ᔪᐊᓇᓯᐅᑉ ᑕᑯᑎᑕᐅᓂᖏᑦ 16:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑐᓴᕐᐳᖓᓗ ᓂᐱᖅᑯᕐᑐᔪᒥᒃ ᑐᒃᓯᐊᕐᕕᒡᔪᐊᒥᑦ ᐱᔪᒥᒃ ᐅᖃᐅᑦᔨᔪᒥᒃ ᐂᖏᓕᓂᒃ 7ᓂᒃ, “ᖃᓪᓗᑏᑦ 7 ᑯᕕᔭᕐᑐᓕᕐᓯᐅᒃ ᓄᓇᕐᔪᐊᕐᒧᑦ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓖᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:1 ပူးပေါင်းရင်းမြစ်များ

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:1

ᕿᓚᖕᒥ ᑕᑯᓕᕆᕗᖓ ᑕᑯᓕᒪᓇᖏᑦᑐᒥᒃ, ᐊᖏᔪᒥᒃ ᐱᐅᔪᐊᓗᖕᒥᒃ, ᐂᖏᓕᓂᒃ 7ᓂᒃ ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᓂᒃ, ᑖᒃᑯᐊᓗ ᑭᖑᓪᓕᕐᐹᒃᓴᐅᕗᑦ, ᒎᑎᐅᑉ ᓂᓐᖓᐅᓯᖓᑕ ᑭᖑᓪᓕᕐᐹᖓᓂᒃ ᐱᓯᒪᔪᑦ.

ᔨᕆᒤᐊᐅᑉ ᐊᒡᓚᖏᑦ 10:25

ᓂᓐᖓᐅᑦᔨᓃᑦ ᑲᔪᓯᑎᓕᕈᒃ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ, ᐊᑎᕐᓄᓪᓗ ᑐᒃᓯᐊᕐᐸᖏᑦᑐᓄᑦ, ᔧᑰᑉ ᑭᖑᕚᖏᓐᓂᒃ ᐊᓯᕈᐃᓯᒪᖕᒪᑕ; ᓄᖑᕈᑎᑦᓯᐊᕐᓗᒍ ᓄᓇᖓᓐᓂᒡᓗ ᓄᓇᒋᔭᒃᓴᐅᔪᓐᓃᕐᑎᑦᓯᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:17

ᐂᖏᓖᓪᓗ 7ᖓᑦᑕ ᖃᓪᓗᑎᓂ ᑯᕕᒋᕚ ᓯᓚᑐᐃᓐᓇᕐᒧᑦ, ᑕᕝᕙ ᑐᒃᓯᐊᕐᕕᒡᔪᐊᒥᑦ ᓂᐱᖅᑯᕐᑐᔪᒥᒃ ᓂᓪᓕᕐᑐᖃᕐᐳᖅ, ᐃᒃᓯᕙᐅᑕᕐᔪᐊᒥᑦ, ᐅᖃᕐᓗᓂ, “ᐱᔭᕇᕐᐳᖅ!”

ᐃᓐᖏᕈᑎᑦ 79:6

ᓂᓐᖓᐅᒪᖔᓚᐅᕆᑦ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ; ᐊᖓᔪᖅᑲᐅᕕᖕᓄᓪᓗ ᐃᓕᖕᓂᒃ ᑐᒃᓯᐊᕐᕕᖃᕐᐸᖏᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 10:2

ᑕᕝᕙ ᐅᖃᕐᐳᖅ ᐊᖑᒻᒧᑦ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᕐᓯᒪᔪᒧᑦ, “ᐊᒃᓴᓗᐊᑦ ᑬᕙᑦᑐᑦ ᐊᑯᓐᓂᖓᓄᐊᕐᓗᑎᑦ ᓯᕈᐱᒻ ᐊᑖᓃᑦᑐᓄᑦ; ᕿᔪᒃᓴᓂᒃ ᐃᑯᒪᔪᓂᒃ ᑎᒍᓯᒋᑦ ᓯᕈᐱᒻ ᐊᑯᓐᓂᖓᓂᑦ, ᑖᒃᑯᐊᓗ ᑲᑕᒑᑎᓪᓗᒋᑦ ᐃᒡᓗᒐᓴᖕᓄᑦ.” ᑕᑯᓐᓇᕐᑎᓪᓗᖓᓗ ᑕᕝᕗᖓ ᐃᑎᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:18

