ᐃᓐᖏᕈᑎᑦ 97:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᐅᑉ ᓇᒡᓕᒋᕔᑦ ᐱᐅᖏᑦᑐᒥᒃ ᐆᒥᒋᔭᓖᑦ; ᑖᑦᓱᒪ ᐃᓄᖁᑎᖏᑕ ᐃᓅᓯᖏᑦ ᓴᐳᑎᓯᒪᖕᒪᒋᑦ; ᐱᐅᖏᑦᑐᑦ ᐱᓇᓱᐊᕐᓂᖏᓐᓂᑦ ᓴᐳᑎᕔᑦ.

ᐃᓐᖏᕈᑎᑦ 97:10 ပူးပေါင်းရင်းမြစ်များ

ᐃᓐᖏᕈᑎᑦ 101:3

ᐱᐅᖏᑦᑐᒥᒃ ᑲᔪᓯᓂᖃᕈᒪᓐᖏᓚᖓ; ᑲᑕᒃᓯᒪᔪᑦ ᐱᓂᐊᕐᓂᖏᑦ ᐆᒥᒋᕙᒃᑲ; ᑕᒪᑐᒧᖓ ᐊᒃᑐᐊᔭᐅᔪᒪᓐᖏᓚᖓ.

ᐃᓐᖏᕈᑎᑦ 119:104

ᐱᓇᓱᐊᕐᑕᐅᖁᔭᕐᓄᑦ ᖃᐅᔨᒪᑎᑕᐅᓕᕐᐳᖓ; ᑍᒤᒻᒪᑦ ᓱᓕᖏᑦᑐᓕᒫᓂᒃ ᐱᐅᒃᓴᓐᖏᓚᖓ.

ᐃᓐᖏᕈᑎᑦ 119:163

ᓴᒡᓗᓂᖅ ᐆᒥᒋᕙᕋ ᓇᕐᕈᒋᓪᓗᒍᓗ, ᐱᖁᔭᑎᓪᓕ ᐅᖓᒋᕙᒃᑲ.

ᐃᓐᖏᕈᑎᑦ 121:7

ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐱᐅᖏᑦᑐᓕᒫᓂᑦ; ᐃᓅᓰᓪᓗ ᓴᐳᑎᓯᒪᓂᐊᕐᐹ.

ᐃᓐᖏᕈᑎᑦ 125:3

ᐱᐅᖏᑦᑐᑦ ᐱᔪᓐᓇᐅᑎᖓᑕ ᑎᒃᑯᐊᕐᓯᒍᑎᖓ ᓇᓚᐅᑦᑖᕈᑎᒃᑯᑦ ᐊᐅᓚᑦᓰᓐᓇᕐᓂᐊᓐᖏᓚᖅ ᐃᓱᐊᕐᑐᑦ ᓄᓇᖏᓐᓂ, ᐃᓱᐊᕐᑐᑦ ᐱᐅᖏᑦᑐᒥᒃ ᐱᓇᓱᐊᓕᖁᓇᒋᑦ.

ᐃᓐᖏᕈᑎᑦ 145:20

ᐊᑕᓂᐅᑉ ᓇᒡᓕᒋᔨᓕᒫᓂ ᓴᐳᑎᓯᒪᕔᑦ; ᐱᐅᖏᑦᑐᓕᒫᓪᓕ ᓄᖑᑎᓐᓂᐊᕐᐰᑦ.

ᐃᓐᖏᕈᑎᑦ 31:23

ᐊᑕᓂᖅ ᓇᒡᓕᒋᓯᐅᒃ ᐃᑦᔪᕐᓁᑦᑐᖁᑎᒋᖕᒪᓯ! ᐊᑕᓂᐅᑉ ᓴᐳᑎᓯᒪᕔᑦ ᓱᖁᓯᔪᐃᑦᑐᑦ, ᐱᐅᔪᕆᔪᕐᓕ ᓱᒋᐊᕐᐹ ᓱᒋᐊᕐᑕᐅᔭᕆᐊᖃᕐᓂᖓᓄᑦ.

ᐃᓐᖏᕈᑎᑦ 34:14

ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᐃᓐᖏᕈᑎᑦ 91:14

ᑖᑦᓱᒪ ᓇᒡᓕᖕᓂᕐᒧᑦ ᐅᖓᒋᔭᕐᑖᕆᖕᒪᖓ, ᑍᒤᒻᒪᑦ ᓴᐳᑎᓂᐊᕐᐸᕋ; ᓴᐳᑎᓯᒪᓂᐊᓕᕐᐸᕋ, ᐅᕙᓐᓂᒃ ᖃᐅᔨᓯᒪᓕᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:8

ᓴᐳᑎᓯᒪᕚ ᓈᒻᒪᓈᑦᓯᐊᕐᑑᑉ ᐊᖅᑯᑎᖓ, ᓴᐳᑎᓯᒪᑦᓯᐊᕐᐰᓪᓗ ᐃᓅᑦᓯᐊᕐᑐᖁᑎᖏᑕ ᐊᖅᑯᑎᒋᓂᐊᕐᑕᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:7

