᓃᕐᐳᖅ; ᑲᑎᑎᑕᐅᕋᑖᕐᑐᓪᓗ ᓂᐱᖏᑦ ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ; ᑮᓇᐅᔭᓕᐅᕋᓱᐊᕐᑎᖁᑎᓯᓗ ᐱᔪᓐᓇᕐᓂᖃᕐᓂᕐᐹᖑᓚᐅᕐᑐᑦ ᓄᓇᕐᔪᐊᕐᒥ, ᐊᖓᒃᑰᓐᖑᐊᕐᓂᑦᓯᒍᓪᓗ ᐅᐃᕕᕆᒃᓯᓚᐅᕐᐳᓯ ᐃᓅᖃᑎᒌᒡᔪᐊᓕᒫᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:7

ᐃᒻᒥᓂᒃ ᓂᕐᑐᕐᓇᕐᑎᓚᐅᕐᒪᑦ ᐊᔪᕐᓴᖏᑦᑐᕐᔪᐊᖑᓕᕐᓗᓂᓗ, ᑍᒫᒃᑕᐅᖅ ᐅᖁᒤᑦᑐᒧᑦ ᐋᓐᓂᐊᑎᑕᐅᓂᕐᒧᑦ ᕿᒃᓵᖕᓇᕐᑐᒧᐊᕐᑕᐅᓕᕐᓕ. ᐆᒻᒪᑎᒥᒍᑦ ᐃᓱᒪᕙᖕᒪᑦ, ‘ᐃᒃᓯᕙᕗᖓ ᐊᖓᔪᖅᑳᕐᔪᐊᖑᕕᖕᒥ ᐅᐃᒡᒐᕐᓂᐅᖏᓐᓇᒪ, ᕿᒃᓵᖕᓇᕐᑐᒥᒃ ᖃᐅᔨᓚᐅᕐᓯᒪᓂᐊᓐᖏᓚᖓ.’

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:9

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᕐᓇᕐᓂᐊᖃᑦᑕᓚᐅᕐᑐᑦ ᐃᒃᓯᒎᕐᓂᕐᔪᐊᖃᓚᐅᕐᑐᓪᓗ ᑖᑦᓱᒥᖓ, ᑕᑯᓕᕈᑎᒃ ᐃᑯᐊᓚᓂᖓᑕ ᐳᔪᖓᓂᒃ ᕿᐊᑦᔪᑎᒋᔪᒫᕐᐹᑦ ᐅᒡᒍᐊᕈᑎᒋᓗᒍᓗ;