ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2 ပူးပေါင်းရင်းမြစ်များ

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 48:2

ᐃᒻᒥᖕᓂᒃ ᑍᕙᒃᑐᑦ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ ᐃᓚᐅᓂᕋᕐᓗᑎᒃ, ᑕᑎᑐᐊᖃᕐᓂᕋᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᑖᓐᓇ ᐊᑎᖃᕐᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10

ᐊᑭᕋᕐᑐᑎᖏᑕᓗ ᐱᒃᑯᒥᓇᕐᑐᖁᑎᖏᑦ ᐱᐅᕋᕐᐰᑦ, ᑕᑯᓐᓇᕐᐳᑦ ᑐᒃᓯᐊᕐᕕᒡᔪᐊᖓ ᐃᓅᖃᑎᒌᒡᔪᐊᓄᑦ ᐃᑎᕐᑕᐅᑎᓪᓗᒍ, ᒎᑎᐅᑉ ᐅᒃᐱᕆᔨᒋᓐᖏᑕᒥᓄᑦ ᐃᑎᕐᑕᐅᖁᓚᐅᕐᓯᒪᓐᖏᑎᓪᓗᓂᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 4:6

ᑍᒤᓕᖓᔭᕆᐊᖃᕐᓃᑦ ᓈᒻᒪᒃᓯᒃᐸᑦ, ᑕᓕᕐᐱᖔᕐᓄᑦ ᓵᓪᓗᑎᑦ ᔫᑕᐅᑉ ᑭᖑᕚᖏᑕ ᐊᔪᕐᑐᓕᓂᖏᑦ ᓱᒋᐊᕐᑕᐅᑦᔪᑎᒃᓴᕆᕙᑎᑦ ᐅᓪᓗᓂᒃ 40ᓂᒃ, ᐊᔪᕐᑐᓕᓂᖏᑕ ᓱᒋᐊᕐᑕᐅᑦᔪᑎᒃᓴᖏᑦ ᒪᓕᒡᓗᒋᑦ, ᐅᓪᓗᖅ ᐊᑕᐅᓯᖅ ᑐᕌᖓᓗᓂ ᐊᕐᕌᒍᒧᑦ ᐊᑕᐅᓯᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 42:20

ᐊᑭᓐᓇᓕᒫᖏᑦ ᓯᑕᒪᑦ ᐆᒃᑐᕋᕇᕐᒪᒋᑦ. ᐊᕙᑖᒍᑦ ᐊᕙᓗᕐᔪᐊᖓ, 840ᓂᒃ ᐃᑎᒐᖕᓂᒃ ᑕᑭᓂᖃᕐᐳᖅ ᓴᓂᒧᖃᕐᓗᓂᓗ ᑭᒃᐹᕆᓪᓗᐊᕐᓗᓂ, ᐊᕙᓗᕐᔪᐊᕐᓗ ᐊᕕᒃᓯᒪᑎᑦᓯᕗᖅ ᐃᑦᔪᕐᓁᑦᑐᓂᒃ ᐃᑦᔪᕐᓁᑦᑑᖏᑦᑐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 7:19

“ᑐᑭᓯᔪᒪᓚᐅᕆᕙᕋ ᐆᒪᔪᐊᓗᐃᑦ ᑕᑯᔭᒪ ᓯᑕᒪᖓᑕ ᑐᑭᖓ, ᑖᓐᓇ ᐊᑦᔨᒋᔭᐅᖏᑦᑐᖅ ᐆᒪᔪᐊᓗᖕᓂᑦ ᐊᓯᖏᓐᓂᑦ, ᑲᑉᐱᐊᓇᕐᓂᕐᐹᖑᓪᓗᓂᓗ, ᑭᒍᑎᖃᕐᑐᖅ ᓴᕕᕋᔭᖕᓂᒃ ᑯᑭᖃᕐᓗᓂᓗ ᖃᑯᕐᓕᕐᓂᒃ, ᑖᓐᓇ ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᓗᓂᓗ ᐊᒥᐊᒃᑯᒥᓂᒃ.

