ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 20:23

ᔩᓱᓯᐅᑉ ᐅᖃᐅᑎᕚᒃ “ᐃᒥᕐᓂᐊᕐᑕᓐᓂᑦ ᐃᒥᕈᓐᓇᕋᓗᐊᕐᐳᓯᒃ, ᑭᓯᐊᓂᓕ ᑕᓕᕐᐱᓐᓂ ᓴᐅᒥᓐᓂᓗ ᐃᒃᓯᕙᔪᒃᓴᓂᒃ ᐅᕙᖓ ᐃᓂᑖᕐᑎᑦᓯᔪᓐᓇᓐᖏᓚᖓ, ᐊᑖᑕᒪ ᐅᐸᓗᖕᒊᕐᓯᒪᔭᖏᓐᓄᑦ ᑭᓯᐊᓂ ᐃᓂᒃᓴᕆᔭᐅᕗᑦ.”

ᒫᑯᓯᐅᑉ ᐊᒡᓚᖏᑦ 10:39

ᑖᒃᑯᐊᒃ ᑭᐅᕙ, “ᑍᒫᒃ ᐱᔪᓐᓇᕐᐳᒍᒃ.” ᐅᖃᐅᑎᕚᒃ, “ᐃᒥᐅᑎᒥᒃ ᐃᒥᕆᐊᖃᕐᑕᓐᓂᒃ ᐃᒥᕐᓂᐊᕋᓗᐊᕐᐳᓯᒃ; ᐹᑉᑎᑕᐅᑦᔪᑎᒋᓂᐊᕐᑕᓐᓄᓪᓗ ᐹᑉᑎᑕᐅᔪᓐᓇᕐᓂᐊᕋᓗᐊᕐᐳᓯᒃ;

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:15

ᐅᒃᐱᕐᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᕐᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ,

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᕉᒪᒥᐅᓄᑦ 8:25

ᓂᕆᐅᒃᑯᑦᑕᓕ ᑕᑯᓐᓇᓐᖏᑕᑦᑎᓐᓂᒃ, ᕿᓄᐃᓵᕐᓗᑕ ᑕᕝᕙ ᐅᑕᖅᑭᕙᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:7

ᓂᕆᐅᖕᓂᖃᕐᓂᕗᑦ ᐱᓪᓗᓯ ᐊᐅᓚᑦᔭᒃᑕᐅᔪᓐᓇᖏᓚᖅ; ᖃᐅᔨᒪᒐᑦᑕ ᐋᓐᓂᐊᑎᑕᐅᓂᑦᑎᓐᓂᒃ ᐱᖃᑕᐅᖕᒥᒐᑦᓯ, ᐃᑲᔪᕐᑕᐅᑦᔪᑎᒋᔭᑦᑎᓐᓄᑦᑕᐅᖅ ᐃᑲᔪᕐᑕᐅᑦᔪᑎᖃᕐᓂᐊᕐᒥᒐᑦᓯ.

ᐱᓕᐱᒥᐅᓄᑦ 1:7

ᑍᒪᓐᖓᑦ ᐃᓱᒪᒥᐅᑕᕇᓐᓇᕋᑦᓯ ᑍᒤᒻᒪᑦ ᐃᓕᑦᓯᓐᓂᒃ ᑍᒫᒃ ᐃᓱᒪᒋᔭᖃᕐᑐᒃᓴᐅᒐᒪ, ᑍᒪᓐᖓᑦ ᑲᑐᑦᔨᖃᑎᒌᓐᓇᓚᐅᕋᑦᓯᓐᖓ ᐱᕕᒃᓴᖃᕐᑎᑕᐅᓂᕆᔭᓐᓂᒃ ᒎᑎᒧᑦ, ᐅᕙᓂ ᑎᒍᔭᐅᓯᒪᕕᖕᒦᒃᑲᓗᐊᕐᑎᓪᓗᖓ ᑎᒍᔭᐅᓯᒪᑎᓐᓇᖓᓘᓐᓃᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕐᑎᓪᓗᖓ. ᐋᖅᑭᒃᓯᓇᓱᐊᕐᑎᓪᓗᖓᓗ ᐊᐅᓚᖏᑦᓯᐊᕐᑐᒥᒃ.

ᐱᓕᐱᒥᐅᓄᑦ 4:14

ᐱᐅᔪᒥᒡᓕ ᐱᓇᓱᐊᓚᐅᕐᐳᓯ ᐅᖁᒤᑦᑐᒦᑎᓪᓗᖓ ᐃᑲᔪᓚᐅᕋᑦᓯᓐᖓ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:5

ᐊᑕᓂᐅᑉ ᐆᒻᒪᑎᓯ ᑕᓯᐅᕐᓕᒋᑦ ᒎᑎᐅᑉ ᓇᒡᓕᖕᓂᖓᓄᑦ ᙭ᔅᑑᓯᐅᓪᓗ ᓱᖁᓯᔪᐃᑦᑑᓂᖓᓄᑦ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᐄᑉᕈᐃᓄᑦ 10:36

ᕿᓄᐃᓵᕆᐊᖃᕐᐳᓯᓕ, ᒎᑎᐅᑉ ᐱᔪᒪᔭᖓᓂᒃ ᐊᑐᕈᓐᓇᖁᓪᓗᓯ ᐊᖏᕈᑕᐅᓯᒪᔪᒥᒡᓗ ᐃᓚᖏᐅᑎᑎᑕᐅᔪᓐᓇᖁᓪᓗᓯ.

