ᐃᓐᖏᕈᑎᑦ 95:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᕾᓗᓯ, ᑐᒃᓯᐊᓕᕐᑕ ᐹᒻᒪᒡᓗᑕᓗ, ᓰᖅᑯᖓᓕᕐᑕ ᐊᑕᓂᕐᒧᑦ, ᓴᓇᔨᒋᓚᐅᕐᑕᑦᑎᓐᓄᑦ.

ᐃᓐᖏᕈᑎᑦ 95:6 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:54

ᓲᓗᒨᓂ ᑐᒃᓯᐊᕇᕋᒥ ᑐᒃᓯᐅᑦᔨᔭᕇᕋᒥᓗ ᐊᑕᓂᕐᒧᑦ, ᓂᑯᕕᑉᐳᖅ ᑐᓂᕐᕈᓯᕐᕕᐅᑉ ᓵᖓᓂᑦ, ᓰᖅᑯᖓᕕᒋᕋᑖᕐᑕᒥᓂ ᑕᓖᖕᓂᓗ ᖁᒻᒧᑦ ᐃᓵᒡᓗᒋᒃ;

ᑯᕉᓂᑲ ᐂᑉᐸᖏᑦ 29:28

ᑕᕝᕙ ᑲᑎᒪᔪᓕᒫᑦ ᓂᕐᑐᐃᓕᕐᐳᑦ ᑐᒃᓯᐊᕐᓗᑎᒃ, ᐃᓐᖏᕐᑏᓪᓗ ᐃᓐᖏᕐᓗᑎᒃ, ᑎᑦᑐᓚᐅᓯᔭᕐᑐᓪᓗ ᓂᓪᓕᐊᕗᑦ; ᑍᒫᒃ ᑖᒃᑯᐊ ᑲᔪᓯᓚᐅᕐᐳᑦ ᐃᑯᐊᓪᓚᒋᐊᓕᒃ ᑐᓂᕐᕈᑏᑦ ᐱᔭᕇᓚᐅᖏᓐᓂᖏᓐᓂ.

ᑯᕉᓂᑲ ᐂᑉᐸᖏᑦ 29:29

ᑐᓂᕐᕈᓯᕐᓂᕐᒥᒡᓗ ᐱᔭᕇᕐᒪᑕ, ᐊᖓᔪᖅᑳᕐᔪᐊᖅ ᐃᓚᒋᔭᖏᓪᓗ ᑍᑲᓃᑦᑐᓕᒫᑦ ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ.

ᑯᕉᓂᑲ ᐂᑉᐸᖏᑦ 29:30

ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.

ᑯᕉᓂᑲ ᐂᑉᐸᖏᑦ 6:13

ᓲᓗᒨᓂ ᓴᓇᓯᒪᓚᐅᕐᐳᖅ ᓇᑎᕐᒥᑦ ᖁᕝᕙᓯᖕᓂᕐᓴᒥᒃ ᐃᓄᐃᑦ ᓯᕗᕌᓃᕝᕕᖕᒥᒃ ᑲᓐᓄᔧᓐᓇᐅᓪᓗᒍ ᓴᓂᒧᖃᕐᑐᒥᒃ ᓯᑕᒪᐅᔪᕐᑐᓂᒃ ᐃᑎᒐᖕᓂᒃ ᑐᑭᒧᖃᕆᓪᓗᓂ ᓯᑕᒪᐅᔪᕐᑐᓂᒃ, ᐳᕐᑐᓂᖃᕐᓗᓂᓗ ᑕᓪᓕᒪᓂᒃ ᐃᑎᒐᖕᓂᒃ, ᐃᓕᓯᒪᓚᐅᕐᐹᓗ ᐃᒡᓘᑉ ᐱᕕᑐᓂᐊᑕ ᕿᑎᖓᓄᑦ, ᑕᕝᕗᖓᓗ ᒪᔪᕐᐳᖅ. ᓰᖅᑯᕐᓗᓂᓗ ᐃᓴᕆᐊᓕᒥᐅᑦ ᑲᑎᒪᔪᑦ ᓵᖓᓂ, ᑕᓖᖕᓂᓗ ᐃᓵᒃᐰᒃ ᕿᓚᖕᒧᑦ;