ᑖᓂᐊᓕᐅᑉ ᐊᒡᓚᖏᑦ 7:25

ᑖᓐᓇ ᓂᓪᓕᐊᔪᒫᕐᐳᖅ ᖁᑦᓯᖕᓂᕐᐹᖑᔪᖅ ᐊᑭᕋᕐᑐᕐᓗᒍ ᐅᖁᒤᒃᓴᕐᑎᓪᓗᒋᓪᓗ ᖁᑦᓯᖕᓂᕐᐹᖑᔪᑉ ᐃᑦᔪᕐᓁᑦᑐᖁᑎᖏᑦ, ᐋᖅᑭᒃᓱᐃᓇᓱᐊᕈᒫᕐᓗᓂᓗ ᐱᖁᔭᓂᒃ ᓇᓪᓕᐅᓂᕐᓯᐅᕕᖕᓂᒡᓗ ᐊᓯᑦᔩᓇᓱᐊᕈᒫᕐᓗᓂ. ᖁᑦᓯᖕᓂᕐᐹᓪᓗ ᐃᑦᔪᕐᓁᑦᑐᖁᑎᖏᑦ ᓯᐊᓛᕆᑬᓐᓇᕈᒫᕐᐰᑦ, ᓇᓪᓕᐅᓐᓂᕐᓂᒃ ᐱᖓᓱᓂᒃ ᐊᕝᕙᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 8:10

ᑖᓐᓇ ᐊᖏᔪᕐᔪᐊᖑᓕᕐᐳᖅ ᕿᓚᖕᒥᐅᒐᓴᒃᔪᐃᑦ ᑎᑭᓪᓗᒋᑦ, ᐅᓪᓗᕆᐊᑦ ᐃᓚᖏᑦ ᐃᒋᑉᐰᑦ ᓄᓇᒧᑦ ᑐᓪᓕᕋᕐᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 8:13

ᑐᓴᕐᐳᖓᓗ ᐃᑦᔪᕐᓁᑦᑐᒥᒃ ᐃᑦᔪᕐᓁᑦᑑᖃᑎᒥᓄᑦ ᐅᖃᕐᑐᒥᒃ, “ᖃᓄᖅ ᐊᑯᓂᐅᑎᒋᔪᖅ ᑕᑯᑎᑕᐅᑦᔪᑎ ᓇᓪᓕᐅᑎᓇᓱᐊᕐᓂᐊᕐᐹ? ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖅ, ᐅᓇᑕᕐᓂᕐᓗ ᓱᓇᖃᕈᓐᓁᕐᑎᑦᓯᔪᖅ, ᐃᑦᔪᕐᓁᑦᑐᕕᐅᓪᓗ ᑐᓂᔭᐅᓯᒪᓂᖓ, ᐃᑦᔪᕐᓁᑦᑐᓪᓗ ᑐᓪᓕᕋᕐᑕᐅᓂᖏᑦ?”

ᑖᓂᐊᓕᐅᑉ ᐊᒡᓚᖏᑦ 8:14

ᐅᖃᐅᑎᕚᖓᓗ, “ᐅᓪᓗᐃᑦ ᐅᓐᓄᐊᓪᓗ 2,300ᐃᑦ ᐊᓂᒍᕐᐸᑕ; ᑕᕝᕙ ᐃᑦᔪᕐᓁᑦᑐᕕᒃ ᐃᑦᔪᕐᓁᓕᑎᒃᑲᓐᓂᕈᒪᕙᕋ.”

ᒨᓯᓯ ᓯᑕᒪᖏᑦ 14:34

ᐅᓪᓗᐃᑦ ᐅᓄᕐᓂᖏᑦ ᓄᓇᒥᒃ ᐃᔨᕋᕐᑐᕐᓗᓯ ᕿᒥᕐᕈᓚᐅᕐᓂᓯ ᒪᓕᒡᓗᒋᑦ, ᐅᓪᓗᐃᑦ 40ᐃᑦ ᐅᓪᓗᖅ ᐊᑕᐅᓯᖅ ᐊᕐᕌᒍᒧᑦ ᐊᑕᐅᓯᕐᒧᑦ ᐸᓯᔭᒃᓴᐅᑦᔪᑎᒋᓗᒍ, ᐃᒫᒃ ᐊᕐᕌᒍᓂᒃ 40ᓂᒃ, ᓈᒻᒪᒃᓴᖏᓐᓂᕋ ᖃᐅᔨᔪᒫᕐᐸᓯ.’