ᐃᒻᒥᓂᒃ ᓯᓚᑐᓇᓱᒋᑦᑍᓕᒋᑦ; ᐊᑕᓂᕐᓕ ᐃᓕᕋᒋᒍᒃ, ᐱᐅᖏᑦᑐᒥᒡᓗ ᕿᒤᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 15:21

“ᓴᐳᑎᓂᐊᕐᐸᒋᑦ ᐊᔪᕐᑐᓕᔪᑦ ᐊᒡᒐᖏᓐᓂᑦ, ᐱᐅᓕᓗᑎᓪᓗ ᐊᑐᖏᑦᑐᓕᔪᓂᑦ.”

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 6:22

ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᑖᓂᐊᓕᐅᑉ ᐊᒡᓚᖏᑦ 6:27

ᑖᓐᓇ ᐊᓐᓇᒃᑎᑦᓯᕙᒃᑐᖅ ᓴᐳᑦᔨᕙᒡᓗᓂᓗ; ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐱᓂᐊᕐᓂᖃᕐᐳᖅ ᕿᓚᖕᒥ ᓄᓇᒥᓗ. ᑖᓂᐊᓕ ᓴᐳᑎᓚᐅᕐᐹ ᓔᔧᑦ ᐱᔪᓐᓇᕐᓂᖏᓐᓂᑦ.”

ᐂᒨᓯᐅᑉ ᐊᒡᓚᖏᑦ 5:14

“ᐱᐅᔪᒥᒃ ᕿᓂᕆᑦᓯ ᐱᐅᖏᑦᑐᒥᐅᖏᑦᑐᖅ, ᐃᓅᖁᓪᓗᓯ, ᑕᕝᕙ ᕿᓚᖕᒥᐅᒐᓴᒡᔪᐊᑦ ᐊᑕᓂᖓᑕ ᒎᑎᐅᑉ ᐃᓚᒋᓂᐊᕐᐹᓯ, ᐅᖃᐅᓯᕆᔭᓯ ᒪᓕᒡᓗᒍ.

ᐂᒨᓯᐅᑉ ᐊᒡᓚᖏᑦ 5:15

ᐱᐅᖏᑦᑐᖅ ᐆᒥᒋᓯᐅᒃ, ᐱᐅᔪᖅ ᐅᖓᒋᓗᒍ, ᐊᑲᐅᔪᒥᒡᓕ ᐱᓇᓱᐊᕆᑦᓯ ᐃᖅᑲᕐᑐᐃᕕᖕᓂ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᓂᑲᒍᓱᓕᖁᓪᓗᒍ ᔫᓯᐱᐅᑉ ᑭᖑᕚᖏᑕ ᐊᒥᐊᒃᑯᖏᓐᓂᒃ.”

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᕉᒪᒥᐅᓄᑦ 7:15

ᐱᓂᐊᕐᓂᒃᑲ ᓇᖕᒥᓂᖅ ᑐᑭᓯᓐᖏᓚᒃᑲ. ᐱᓂᐊᕈᒪᔭᓐᓂᒃ ᐱᕙᖏᓐᓇᒪ, ᐱᐅᒋᓐᖏᑕᓐᓂᒡᓕ ᐱᓂᐊᕐᐸᒃᐳᖓ.

ᕉᒪᒥᐅᓄᑦ 7:24

ᐅᕙᖔᓗ ᖁᕕᐊᓇᖏᑦᑐᒦᑦᑐᖓ! ᑭᐊ ᓴᐳᑎᔪᓐᓇᕐᐹᖔ ᐆᒪᓐᖓᑦ ᑎᒥᒥᑦ ᐅᕙᓐᓂᒃ ᑐᖁᑎᑦᓯᔪᒦᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:2

ᓴᐳᑎᔭᐅᖁᓪᓗᑕᓗ ᐃᓄᖕᓂᑦ ᐱᐅᖏᑦᑐᓂᑦ ᐊᔪᕐᑐᓕᔪᓂᓪᓗ; ᑕᒪᕐᒥᒃ ᐅᒃᐱᕐᑐᐃᓐᓇᐅᖏᒻᒪᑕ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.

ᔪᐊᓇᓯ ᓯᕗᓪᓖᑦ 5:18

ᖃᐅᔨᒪᕗᒍᑦ ᑕᒪᕐᒥᒃ ᒎᑎᒥᑦ ᐃᕐᓂᐊᖑᔪᑦ ᐊᔪᕐᑐᓖᓐᓇᕈᓐᓇᖏᒻᒪᑕ, ᒎᑎᐅᑉ ᐃᕐᓂᖓᑕ ᓴᐳᑎᓯᒪᖕᒪᒋᑦ, ᓵᑖᓇᓯᐅᓪᓗ ᐊᒃᑐᕐᓂᐊᓐᖏᓛ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.