ᐄᓱᕋᐅᑉ ᐊᒡᓚᖏᑦ 9:5

ᐅᓐᓄᒃᑯᑦ ᑐᓂᕐᕈᓯᕐᓂᖅ ᓇᓪᓕᐅᑎᖕᒪᑦ, ᒪᑭᓚᐅᕐᐳᖓ ᕿᒃᓵᒡᕕᒋᔭᓐᓂᑦ, ᓱᓕ ᐊᓐᓄᕌᑦ ᐊᓕᒃᑐᓚᐅᕐᑕᒃᑲ ᐊᑐᕐᓗᒋᑦ, ᓰᖅᑯᓚᐅᕐᐳᖓ ᑐᒃᓯᐊᕐᓗᖓ ᐊᒡᒐᒃᑲᓗ ᐃᓵᓚᐅᕐᐸᒃᑲ ᐊᑕᓂᕐᒧᑦ ᒎᑎᓐᓄᑦ.

ᔫᐱᐅᑉ ᐊᒡᓚᖏᑦ 35:10

ᓇᓪᓕᐊᓐᓂᒡᓕ ᐅᖃᕐᑐᖃᓐᖏᓚᖅ, ‘ᓇᐅᒡᓕ ᒎᑎ ᐱᓐᖑᕐᑎᑎᒋᓚᐅᕐᑕᕋ, ᑖᕐᓯᐅᓕᕐᑎᓪᓗᑕ ᐃᓐᖏᕈᓯᕐᑖᕐᑎᑦᓯᕙᒃᑐᖅ.

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 119:73

ᐊᒡᒐᒃᐱᑦ ᓴᓇᓚᐅᕐᐹᖓ ᐋᖅᑭᒃᓱᕐᓗᖓᓗ; ᑐᑭᓯᑎᓚᐅᓐᖓ ᐱᖁᔭᕐᓂᒃ ᐃᓕᑦᓯᔪᓐᓇᖁᓪᓗᖓ.

ᐃᓐᖏᕈᑎᑦ 139:13

ᐃᓗᒥᐅᑕᓕᒫᒃᑲ ᐱᓐᖑᕐᑎᓚᐅᕐᐸᑎᑦ, ᐊᓈᓇᒪ ᐃᒡᓕᐊᖓᓃᑎᓪᓗᖓ ᐋᖅᑭᒃᓱᓚᐅᕐᐸᕐᒪ.

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 72:9

ᐃᓄᖃᖏᑦᑐᒥ ᐃᓂᖃᕐᑐᑦ ᓵᖓᓂ ᐅᑯᔪᒫᕐᐳᑦ, ᐊᑭᕋᖏᑕᓗ ᐳᔪᕐᓗᒃ ᐊᓗᒃᑐᕈᒫᕐᐹᑦ.

ᐃᓐᖏᕈᑎᑦ 95:1

ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ!

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:1

ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.”

ᐂᓮᐊᓯᐅᑉ ᐊᒡᓚᖏᑦ 17:7

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐃᓄᐃᑦ ᐱᓐᖑᕐᑎᑦᓯᔨᒋᓚᐅᕐᑕᒥᖕᓂᒃ ᑕᑯᓇᓱᓕᕈᒫᕐᐳᑦ, ᐃᔨᒥᖕᓄᓪᓗ ᐃᒃᐱᒍᓱᑦᓯᐊᕐᓗᑎᒃ ᕿᓂᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 44:2