ᒫᑎᐅᓯᐅᑉ ᐊᒡᓚᖏᑦ 27:53

ᐃᓗᕕᕐᓂᑦ ᐊᓂᓪᓗᑎᒃ; ᔩᓱᓯᐅᑉ ᑐᖁᖓᔪᓂᑦ ᒪᑭᓐᓂᖓᑕ ᑭᖑᓂᖓᒍᑦ, ᐃᒡᓗᒐᓴᖕᓄᐊᕐᐳᑦ ᐃᑦᔪᕐᓁᑦᑐᒧᑦ; ᑕᕝᕙᓂ ᐃᓄᖕᓂᑦ ᐅᓄᕐᑐᓂᑦ ᑕᑯᔭᐅᖃᑦᑕᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 4:5

ᑕᕝᕙ ᓵᑖᓇᓯᐅᑉ ᔩᓱᓯ ᔨᕉᓴᓕᒻᒧᐊᕈᑎᕚ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ, ᖃᑉᕕᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 5:13

“ᓄᓇᕐᔪᐊᑉ ᑕᕆᐅᕆᕚᓯ; ᑕᕆᐅᖅ ᑕᕆᐅᖑᔪᓐᓃᕐᐸᑦ ᖃᓄᖅ ᑕᕆᐅᓐᖑᒃᑲᓐᓂᕐᑎᑕᐅᔪᓐᓇᕐᐸ? ᓱᓇᒧᑦ ᐊᑑᑎᒃᓴᖃᕈᓐᓃᕐᐳᖅ, ᒪᓂᖅᑲᒧᑦ ᓈᕕᑕᐅᓗᓂ ᐃᓄᖕᓄᑦ ᑐᓪᓕᕋᒐᒃᓴᐅᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:11

ᐅᓪᓗᓪᓕ ᐱᖓᓱᑦ ᓇᑉᐸᕐᓗ ᓈᒃᐸᑕ ᐊᓂᕐᓂᕐᒥᒃ ᐃᓅᓯᖃᕐᓇᕐᑐᒥᒃ ᒎᑎᒥᑦ ᐱᔪᒥᒃ ᐃᑎᕐᕕᐅᔪᒫᕐᐴᒃ ᐆᒻᒪᕐᓗᑎᒡᓗ ᓂᑯᕕᑦᓱᒫᕐᐴᒃ, ᑕᑯᓐᓇᕐᑐᓕᒫᓪᓗ ᐊᖏᔪᒥᒃ ᑲᑉᐱᐊᓱᓕᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:6

ᐊᕐᓇᕐᓗ ᕿᒫᕗᖅ ᐃᓄᖃᔪᐃᑦᑐᒧᑦ, ᐃᓂᖃᓕᕐᐳᕐᓗ ᒎᑎᐅᑉ ᐊᑐᐃᓐᓇᕈᕐᓯᒪᔭᖓᓂ, ᑕᕝᕙᓂ ᑲᒪᒋᔭᐅᓂᐊᓕᕐᓗᓂ ᐅᓪᓗᓂᑦ 1,260ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:10

ᐊᓂᕐᓂᒃᑯᓪᓗ ᐊᐅᓪᓚᕈᑎᕚᖓ ᖃᖅᑲᕐᔪᐊᕐᒧᑦ, ᐳᕐᑐᔪᕐᔪᐊᒧᑦ, ᑕᑯᑎᑉᐹᖓᓗ ᔨᕉᓴᓕᒥᒃ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒃ ᕿᓚᖕᒥᑦ ᐊᖅᑲᕐᑐᓂᒃ ᒎᑎᒥᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:19

ᓇᓪᓕᐊᓐᓂᒡᓗ ᐃᓚᓐᖎᔪᖃᕐᐸᑦ ᐅᑯᓇᓂ ᐱᔪᒫᕐᑐᑦ ᐅᖃᐅᓯᕐᑕᖏᓐᓂᒃ ᐊᒡᓚᖕᓂ ᑎᑎᕋᕐᓯᒪᔪᓂ, ᑖᓐᓇ ᒎᑎᐅᑉ ᐃᓚᓐᖎᕕᒋᔪᒫᕆᕚ ᐱᔭᒃᓴᖓᓂᒃ ᓇᐹᕐᑐᒥᑦ ᐆᒪᓇᕐᑐᒥᑦ ᐃᒡᓗᒐᓴᒡᔪᐊᓂᓪᓗ ᐃᑦᔪᕐᓁᑦᑐᓂᑦ, ᑖᒃᑯᓇᓂ ᐅᖃᐅᓯᐅᓯᒪᔪᓂᒃ ᑕᕝᕙᓂ ᐊᒡᓚᖕᓂ.