ᐂᖏᓕᐅᑦᑕᐅᖅ ᑖᑦᓱᒪ ᐊᓯᐊ ᓴᖅᑭᒃᑭᕗᖅ ᑐᓂᕐᕈᓯᕐᕕᖕᒥᑦ ᐊᓂᔪᖅ, ᑖᓐᓇ ᐃᑯᒪᒧᑦ ᐱᔪᓐᓇᕐᓂᖃᕐᑐᖅ, ᓂᐱᖅᑯᕐᑐᓪᓗᓂᓗ ᐂᖏᓕᒧᑦ ᐃᐱᒃᑐᒥᒃ ᓇᑲᑎᕆᑦᔪᑎᓕᔭᕐᑐᒧᑦ ᐅᖃᕐᐳᖅ, “ᓇᑲᑎᕆᑦᔪᑎᖕᓄᑦ ᐸᐅᕐᒊᑦ ᑲᑎᓐᖓᔪᑦ ᑲᑎᕐᓱᓕᒃᑭᑦ ᓄᓇᕐᔪᐊᑉ ᐱᕈᕐᓰᕕᖏᓐᓃᑦᑐᑦ, ᐸᐅᕐᒊᑦ ᐱᕈᕇᕐᓗᑎᒃ ᓇᑲᑎᕐᑕᐅᑐᐃᓐᓇᕆᐊᖃᓕᕐᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:15

ᐂᖏᓕᒥᒡᓗ ᐊᓯᐊᓂᒃ ᓴᖅᑭᑦᑐᖃᕆᕗᖅ ᑐᒃᓯᐊᕐᕕᒡᔪᐊᕐᒥᑦ ᐊᓂᔪᒥᒃ, ᓂᐱᖅᑯᕐᑐᓪᓗᓂᓗ ᓄᕗᔭᒥ ᐃᒃᓯᕚᕐᑐᒧᑦ ᐅᖃᕐᐳᖅ, “ᐱᕈᕐᑐᑦ ᓇᑲᑎᓕᒃᑭᑦ ᓇᑲᑎᕆᑦᔪᑎᖕᓄᑦ, ᑲᑎᕐᓱᐃᕕᒃ ᓇᓪᓕᐅᑎᖕᒪᑦ, ᓄᓇᕐᔪᐊᑉ ᐱᕈᕐᑐᖏᑦ ᓈᒻᒪᒃᓯᖕᒪᑕ ᑲᑎᕐᓱᕐᑕᐅᔪᓐᓇᕐᓯᕗᑦ.”

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”

ᓴᒧᐃᓕ ᓯᕗᓪᓖᑦ 15:18

ᐊᑕᓂᐅᓪᓗ ᑎᓕᓚᐅᕐᐹᑎᑦ ᐱᔭᒃᓴᖃᖁᓪᓗᑎᑦ ᐅᖃᕐᓗᓂ, ‘ᐊᐅᓪᓚᕆᑦ, ᐊᔪᕐᑐᓕᔪᑦ ᐊᓯᕈᕆᐊᕐᑐᒃᑭᑦ ᓄᖑᑦᓯᐊᕐᓗᒋᑦ, ᐊᒪᓕᑬᒥᐅᑦ ᐅᓇᑕᕐᓂᐊᕐᐸᑎᑦ ᓄᖑᓚᐅᖅᑳᕐᑎᓐᓇᒋᑦ.’

ᐃᓯᑭᐊᓕᐅᑉ ᐊᒡᓚᖏᑦ 22:31

ᑍᒤᒻᒪᑦ ᓂᓐᖓᒡᕕᒋᓯᒪᓕᕐᐸᒃᑲ; ᓄᖑᓯᒪᓕᕐᐸᒃᑲᓗ ᓂᓐᖓᐅᓯᕐᒪ ᐃᑯᒪᖓᓄᑦ; ᐱᓂᐊᕐᓂᕆᓯᒪᔭᖏᑦ ᐊᑭᓕᕐᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.