ᐊᑕᓂᖅ ᐃᒫᒃ ᐅᖃᕐᐳᖅ ᐃᓕᖕᓂᒃ ᓴᓇᓚᐅᕐᑐᖅ, ᑖᑦᓱᒪ ᓴᓇᓚᐅᕐᒪᑎᑦ ᐃᒡᓕᐊᑉ ᐃᓗᐊᓂ, ᑖᑦᓱᒪ ᐃᑲᔪᕐᓂᐊᕐᐹᑎᑦ; ᑲᑉᐱᐊᓱᒃᑍᓕᒋᑦ, ᔧᑰ ᐱᔨᒋᒐᒃᑭᑦ; ᐃᕝᕕᓪᓗ ᔨᓱᕋᓐ ᓂᕈᐊᕆᓯᒪᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 54:5

ᐱᓐᖑᕐᑎᑦᑎᔨᓯ ᐅᐃᒋᒐᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᑐᖅ; ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒻᒥᓄᑦ ᐅᑎᕐᑎᑦᓯᔨᒋᒐᑦᓯᐅᒃ, ᓄᓇᕐᔪᐊᕐᒥᐅᓕᒫᑦ ᒎᑎᖓᓂᒃ ᑍᔭᐅᔪᖅ.

ᐂᓮᐊᓯᐅᑉ ᐊᒡᓚᖏᑦ 64:8

ᐊᑕᓃᕐᓕ ᐊᑖᑕᒋᕙᑦᑎᒋᑦ; ᒪᕐᕋᐅᕗᒍᑦ ᐃᕝᕕᑦ ᒪᕐᕋᓕᐅᕐᑎᐅᓪᓗᑎᑦ; ᐊᒡᒐᖕᓄᓪᓗ ᐃᓘᓐᓇᑕ ᓴᓇᔭᐅᓂᑰᓪᓗᑕ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᕼᐆᓯᐊᑉ ᐊᒡᓚᖏᑦ 8:14

“ᐃᓴᕆᐊᓕᓕ ᐳᐃᒍᕐᓯᒪᖕᒪᑦ ᐱᓐᖑᕐᑎᑦᓯᔨᒥᓂᒃ, ᐃᒡᓗᕐᔪᐊᓕᐅᕐᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᕐᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᕐᓯᒪᓕᕐᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 4:2

ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓂᕆᓚᐅᖏᓐᓇᒥ, ᑳᓕᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 4:9

ᐅᖃᐅᑎᓪᓗᒍ, “ᑕᒪᒃᑯᐊᓕᒫᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᓵᓐᓄᑦ ᓰᖅᑯᕐᓗᑎᑦ ᑐᒃᓯᐊᕐᕕᒋᒍᕕᖓ.”

ᒫᑯᓯᐅᑉ ᐊᒡᓚᖏᑦ 14:35

ᔩᓱᓯ ᐅᖓᒻᒧᑦ ᐱᓱᒃᑲᓐᓂᕐᓗᓂ, ᓄᓇᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, ᐊᔪᕐᓇᖏᑉᐸᑦ ᐊᓐᓂᐊᕐᑎᑕᐅᓂᐅᑉ ᓇᓪᓕᐅᓐᓂᖓ ᐊᑐᕈᒪᓇᓂᐅᒃ.

ᓘᑲᓯᐅᑉ ᐊᒡᓚᖏᑦ 22:41

ᕿᒪᒃᐰᑦ ᒥᓘᑎᒧᑦ ᑎᑭᑕᒃᓴᐅᔪᒧᑦ, ᓰᖅᑯᕐᓗᓂ ᑐᒃᓯᐊᕐᐳᖅ,

ᔪᐊᓇᓯᐅᑉ ᐊᒡᓚᖏᑦ 1:3

ᓱᓇᓕᒫᑦᓯᐊᑦ ᑖᑦᓱᒨᓇ ᐱᓐᖑᕐᑎᑕᐅᓚᐅᕐᓯᒪᕗᑦ; ᑖᑦᓱᒪᓗ ᐊᓯᐊᒍᑦ ᐱᓐᖑᕐᑎᑕᐅᓯᒪᔪᖃᓐᖏᓚᖅ ᐱᓐᖑᕐᑎᑕᐅᓯᒪᔪᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:36

