ᔪᐊᓇᓯᐅᑉ ᑕᑯᑎᑕᐅᓂᖏᑦ 16:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ, ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ. ᑍᒤᑕᐅᔭᕆᐊᖃᕐᒪᑕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:6 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 24:4

ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.

ᒨᓯᓯ ᐂᑉᐸᖏᑦ 21:24

ᐃᔨ ᐃᔨᒧᑦ, ᑭᒍᑎ ᑭᒍᑎᒧᑦ, ᐊᒡᒊᑦ ᐊᒡᒐᓄᑦ, ᐃᑎᒊᑦ ᐃᑎᒐᖕᓄᑦ,

ᒨᓯᓯ ᐂᑉᐸᖏᑦ 7:17

ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 26:11

ᑐᓂᕐᕈᓯᕐᑎᑦᓯᔩᓪᓗ, ᓇᓚᐅᑦᑍᔪᓪᓗ, ᐊᖓᔪᖅᑳᓄᑦ ᐃᓄᖕᓄᓪᓗ ᐅᖃᕐᐳᑦ, “ᐅᓇ ᐊᖑᑦ ᑐᖁᑕᒃᓴᓐᖑᕐᑐᒃᓴᐅᕗᖅ, ᓄᓇᓕᖁᑎᕗᑦ ᐊᓯᕈᕐᑕᐅᓂᐊᕐᓂᕋᕐᓗᒋᑦ ᐅᖃᐅᓯᖃᕐᒪᑦ, ᓇᖕᒥᓂᕐᓗ ᐅᖃᐅᓯᕆᔭᖏᑦ ᑐᓴᕐᐸᓯ.”

ᔨᕆᒤᐊᐅᑉ ᐊᒡᓚᖏᑦ 26:16

ᑕᕝᕙ ᐊᖓᔪᖅᑳᑦ, ᐃᓄᐃᓪᓗ, ᑐᓂᕐᕈᓯᕐᑎᑦᓯᔨᓄᑦ ᓇᓚᐅᑦᑍᔪᓄᓪᓗ ᐅᖃᕐᐳᑦ, “ᐊᖑᑦ ᑖᓐᓇ ᑐᖁᑕᐅᔪᒃᓴᐅᓐᖏᓚᖅ ᐅᖃᐅᓯᖃᕐᒪᑦ ᐊᑕᓂᐅᑉ ᒎᑎᑦᑕ ᐊᑎᖓᓂ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 32:6

ᐊᐅᑦ ᓄᓇᒧᑦ ᑯᕕᔪᒫᕐᐸᕋ ᖃᖅᑲᓄᓪᓗ ᐊᒡᓛᑦ; ᑰᓪᓗ ᐊᐅᖏᓐᓇᐅᓕᕈᒫᕐᐳᑦ ᐃᓕᖕᓂᑦ.

ᒫᑎᐅᓯᐅᑉ ᐊᒡᓚᖏᑦ 7:2

ᐃᖅᑲᕐᑐᐃᓂᓯ ᒪᓕᒡᓗᒍ ᑍᒫᓪᓗᐊᖅ ᐃᖅᑲᕐᑐᕐᑕᐅᔪᒫᕆᕗᓯ, ᐱᓇᓱᐊᕐᓂᓯ ᒪᓕᒡᓗᒍ ᑍᒫᓪᓗᐊᖅ ᐱᓇᓱᐊᕐᕕᐅᔪᒫᕆᕗᓯ.

ᓘᑲᓯᐅᑉ ᐊᒡᓚᖏᑦ 12:48

ᐱᔨᓕ ᖃᐅᔨᒪᖏᑦᑐᖅ ᐊᖓᔪᖅᑳᒥ ᐱᖁᔭᖓᓂᒃ, ᑏᒐᕐᑐᕐᑕᐅᑦᔪᑎᒃᓴᒥᒃ ᐱᓚᐅᕋᓗᐊᕐᓗᓂ ᒥᑭᔪᒥᒃ ᑏᒐᕐᑐᕐᑕᐅᔪᒫᕐᐳᖅ. ᐊᒥᓱᓂᒃ ᑐᓂᓯᕕᐅᔪᖅ ᐊᒥᓱᓂᒃᑕᐅᖅ ᐱᔪᒪᕕᐅᔪᒫᕐᐳᖅ; ᓱᓕ ᐊᖏᓂᕐᓴᑲᓐᓂᕐᓂᒃ ᑐᓂᓯᕕᐅᔪᖅ ᓱᓕ ᐊᖏᓂᕐᓴᑲᓐᓂᕐᓂᒃ ᐱᔪᒪᕕᐅᔪᒫᕐᐳᖅ.”

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:10

ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:15

ᐆᒪᔪᐊᓘᒃ ᓯᕗᓪᓕᐅᑉ ᐊᑦᔨᓐᖑᐊᖓ ᐊᓂᕐᓵᕐᕕᒋᕚ ᓴᓇᓯᒪᔪᕐᓗ ᐅᖃᕈᓐᓇᕐᓯᕗᖅ, ᑐᖁᑕᐅᑎᑦᓯᔪᓐᓇᕐᓯᓪᓗᓂᓗ ᑐᒃᓯᐊᕐᕕᖃᕈᒪᖏᑦᑐᓕᒫᓂᒃ ᑖᑦᓱᒥᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:24

ᐹᐱᓘᓂ ᓱᒋᐊᕐᑕᐅᓚᐅᕐᐳᖅ ᓇᓚᐅᑦᑍᔪᑦ ᐃᑦᔪᕐᓁᑎᑕᐅᓯᒪᔪᓪᓗ ᐊᐅᖏᑦ ᑕᑯᔭᐅᓚᐅᕐᒪᑕ ᑕᕝᕙᓂ, ᑐᖁᕋᕐᑕᐅᓯᒪᔪᑦ ᓄᓇᕐᔪᐊᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”