ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4 ပူးပေါင်းရင်းမြစ်များ

ᐃᓐᖏᕈᑎᑦ 45:14

ᐊᖓᔪᖅᑳᕐᔪᐊᒧᑦ ᐃᑎᕐᑎᑕᐅᓂᐊᕐᐳᖅ ᐊᓐᓄᕌᕐᓯᒪᓗᓂ ᑕᕐᓴᖃᕐᑐᒥᒃ ᐅᓄᕐᑐᓂᒃ; ᐃᓅᓱᒃᑐᓪᓗ ᐅᐃᒡᒐᓱᐃᑦ, ᑖᑦᓱᒥᖓ ᒪᓕᒃᑐᑦ ᕾᑎᑕᐅᓂᐊᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 74:2

ᑐᒃᓯᐊᕆᐊᕐᐸᒃᑐᖁᑎᑎᑦ ᐃᖅᑲᐅᒪᒃᑭᑦ, ᑍᑦᓱᒪᓂᑐᖃᖅ ᐱᑖᕆᓚᐅᕐᓯᒪᔭᑎᑦ, ᐃᓅᖃᑎᒌᑦ ᐱᒃᓴᕆᔪᒪᓪᓗᒋᑦ ᐱᐅᓕᓚᐅᕐᑕᑎᑦ! ᑕᕝᕙᓂ ᖃᖅᑲᒥ ᓮᐅᓂᒥ, ᐃᓂᖃᕐᑎᓪᓗᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:3

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᑑᖕᒪᑦ, ᐊᑏᓪᓗ ᑍᓪᓗᒍ ᑎᐱᑦᓯᐊᕆᒃᑐᑐᑦ ᑯᕕᔭᐅᔪᑐᑦ ᑍᒤᑉᐳᖅ, ᑍᒤᒻᒪᑦ ᐅᐃᒡᒐᓱᐃᑦ ᐅᖓᕚᑎᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 6:8

ᐊᖓᔪᖅᑲᕐᔪᐊᖅ ᓄᓕᐊᖃᕐᐸᑦ 60ᓂᒃ, ᐊᕐᓇᖁᑎᖃᕐᓗᓂᓗ 80ᓂᒃ, ᐅᐃᒡᒐᓱᖕᓂᒡᓗ ᐊᖑᒻᒧᑦ ᑲᒪᒋᔭᐅᓚᐅᕐᓯᒪᖏᑦᑐᓂᒃ ᓈᓴᒐᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᐂᒨᓯᐅᑉ ᐊᒡᓚᖏᑦ 6:1

ᑲᑉᐱᐊᓇᒦᒃ ᐃᓕᑦᓯ ᐊᒃᓱᕈᕐᓇᖏᑦᑐᒥ ᐃᓅᔪᓯ ᓮᐅᓂᒥ, ᑕᑎᖃᕐᑐᓪᓗ ᓴᒥᐊᕆᐊᑉ ᖃᖅᑲᖓᓂᒃ, ᓯᕗᓕᕐᑎᐅᔪᓯᓗ ᐅᐱᒋᔭᐅᓪᓗᓯ ᐃᓅᖃᑎᒌᒡᔪᐊᓂ ᐊᔪᖏᑦᑐᕐᔪᐊᓂ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᑕᑎᒋᔭᐅᕙᒃᑐᓯ!

ᒫᑎᐅᓯᐅᑉ ᐊᒡᓚᖏᑦ 19:12

ᐊᑦᔨᒌᖏᑦᑐᓂᒃ ᐱᑦᔪᑎᒃᓴᓕᖕᓂᒃ ᐊᖑᑎᓂᒃ ᓄᓕᐊᓂᔪᐃᑦᑐᕐᑕᖃᕐᒪᑦ: ᐃᓚᖏᑦ ᐃᕐᓂᐊᖑᓂᕐᒥᖕᓂᑦ ᑍᒤᑦᑑᔪᑦ: ᐃᓚᖏᓪᓕ ᐃᓅᖃᑎᒥᖕᓂᑦ ᓄᓕᐊᓂᒍᓐᓁᓪᓕᑎᑕᐅᓯᒪᔪᑦ; ᐃᓚᖏᓪᓕ ᓄᓕᐊᖃᓐᖏᓚᑦ ᐃᒻᒥᖕᓂᒃ ᑍᒤᑎᑦᑐᓂᒃ ᒎᑎᐅᑉ ᐊᑕᓂᐅᕕᖓ ᐱᓪᓗᒍ. ᑕᒪᑐᒥᖓ ᐅᖃᐅᓯᕆᔭᓐᓂᒃ ᐃᓚᓕᐅᕐᓯᔪᓐᓇᕐᑐᖅ, ᐃᓚᓕᐅᕐᓯᓕᕐᓕ.”