ᐸᐅᓗᓯ ᑕᒪᒃᑯᓂᖓ ᐅᖃᕇᕋᒥ ᓰᖅᑯᕐᓗᓂ ᑐᒃᓯᐊᖃᑎᒋᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:5

ᑕᕝᕙᓃᕝᕕᒃᓴᕗᑦ ᐃᓱᓕᒻᒪᑦ ᕿᒪᓕᕐᐸᕗᑦ ᐊᐅᓪᓚᕆᐊᕐᑐᓕᕐᓗᑕ, ᑖᒃᑯᐊ ᑕᒪᕐᒥᒃ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ, ᓄᓇᓖᑦ ᓯᓚᑖᓄᑦ ᓯᒡᔭᒧᑦ ᖃᓂᐅᕐᐹᑎᒍᑦ; ᑕᒫᓂᓗ ᓰᖅᑯᕐᓗᑕ ᑐᒃᓯᐊᖃᑎᒌᒃᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:60

ᓰᖅᑯᕐᓗᓂ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐊᑕᓃᖅ ᐊᔪᕐᑐᓕᓂᕐᒧᑦ ᑕᒪᑐᒧᖓ ᐸᓯᑦᑍᓕᒃᑭᑦ.” ᑍᒫᒃ ᐅᖃᕇᕋᒥ ᑐᖁᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᐃᐱᓯᒥᐅᓄᑦ 3:14

ᑕᒪᓐᓇ ᐱᑦᔪᑎᒋᓪᓗᒍ ᐊᑖᑕᐅᑉ ᓵᖓᓂ ᓰᖅᑯᕐᐳᖓ,

ᐱᓕᐱᒥᐅᓄᑦ 2:10

ᔩᓱᓯᐅᑉ ᐊᑎᖓᓂ ᓰᖅᑯᑦ ᑕᒪᕐᒥᒃ ᓰᖅᑯᕐᑐᒃᓴᐅᕗᑦ, ᕿᓚᖕᒦᑦᑐᑦ ᓄᓇᒦᑦᑐᓪᓗ ᓄᓇᐅᑉ ᐊᑖᓃᑦᑐᓪᓗ,

ᐲᑦᑐᕉᓯ ᓯᕗᓪᓖᑦ 4:19

ᑍᒤᒻᒪᑦ ᐊᒃᓱᕈᕐᓇᕐᑐᒦᑎᑕᐅᔪᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᐱᓂᐊᕐᓂᖃᑦᓯᐊᕆᐊᖃᕐᐳᑦ ᐃᒻᒥᖕᓂᒡᓗ ᑐᓂᓯᒪᑦᓯᐊᕐᓗᑎᒃ ᐱᓐᖑᕐᑎᑦᑎᔨᒥᖕᓄᑦ, ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᕙᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:8

ᐅᕙᖓ ᔪᐊᓇᓯ ᑖᓐᓇᐅᕗᖓ ᑕᒪᒃᑯᓂᖓ ᑐᓴᕐᓗᖓᓗ ᑕᑯᓚᐅᕐᑐᖓ. ᑐᓴᕇᕋᒃᑭᑦ ᑕᑯᔭᕇᕋᒃᑭᓪᓗ, ᐂᖏᓕᐅᑉ ᓵᖓᓄᑦ ᐹᒻᒪᓚᐅᕐᐳᖓ ᑐᒃᓯᐊᕐᕕᒋᔪᒪᓪᓗᒍ ᑕᒪᒃᑯᓂᖓ ᐅᕙᓐᓂᒃ ᑕᑯᑎᕐᓯᓚᐅᕐᑐᖅ;