ᐲᑦᑐᕉᓯ ᓯᕗᓪᓖᑦ 5:1

ᐃᓐᓁᑦ ᐊᐅᓚᑦᓯᔩᑦ ᐃᓇᑉᐸᒃᑲ, ᐅᕙᖓᑦᑕᐅᖅ ᐊᐅᓚᑦᓯᔨᐅᖃᑕᐅᒐᒪ ᙭ᔅᑑᓯᐅᑉ ᐊᒃᓱᕈᓇᕐᑐᒦᑎᑕᐅᓚᐅᕐᓂᖓᓂᒃ ᑕᑯᖃᑕᐅᓯᒪᒐᒪ ᐱᖃᑕᐅᔪᒫᕆᕗᖓ ᓂᕐᑐᕐᓇᕐᑐᔪᐊᕐᒥ ᓴᖅᑭᕈᒫᕐᑐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:1

ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᑕᑯᑎᑦᓯᓂᖓᓂᒃ, ᒎᑎᐅᑉ ᐱᔨᓂ ᑕᑯᑎᓚᐅᕐᐹ ᐱᔪᒫᕐᑐᒃᓴᓂᒃ ᖃᐅᔨᖁᓪᓗᒍ ᐊᑯᓂᐅᖏᑦᑐᖅ ᓇᓪᓕᐅᑎᔪᒫᓕᕐᑐᓂᒃ; ᑕᒪᒃᑯᐊ ᖃᐅᔨᒃᑲᐅᑎᒋᓚᐅᕐᐰᑦ ᐱᔨᒥᓄᑦ ᔪᐊᓇᓯᒧᑦ ᐂᖏᓕᒥᒃ ᑎᓕᓯᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:2

ᔪᐊᓇᓯ ᓇᓗᓁᕐᓯᓚᐅᕐᐳᖅ ᒎᑎᐅᑉ ᐅᖃᐅᓯᖓᓂᒃ ᐅᓐᓂᕐᓯᐅᕈᑎᖃᕐᓗᓂᓗ ᔩᓱᓯ ᙭ᔅᑑᓯᒥᒃ, ᑕᒤᓐᓂᒃ ᑕᑯᓚᐅᕐᑕᒥᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:4

ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:7

ᐅᖃᐅᓯᕆᔭᕆᐊᓕᖕᒥᖕᓂᒡᓗ ᐅᖃᓪᓚᒌᕐᓯᒪᓕᕐᐸᑎᒃ, ᐆᒪᔪᕐᔪᐊᑉ ᐃᑎᕐᓵᓗᖕᒥᑦ ᓇᑎᖃᖏᑦᑐᒥᑦ ᐱᔫᑉ ᐅᓇᑕᕈᒫᕐᐰᑦ ᓵᓚᒋᓗᒋᒡᓗ ᑐᖁᑕᐅᔪᒫᕐᐴᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:17

ᑐᕌᒎᓂᓗ ᓂᓐᖓᒃᐳᖅ ᐊᕐᓇᒧᑦ, ᐊᕐᓇᐅᓪᓗ ᑭᖑᕚᖏᑕ ᐊᒥᐊᒃᑯᖏᓐᓂᒃ ᐅᓇᑕᕆᐊᕐᐳᖅ, ᑕᒤᓐᓂᒃ ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᓂᒃ ᓱᓕᓂᕐᒥᒡᓗ ᔩᓱᓯᐅᑉ ᓴᖅᑭᑎᓚᐅᕐᑕᖓᓂᒃ ᒪᓕᒃᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:10

ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:12

ᑕᕝᕙᓂ ᕿᓄᐃᓵᕐᓂᖃᖁᔭᐅᕗᑦ ᐃᑦᔪᕐᓁᑦᑐᑦ, ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᑦ ᔩᓱᓯᒧᓪᓗ ᐅᒃᐱᕐᓂᖃᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:9

ᓄᕐᕋᐅᔭᐅᓪᓗ ᓇᕿᑦᔪᑏᑦ ᑕᓪᓕᒪᖓᑦ ᒪᒃᐱᕐᒪᒍ, ᑕᑯᕗᖓ ᑐᓂᕐᕈᓯᕐᕕᐅᑉ ᐊᑖᓂ ᑐᖁᑕᐅᔪᕕᓃᑦ ᑕᕐᓂᖏᓐᓂᒃ ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᖕᓂᕐᒧᑦ ᓇᓗᓁᕐᓯᓂᕐᒥᒡᓗ ᑲᔪᓯᑦᓯᐊᕐᓂᕐᒧᑦ ᑐᖁᑕᐅᔪᕕᓂᕐᓂᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.