ᒫᑎᐅᓯᐅᑉ ᐊᒡᓚᖏᑦ 25:1

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ ᐊᕐᓇᓂᒃ ᖁᓕᓂᒃ ᓇᓂᕈᐊᒥᖕᓂᒃ ᓇᒃᓴᕐᓗᑎᒃ ᐅᐃᒃᓴᒥᒃ ᐸᕐᕆᐊᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 8:19

ᐱᖁᔭᓂᒃ ᐃᓕᓮᔨᐅᑉ ᔩᓱᓯ ᐅᐸᒃᐹ, ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᒪᓕᖕᓂᐊᕐᐸᒋᑦ ᓇᒧᑐᐃᓐᓇᖅ ᐂᒐᓗᐊᕈᕕᑦ.”

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᔪᐊᓇᓯᐅᑉ ᐊᒡᓚᖏᑦ 12:26

ᓇᓪᓕᐊᑦ ᐅᕙᓐᓂᒃ ᐱᔨᑦᓯᕐᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᓂᐊᕐᑐᖅ, ᐊᑖᑕᒪ ᓂᕐᑐᕐᓇᕐᑎᑦᓱᒫᕐᐹ.”

ᔪᐊᓇᓯᐅᑉ ᐊᒡᓚᖏᑦ 13:37

ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓱᖕᒪᑦ ᒫᓐᓇ ᒪᓕᒍᓐᓇᓐᖏᓚᒌᑦ? ᐃᓕᖕᓂᒃ ᑐᖁᑕᐅᑦᔪᑎᖃᕋᓗᐊᕈᒪ ᖃᓄᐃᒃᓴᓐᖏᓚᖓ.”

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:15

ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᓯᑎᐹᓇᓯᒃᑯᑦ ᐃᒡᓗᒥᐅᖃᑎᒌᑦ ᐊᑬᐊᒥ ᓵᒋᐊᕐᓗᑎᒃ ᓯᕗᓪᓕᕐᐹᖑᓚᐅᕐᒪᑕ, ᐃᒻᒥᖕᓂᒡᓗ ᑐᓂᓯᒪᕗᑦ ᒎᑎᐅᑉ ᐃᓄᖁᑎᖏᓐᓂᒃ ᐃᑲᔪᕈᒪᓪᓗᑎᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:28

ᐂᑉᐸᕐᑖᕈᕕᓪᓕ ᐊᔪᕐᑐᓕᓐᖏᓚᑎᑦ; ᐊᕐᓇᕐᓗ ᐅᐃᑖᕐᐸᑦ ᐊᔪᕐᑐᓕᓐᖏᓚᖅ. ᐂᑉᐸᕐᑖᕐᑐᓪᓕ ᐅᖁᒤᓐᓇᕐᑐᓄᑦ ᐅᓄᕐᑐᓄᑦ ᑎᑭᐅᑎᖃᑦᑕᕐᓂᐊᕐᐳᑦ, ᐃᓕᑦᓯᓕ ᑍᒤᖁᖏᒃᑲᓗᐊᕐᐸᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᐃᐱᓯᒥᐅᓄᑦ 1:14

ᑖᓐᓇ ᖁᓚᕐᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᒥᒃ, ᑖᑦᓱᒪ ᐱᓐᓇᕐᓇᕐᓂᕐᔪᐊᖓ ᓂᕐᑐᕐᑕᐅᖁᓪᓗᒍ.

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᑎᒧᑎᒧᑦ ᓯᕗᓪᓖᑦ 4:3

ᑖᒃᑯᐊ ᐊᔪᕆᕐᑐᐃᕗᑦ ᓄᓕᐊᓂᖃᑦᑕᖁᔨᓇᑎᒃ ᓂᕆᔭᕆᐊᖃᓐᖏᓂᕅᓪᓗᑎᒃᓗ ᓂᕿᑦ ᐃᓚᖏᓐᓂᒃ ᒎᑎᐅᓪᓕ ᓂᑭᑦ ᐱᓐᖑᕐᑎᓯᒪᕔᑦ ᓂᕿᒋᔭᐅᖁᓪᓗᒋᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ, ᐅᒃᐱᕐᑐᓄᑦ ᓱᓕᓂᕐᒥᒡᓗ ᖃᐅᔨᒪᔪᓄᑦ.

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:22

ᐃᒡᓗᒐᓴᒡᔪᐊᓂᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥᒃ ᑕᑯᓐᖏᓚᖓ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ ᓄᕐᕋᐅᔭᕐᓗ ᑐᒃᓯᐊᕐᕕᒡᔪᐊᕆᔭᐅᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:4

ᓵᕐᑏᓯᒥᐅᓪᓕ ᐃᓚᖏᑦ ᐅᓄᖏᑦᑐᑦ ᐊᓐᓄᕌᒥᖕᓂᒃ ᓴᓗᒪᔪᓐᓃᕐᑎᑦᓯᓯᒪᓐᖏᓚᑦ, ᑖᒃᑯᐊ ᐱᓱᖃᑎᒋᔪᒫᕐᐹᖓ ᖃᖁᕐᑕᒥᒃ ᐊᓐᓄᕌᕐᓯᒪᓗᑎᒃ, ᑍᒤᑦᑐᒥᒃ ᐊᓐᓄᕌᕐᑎᑕᐅᓂᕐᒥᒃ ᐱᔪᓐᓇᕐᓯᖕᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.