ᐃᓐᖏᕈᑎᑦ 97:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑖᑦᓱᒪ ᖃᐅᒻᒪᓪᓚᖁᑎᖏᑕ ᓄᓇᕐᔪᐊᖅ ᖃᐅᒻᒪᒃᑎᑉᐹ; ᓄᓇᕐᔪᐊᖅ ᑕᒪᑐᒥᖓ ᑕᑯᒐᒥ ᓴᔪᓕᕐᐳᖅ.

ᐃᓐᖏᕈᑎᑦ 97:4 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 37:3

ᕿᓚᐅᑉ ᐊᑖᒍᑦ ᐊᑕᖐᒪᔪᒥᒃ ᑲᓪᓕᕐᑎᑦᓯᕙᒃᐳᖅ, ᓄᓇᕐᔪᐊᑉ ᐃᓱᐊᓂᑦ ᐃᓱᐊᓄᑦ ᑎᑭᓪᓗᒍ ᖃᐅᒻᒪᓪᓚᒃᑎᑦᓯᕙᒃᐳᖅ.

ᔫᐱᐅᑉ ᐊᒡᓚᖏᑦ 9:6

ᓄᓇᒥᒃ ᓴᔪᒃᐱᓗᒃᑎᑦᓯᓲᖑᕗᖅ ᐊᐅᓚᑎᓪᓗᓂᐅᒃ, ᓄᓇᐅᓪᓗ ᓱᑲᖏᑦ ᐊᐅᓚᑎᓲᕆᓪᓗᓂᒋᑦ;

ᐃᓐᖏᕈᑎᑦ 104:32

ᓄᓇᕐᔪᐊᖅ ᑕᑯᓴᕐᒪᒍ, ᑕᕝᕙ ᓴᔪᒃᐱᓗᓕᕐᐳᖅ, ᖃᖅᑬᑦ ᐊᒃᑐᕐᒪᒋᑦ ᑕᕝᕙ ᐳᔫᓕᕐᐳᑦ.

ᐃᓐᖏᕈᑎᑦ 114:7

ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ;

ᐃᓐᖏᕈᑎᑦ 77:18

ᐃᒃᑐᓚᐅᖁᑎᕕᑦ ᓂᐱᖓ ᐊᓄᕆᒥ ᐅᓚᔪᔨᕋᕐᒦᑉᐳᖅ; ᖃᐅᒻᒪᓪᓛᔪᖁᑎᕕᓪᓗ ᓄᓇᕐᔪᐊᖅ ᖃᐅᒻᒪᒃᑎᑉᐹᑦ; ᑕᕝᕙ ᓄᓇᕐᔪᐊᖅ ᓴᔪᓕᕐᐳᖅ ᐊᐅᓚᓕᕐᓗᓂᓗ.

ᐃᓐᖏᕈᑎᑦ 77:19

ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ, ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ, ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.

ᐃᓐᖏᕈᑎᑦ 96:9

ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᓐᓂᐅᑉ ᐱᐅᔫᓂᖓᒍᑦ; ᓄᓇᕐᔪᐊᕐᒥᐅᓕᒫᑦ ᑖᑦᓱᒥᖓ ᓯᕘᕋᔪᒃᓴᐅᕗᑦ!

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.